National Space Day : देशभरात साजरा केला जात आहे दुसरा राष्ट्रीय अंतराळ दिन; जाणून घ्या या दिवसाचे महत्त्व ( फोटो सौजन्य : सोशल मीडिया)
National Space Day 2025 India : आज भारताचा प्रत्येक नागरिक अभिमानाने सांगतो की आपला देश फक्त जमिनीवरच नव्हे तर आकाशात आणि अंतराळातही विजय मिळवतो आहे. २३ ऑगस्ट हा दिवस त्याच अभिमानाचे प्रतीक म्हणून दरवर्षी राष्ट्रीय अंतराळ दिन म्हणून साजरा केला जातो. आज २०२५ मध्ये देश दुसऱ्यांदा हा दिवस मोठ्या उत्साहात साजरा करत आहे.
२३ ऑगस्ट २०२३ रोजी भारताने इतिहास रचला. चांद्रयान-३ ने चंद्राच्या दक्षिण ध्रुवावर यशस्वी सॉफ्ट लँडिंग केले आणि भारत हा हा पराक्रम करणारा जगातील पहिला देश ठरला.
हे देखील वाचा : India China Alliance : आता चीननेही भारताच्या हितासाठी जागतिक मंचावर उचलला मोठा झेंडा, 50% करावर थेट विरोध
२०२४ मध्ये पहिल्यांदा हा दिवस साजरा करण्यात आला. त्यावेळीची थीम होती “चंद्राला स्पर्श करणे आणि जीवनाला स्पर्श करणे: भारताची अंतर्गत कहाणी”. ही थीम फक्त चंद्रापर्यंत पोहोचण्याची कथा नव्हती, तर मानवी जीवन, नवोपक्रम आणि विज्ञानाची शक्ती यांचा गौरव होता.
Celebrate National Space Day 2025 with us! 🗓 Aug 23, 2025
⏰ 10:00 IST YouTube Livestreaming Link: https://t.co/RJhXb4Jll5#NSPD2025 #NationalSpaceDay 🌌 — ISRO (@isro) August 22, 2025
credit : social media
या वर्षीची थीम आहे –
“आर्यभट्ट ते गगनयान: प्राचीन ज्ञानातून अनंत शक्यता”.
ही थीम भारताच्या शतकानुशतकांपासून चालत आलेल्या ज्ञानपरंपरेचा आणि आजच्या आधुनिक विज्ञानाचा संगम दाखवते.
या दिवसाचे प्रमुख उद्दिष्ट फक्त एकाच यशाचा उत्सव नसून –
हे देखील वाचा : Gordon Ramsay India Debut : प्रसिद्ध मिशेलिन-स्टार शेफ गॉर्डन रॅमसे यांनी भारतात उघडले पहिले रेस्टॉरंट; एकदा पहाच झलक
India gearing up for its second National Space Day 🇮🇳 🗓️ 23rd August 2025
📍 Bharat Mandapam, New Delhi Theme: Aryabhatta to Gaganyaan: Ancient Wisdom to Infinite Possibilities The countdown begins! 🌌✨ For more information, visit:https://t.co/NNrYbEg9oj #ISRO #NSpD2025 pic.twitter.com/5poB7wXL2R — ISRO (@isro) August 11, 2025
credit : social media
विद्यार्थ्यांनी लक्षात ठेवावे की अंतराळ विज्ञान केवळ रॉकेट्सपुरते मर्यादित नाही. ते गणित, भौतिकशास्त्र, संगणकशास्त्र, डिझाइन, डेटा सायन्स अशा अनेक शाखांशी जोडलेले आहे. राष्ट्रीय अंतराळ दिन हेच सांगतो की “स्वप्न बघा, मेहनत करा आणि अशक्य वाटणारे शक्य करा.”
राष्ट्रीय अंतराळ दिन हा फक्त एक स्मरणदिन नाही, तर भारताच्या अंतराळ प्रवासातील प्रत्येक टप्प्याचा गौरव आहे. आर्यभट्टाच्या सूत्रांपासून ते गगनयानापर्यंतचा हा प्रवास भारताला नवी ओळख देतो आहे. आजचा दिवस तरुणाईसाठी प्रेरणा, आणि भारतासाठी अभिमानाचा सोहळा आहे.
