भारताला पहिला कसोटी सामना जिंकवून देणारे विजय हजारे यांचा मृत्यू; जाणून घ्या 18 डिसेंबरचा इतिहास

विजय हजारे हे एक महान भारतीय क्रिकेटपटू होते, ज्यांचा जन्म सांगलीत मराठी कुटुंबात झाला, ज्यांनी भारताला पहिला कसोटी विजय मिळवून दिला

भारतीय महान क्रिकेटर विजय हजारे यांचा आजच्या दिवशी मृत्यू झाला (फोटो - टीम नवराष्ट्र)

Follow Us:

Follow Us:

भारतीय क्रिकेटमध्ये अनेक मराठी क्रिकेटपटूंनी आपल्या दमदार खेळीने वेगळी ओळख निर्माण केली आहे. असेच एक म्हणजे विजय हजारे. विजय हजारे हे एक महान भारतीय क्रिकेटपटू होते, ज्यांचा जन्म सांगलीत मराठी कुटुंबात झाला, ज्यांनी भारताला पहिला कसोटी विजय मिळवून दिला आणि ज्यांच्या सन्मानार्थ देशांतर्गत एकदिवसीय स्पर्धा ‘विजय हजारे ट्रॉफी’ म्हणून ओळखली जाते. उजव्या हाताचे फलंदाज आणि मध्यमगती गोलंदाज असलेल्या विजय हजारे यांनी ३० कसोटी सामने खेळले आणि भारतीय क्रिकेटमध्ये मोलाची भर घातली आहे. आजच्या दिवशी 2004 साली विजय हजारे यांचे निधन झाले.

18 डिसेंबर रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1271 : कुबलाई खानने युआन साम्राज्याचे नाव बदलले आणि राजवंशाची स्थापना केली.
• 1777 : युनायटेड स्टेट्समध्ये पहिला थँक्सगिव्हिंग साजरा करण्यात आला.
• 1833 : रशियन साम्राज्याचे राष्ट्रगीत, गॉड सेव्ह द झार!, प्रथम गायले गेले.
• 1935 : श्रीलंकेत लंका साम समाज पक्षाची स्थापना झाली.
• 1958 : जगातील पहिला संप्रेषण उपग्रह, प्रोजेक्ट स्कोर, प्रक्षेपित करण्यात आला.
• 1959 : ब्रिटीश रॉयल नेव्ही मध्ये एचएमएस हार्मिस हि युद्धनौका दाखल झाली.
• 1978 : डॉमिनिका संयुक्त राष्ट्रात सामील झाली.
• 1989 : सब्यसाची मुखर्जी यांनी भारताचे 20 वे सरन्यायाधीश म्हणून पदभार स्वीकारला.
• 1995 : अहिंसक मार्गाने सामाजिक, आर्थिक आणि राजकीय बदल घडवून आणण्याच्या त्यांच्या प्रयत्नांसाठी टांझानियाचे माजी राष्ट्रपती ज्युलियस नायरेरे यांना पहिला आंतरराष्ट्रीय गांधी शांतता पुरस्कार प्रदान करण्यात आला.
• 1999 : NASA ने टेरा प्लॅटफॉर्मवर पाच पृथ्वी निरीक्षण उपकरणे कक्षेत प्रक्षेपित केली, ज्यात ASTER, CERES, MISR, MODIS आणि MOPITT यांचा समावेश आहे.
• 2006 : संयुक्त अरब अमिराती (UAE) मध्ये पहिली निवडणूक झाली.
• 2016 : भारतीय ज्युनियर हॉकी संघाने बेल्जियमचा पराभव करून ज्युनियर हॉकी विश्वचषक जिंकला.
• 2022 : अर्जेंटिनाने 2022 फिफा विश्वचषक फायनल जिंकली

18 डिसेंबर रोजी जन्म दिनविशेष

• 1620 : ‘हेन्‍रिच रॉथ’ – जर्मनीतील संस्कृत विद्वान आणि धर्मप्रसारक यांचा जन्म. (मृत्यू : 20 जून 1668)
• 1856 : ‘सर जे. जे. थॉमसन’ – इलेक्ट्रॉनच्या शोधाबद्दल 1907 चे नोबेल पारितोषिक विजेते इंग्लिश भौतिकशास्त्रज्ञ यांचा जन्म. (मृत्यू : 30 ऑगस्ट 1940)
• 1878 : ‘जोसेफ स्टालिन’ – सोविएत रशियाचे राष्ट्राध्यक्ष यांचा जन्म. (मृत्यू : 5 मार्च 1953)
• 1887 : ‘भिखारी ठाकूर’ – भोजपुरी भाषेचे शेक्सपिअर यांचा जन्म. (मृत्यू : 10 जुलै 1971)
• 1890 : ‘ई. एच. आर्मस्ट्राँग’ – एफ. एम. रेडिओचे संशोधक यांचा जन्म. (मृत्यू : 31 जानेवारी 1954)
• 1946 : ‘स्टीव्हन स्पिलबर्ग’ – ड्रीमवर्क्सचे सहसंस्थापक यांचा जन्म.
• 1961 : ‘लालचंद राजपूत’ – माजी क्रिकेटपटू यांचा जन्म.
• 1963 : ‘ब्रॅड पिट’ – अमेरिकन अभिनेते व निर्माते यांचा जन्म.
• 1971 : ‘बरखा दत्त’ – पत्रकार यांचा जन्म.
• 1971 : ‘अरांताक्सा सँचेझ व्हिकारिओ’ – स्पॅनिश लॉन टेनिस खेळाडू यांचा जन्म.

18 डिसेंबर रोजी मृत्यू दिनविशेष

• 1829 : ‘जीन बाप्टिस्टे लॅमार्क’ – फ्रेंच शास्त्रज्ञ यांचे निधन. (जन्म : 1 ऑगस्ट 1744)
• 1973 : ‘अल्लामाह रशीद तुराबी’ – भारतीय-पाकिस्तानी धर्मगुरू आणि तत्त्वज्ञ यांचे निधन. (जन्म : 9 जुलै 1908)
• 1980 : ‘अलेक्सी कोसिजीन’ – रशियाचे पंतप्रधान यांचे निधन. (जन्म : 20 फेब्रुवारी 1904)
• 1993 : ‘राजा बारगीर’ – चित्रपट दिग्दर्शक यांचे निधन.
• 1995 : ‘कमलाकरबुवा औरंगाबादकर’ – राष्ट्रीय कीर्तनकार यांचे निधन.
• 2000 : ‘मुरलीधर गोपाळ गुळवणी’ – इतिहास संशोधक, वैदिक संस्कृतीचे अभ्यासक यांचे निधन.
• 2004 : ‘विजय हजारे’ – भारतीय क्रिकेटपटू आणि माजी कर्णधार यांचे निधन. (जन्म : 11 मार्च 1915)
• 2011 : ‘वाक्लाव हेवल’ – चेक रिपब्लिकचे पहिले अध्यक्ष यांचे निधन. (जन्म : 5 ऑक्टोबर 1936)

Web Title: Indian great cricketer vijay hazare passed away on december 18th

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com