National Space Day 2025 : ISRO च्या यशाचे दुसरे पर्व साजरे; जाणून घ्या भारताच्या अंतराळ प्रवासाची महान गौरवगाथा

National Space Day 2025: 23 ऑगस्ट 2023 रोजी चंद्रयान-3 ने चंद्राच्या दक्षिण ध्रुवाजवळ यशस्वी सॉफ्ट लँडिंग केले, तेव्हापासून भारत दरवर्षी ही ऐतिहासिक कामगिरी साजरी करतो.

National Space Day : देशभरात साजरा केला जात आहे दुसरा राष्ट्रीय अंतराळ दिन; जाणून घ्या या दिवसाचे महत्त्व ( फोटो सौजन्य : सोशल मीडिया)

Follow Us:

Follow Us:

National Space Day 2025 India : आज भारताचा प्रत्येक नागरिक अभिमानाने सांगतो की आपला देश फक्त जमिनीवरच नव्हे तर आकाशात आणि अंतराळातही विजय मिळवतो आहे. २३ ऑगस्ट हा दिवस त्याच अभिमानाचे प्रतीक म्हणून दरवर्षी राष्ट्रीय अंतराळ दिन म्हणून साजरा केला जातो. आज २०२५ मध्ये देश दुसऱ्यांदा हा दिवस मोठ्या उत्साहात साजरा करत आहे.

हा दिवस का साजरा केला जातो?

२३ ऑगस्ट २०२३ रोजी भारताने इतिहास रचला. चांद्रयान-३ ने चंद्राच्या दक्षिण ध्रुवावर यशस्वी सॉफ्ट लँडिंग केले आणि भारत हा हा पराक्रम करणारा जगातील पहिला देश ठरला.

• हे यश केवळ विज्ञान-तंत्रज्ञानासाठी नव्हते, तर भारताच्या सामूहिक स्वप्नांचे साकार रूप होते.

• या यशाने जगभर भारताच्या वैज्ञानिक क्षमतेला नवा दर्जा दिला.

• म्हणूनच या कामगिरीच्या स्मरणार्थ हा दिवस राष्ट्रीय अंतराळ दिन म्हणून साजरा केला जातो.

हे देखील वाचा : India China Alliance : आता चीननेही भारताच्या हितासाठी जागतिक मंचावर उचलला मोठा झेंडा, 50% करावर थेट विरोध

पहिल्या राष्ट्रीय अंतराळ दिनाची थीम

२०२४ मध्ये पहिल्यांदा हा दिवस साजरा करण्यात आला. त्यावेळीची थीम होती “चंद्राला स्पर्श करणे आणि जीवनाला स्पर्श करणे: भारताची अंतर्गत कहाणी”. ही थीम फक्त चंद्रापर्यंत पोहोचण्याची कथा नव्हती, तर मानवी जीवन, नवोपक्रम आणि विज्ञानाची शक्ती यांचा गौरव होता.

Celebrate National Space Day 2025 with us!

🗓 Aug 23, 2025
⏰ 10:00 IST

YouTube Livestreaming Link: https://t.co/RJhXb4Jll5#NSPD2025 #NationalSpaceDay 🌌

— ISRO (@isro) August 22, 2025

credit : social media

राष्ट्रीय अंतराळ दिन २०२५ ची थीम

या वर्षीची थीम आहे –
“आर्यभट्ट ते गगनयान: प्राचीन ज्ञानातून अनंत शक्यता”.

ही थीम भारताच्या शतकानुशतकांपासून चालत आलेल्या ज्ञानपरंपरेचा आणि आजच्या आधुनिक विज्ञानाचा संगम दाखवते.

• आर्यभट्ट: भारतीय खगोलशास्त्रज्ञ ज्यांनी अंतराळ गणिताची पायाभरणी केली.

• गगनयान: भारताची मानवयुक्त अंतराळ मोहीम जी भविष्यात नवे पर्व सुरू करेल.

• या थीममधून प्राचीन ज्ञानावर आधारित नवे तंत्रज्ञान कसे घडते आणि ते भविष्यात किती अनंत शक्यता निर्माण करू शकते, याचा संदेश दिला जातो.

राष्ट्रीय अंतराळ दिनाचे उद्दिष्ट

या दिवसाचे प्रमुख उद्दिष्ट फक्त एकाच यशाचा उत्सव नसून –

1. विद्यार्थ्यांना व तरुण पिढीला विज्ञान आणि नवोपक्रमाकडे आकर्षित करणे.

2. अंतराळ क्षेत्रातील भारताची वाढती ताकद अधोरेखित करणे.

3. मुलांमध्ये जिज्ञासा, प्रयोगशीलता आणि वैज्ञानिक दृष्टिकोन निर्माण करणे.

4. इस्रोच्या कार्याचा सन्मान करणे आणि भविष्यातील मोहिमांसाठी नवी प्रेरणा देणे.

हे देखील वाचा : Gordon Ramsay India Debut : प्रसिद्ध मिशेलिन-स्टार शेफ गॉर्डन रॅमसे यांनी भारतात उघडले पहिले रेस्टॉरंट; एकदा पहाच झलक

देशभरातील उत्सवाचे स्वरूप

• नवी दिल्लीतील इंडिया पॅव्हेलियनमध्ये या वर्षीचा मुख्य सोहळा होत आहे.

• शाळा व महाविद्यालयांमध्ये विज्ञान प्रदर्शने, क्विझ स्पर्धा, निबंध लेखन आणि व्याख्याने आयोजित केली जात आहेत.

• इस्रोचे वैज्ञानिक विद्यार्थ्यांशी संवाद साधत आहेत, जेणेकरून नवी पिढी अंतराळ क्षेत्रात करिअर करण्यासाठी प्रेरित होईल.

India gearing up for its second National Space Day 🇮🇳

🗓️ 23rd August 2025
📍 Bharat Mandapam, New Delhi

Theme: Aryabhatta to Gaganyaan: Ancient Wisdom to Infinite Possibilities

The countdown begins! 🌌✨

For more information, visit:https://t.co/NNrYbEg9oj

#ISRO #NSpD2025 pic.twitter.com/5poB7wXL2R

— ISRO (@isro) August 11, 2025

credit : social media

विद्यार्थ्यांसाठी प्रेरणादायी संदेश

विद्यार्थ्यांनी लक्षात ठेवावे की अंतराळ विज्ञान केवळ रॉकेट्सपुरते मर्यादित नाही. ते गणित, भौतिकशास्त्र, संगणकशास्त्र, डिझाइन, डेटा सायन्स अशा अनेक शाखांशी जोडलेले आहे. राष्ट्रीय अंतराळ दिन हेच सांगतो की  “स्वप्न बघा, मेहनत करा आणि अशक्य वाटणारे शक्य करा.”

राष्ट्रीय अंतराळ दिन

राष्ट्रीय अंतराळ दिन हा फक्त एक स्मरणदिन नाही, तर भारताच्या अंतराळ प्रवासातील प्रत्येक टप्प्याचा गौरव आहे. आर्यभट्टाच्या सूत्रांपासून ते गगनयानापर्यंतचा हा प्रवास भारताला नवी ओळख देतो आहे. आजचा दिवस तरुणाईसाठी प्रेरणा, आणि भारतासाठी अभिमानाचा सोहळा आहे.

Web Title: National space day 2025 india marks its 2nd celebration know its significance

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com