१७० खोल्यांमध्ये फक्त ५ लोक राहतात, आज त्याची किंमत ३५० कोटी आहे. 'लक्ष्मी विलास पॅलेस वडोदरा' हा भारतात जगातील सर्वात मोठा राजवाडा आहे( फोटो सौजन्य : सोशल मीडिया)
Laxmi Vilas Palace Vadodara : गुजरातमधील वडोदरा शहरात असलेला लक्ष्मी विलास पॅलेस हे केवळ भारतच नव्हे, तर जगातील सर्वात मोठ्या खाजगी निवासस्थानांपैकी एक आहे. या राजवाड्यात सुमारे १७० खोल्या, भव्य बागा, हॉल्स, आणि गोल्फ कोर्ससह अनेक आकर्षक जागा आहेत. आजही या महालात फक्त ५ लोक राहतात, आणि त्याची बाजारातील किंमत अंदाजे ३५० कोटी रुपये आहे.
लक्ष्मी विलास पॅलेस हे गायकवाड घराण्याचे आहे, जे १८व्या शतकापासून वडोदरा संस्थानावर राज्य करत होते. या राजवाड्यात ४ गायकवाड महाराजांचे राज्याभिषेक झाले आहेत. महाराजा समरजीत सिंह रणजीत सिंह गायकवाड यांचा शेवटचा राज्याभिषेक २०१२ मध्ये येथे झाला. पूर्वी हे राजवाडे लोकांसाठी बंद होते, पण आता महाराजा आणि महाराणी यांनी ते सामान्य जनतासाठी खुलं केलं आहे.
हे देखील वाचा : Travel Hacks : प्रवास करताना घोटाळ्यांपासून सावध! बनावट गाईड, महाग टॅक्सी आणि फसवी हॉटेल बुकिंग टाळण्यासाठी सोपे उपाय
लक्ष्मी विलास पॅलेसची वास्तुकला इंडो-सारासेनिक शैलीत आहे. या महालाची रचना इतकी भव्य आहे की बकिंगहॅम पॅलेसच्या चार पट मोठा आहे. पॅलेसमध्ये फक्त खोल्या नव्हेत तर दरबार हॉल, रॉयल गार्डन्स, तलाव, आणि १०-होल गोल्फ कोर्सदेखील आहे. दरबार हॉल इतका विशाल आहे की हजारो लोक एकाच वेळी येथे बसू शकतात.
हा राजवाडा महाराजा सयाजीराव गायकवाड तिसरे यांनी १८९० मध्ये बांधला. रॉयल डिझाइनचे काम ब्रिटिश वास्तुविशारद मेजर चार्ल्स मंट यांनी सुरु केले, पण त्यांचे निधन झाल्यानंतर काम रॉबर्ट फेलोज चिशोल्म यांच्याकडे सोपवण्यात आले. सुरुवातीला या महालाच्या गणितांमध्ये चुका आल्याने तो कोसळण्याची भीती होती. अखेर या भव्य महालाचे बांधकाम पूर्ण करण्यात आले.
आजही गायकवाड कुटुंब लक्ष्मी विलास पॅलेसमध्ये राहते. महाराजा समरजीत सिंह रणजीत सिंह गायकवाड, त्यांची पत्नी आणि दोन मुली पद्मराजे व नारायणराजे तसेच राणी माता महाराणी शुभांगी राजे येथे वास्तव्य करतात. या विशाल महालात फक्त ५ लोक राहतात.
दरबार हॉल: भव्य छत, इटालियन मोजेक, स्टँड ग्लासेस, आणि शाही संगीत मैफिलीचे आयोजन.
रॉयल संग्रहालय: राजघराण्याची ऐतिहासिक वस्तू, चित्रे, शस्त्रे आणि पुतळे पाहता येतात.
गोल्फ कोर्स: राजघराण्यासाठी खास बांधलेला १०-होलचा गोल्फ कोर्स.
रॉयल गार्डन्स आणि तलाव: फोटोशूटसाठी आदर्श ठिकाण.
मार्गदर्शित टूर: राजवाड्याच्या बहुतेक भागांना पर्यटक भेट देऊ शकतात.
वेळ: सकाळी ९:३० ते संध्याकाळी ५. सोमवारी बंद.
तिकीट किंमत: २५० ते ३०० रुपये (ऑडिओ गाइडसह).
फोटोग्राफी: वेगळा शुल्क आकारला जातो.
स्थान: वडोदरा शहराच्या मध्यभागी, रेल्वे स्टेशनपासून ३–४ किमी, विमानतळापासून ६ किमी अंतर.
हे देखील वाचा : VIRAL VIDEO : परदेशी लोकांनी पहिल्यांदाच चाखला ‘पान मसाला’, त्यांच्या प्रतिक्रिया पाहून तुम्हीही खळखळून हसाल
लक्ष्मी विलास पॅलेस हे ऐतिहासिक, भव्य आणि सांस्कृतिक दृष्ट्या अप्रतिम ठिकाण आहे. भारतातील आणि जगातील सर्वात मोठ्या राजवाड्यांपैकी एक म्हणून, हे प्रत्येक इतिहासप्रेमी आणि वास्तुकलेप्रेमींसाठी एक अविस्मरणीय अनुभव आहे.
