मंगळवार, 20 ऑक्टोबर 2026
फोटो सौजन्य- सोशल मीडिया
Dr. Sarvepalli Radhakrishnan Jayanti: डॉ. सर्वपल्ली राधाकृष्णन हे भारताचे पहिले उपराष्ट्रपती आणि दुसरे राष्ट्रपती होते. ते एक महान तत्त्वज्ञ, व्यासंगी लेखक आणि देशातील एक आदराचे स्थान असलेले थोर शिक्षणतज्ज्ञ म्हणून ओळखले जातात. त्यांचा जन्म आज म्हणजेच ५ सप्टेंबर १८८८ रोजी एका गरीब कुटुंबात झाला होता. त्यांनी आपल्या जीवनकाळात भारतीय संस्कृती आणि तत्त्वज्ञानाचा प्रचार व प्रसार जागतिक पातळीवर केला. शिक्षणाप्रती असलेले त्यांचे अफाट प्रेम आणि योगदानाचा सन्मान करण्यासाठी त्यांचा जन्मदिवस देशात ‘शिक्षक दिन’ म्हणून साजरा केला जातो. १९५४ मध्ये त्यांना भारताचा सर्वोच्च नागरिक सन्मान असलेल्या ‘भारतरत्न’ या पुरस्काराने गौरविण्यात आले होते.
