सोमवार, 19 ऑक्टोबर 2026
Interpol : पत्नीच्या नावे ३२ बँक खाती अन् दुबईत मालमत्ता! बांगलादेशचे माजी हवाई दल प्रमुख शेख अब्दुल हन्नान यांना कतरमध्ये अटक ( फोटो सौजन्य : सोशल मीडिया )
बांगलादेशच्या लष्करी आणि राजकीय वर्तुळात सध्या एका मोठ्या बातमीने खळबळ उडवून दिली आहे. बांगलादेश हवाई दलाचे (Bangladesh Air Force) १६ वे प्रमुख राहिलेले एअर चीफ मार्शल (निवृत्त) शेख अब्दुल हन्नान यांना कतारमध्ये तेथील अधिकाऱ्यांनी ताब्यात घेतले आहे. उत्पन्नाच्या ज्ञात स्रोतांपेक्षा कितीतरी पटीने अधिक मालमत्ता गोळा करणे, बेकायदेशीर मनी लाँडरिंग करणे आणि बँक खात्यांमधून कोट्यवधी रुपयांचे संशयास्पद व्यवहार करणे, या गंभीर आरोपांखाली ही कारवाई करण्यात आली आहे.
इंटरपोलच्या (Interpol) सूचनेनुसार बांगलादेश भ्रष्टाचारविरोधी आयोगाने (ACC) या अटकेच्या वृत्ताला अधिकृत दुजोरा दिला आहे. १५ ऑक्टोबर रोजी कतारी सुरक्षा यंत्रणांनी ही धडक कारवाई केली. गेल्या काही काळापासून आंतरराष्ट्रीय स्तरावर पळून गेलेल्या भ्रष्ट अधिकाऱ्यांवर होत असलेल्या कारवायांच्या पार्श्वभूमीवर ही बातमी अत्यंत महत्त्वाची मानली जात आहे.
भ्रष्टाचारविरोधी आयोगाचे उपसंचालक मोहम्मद अख्तरुल इस्लाम यांनी दिलेल्या माहितीनुसार, शेख अब्दुल हन्नान यांच्याविरोधात गेल्या वर्षापासूनच चौकशीचा फेरा सुरू होता. तपासात समोर आलेल्या ठोस पुराव्यांच्या आधारे जुलै महिन्यातच त्यांच्यावर भ्रष्टाचार प्रतिबंधक कायदा आणि मनी लाँडरिंग प्रतिबंधक कायद्यांतर्गत गुन्हे दाखल करण्यात आले होते.
जागतिक घडामोडी संबंधित बातम्या वाचण्यासाठी येथे क्लिक करा : US-Iran War : ‘आमचेही काम अपूर्ण आहे…’ डोनाल्ड ट्रम्प यांच्या धमकीवर इराणचे सडेतोड प्रत्युत्तर; वातावरण तापले
Ans: त्यांना १५ ऑक्टोबर रोजी कतारमध्ये उत्पन्नापेक्षा जास्त संपत्ती आणि २७ कोटींहून अधिक रुपयांच्या संशयास्पद व्यवहारांच्या आरोपाखाली ताब्यात घेण्यात आले.
Ans: त्यांच्यावर ३२.८ दशलक्ष टाकाची बेनामी मालमत्ता आणि ६ बँक खात्यांमधून २७६.३ दशलक्ष टाकाचे बेकायदेशीर व्यवहार केल्याचा आरोप आहे.
Ans: त्यांच्या पत्नीच्या ३२ बँक खात्यांमधून ११.८ दशलक्ष टाकाचे संशयित व्यवहार आढळले असून, कॅनडा व दुबईतील मालमत्तांची चौकशी सुरू आहे.
