भारताला मोठा धक्का! चॅम्पियन्स ट्रॉफीबद्दल पाकिस्तान क्रिकेट बोर्ड ठाम; जारी केले निवेदन

PCB On ICC Champions Trophy 2025 : पाकिस्तान क्रिकेट बोर्ड आयसीसी चॅम्पियन्स ट्रॉफीबद्दल आपले मत स्पष्ट करीत ठाम भूमिका घेतली आहे. ते यामध्ये कोणताही बदल करण्याच्या मनस्थितीत नाहीत. त्यामुळे पाकिस्तानी क्रिकेट बोर्डाने स्पष्ट केलेय की, आयसीसी चॅम्पियन्स ट्राॅफीच्या वेळपत्रकात आम्ही कोणताही बदल करणार नाही

Follow Us:

Follow Us:

PCB On ICC Champions Trophy 2025 : ICC Champions Trophy 2025 शी संबंधित मोठी माहिती समोर येत आहे. खरं तर, अलीकडेच मीडिया रिपोर्ट्समध्ये असा दावा करण्यात आला होता की, पाकिस्तान क्रिकेट बोर्ड आयसीसी चॅम्पियन्स ट्रॉफीच्या तारखा बदलू शकते. मात्र पाकिस्तान क्रिकेट बोर्डाने एक प्रसिद्धीपत्रक जारी करून सर्व अटकळ फेटाळून लावल्या आहेत. पाकिस्तान क्रिकेट बोर्डाने स्पष्टपणे सांगितले की, आयसीसी चॅम्पियन्स ट्रॉफीच्या वेळापत्रकात बदल करण्याचा प्रश्नच उद्भवत नाही. अशा विधानामुळे भारताने हायब्रीड मॉडेल स्वीकारल्याच्या अफवांना दणका दिला आहे.

पीसीबी अध्यक्षांनी स्पष्टपणे सांगितले

पाकिस्तान क्रिकेट बोर्डाने प्रसिद्धीपत्रकात म्हटले आहे की, काही प्रसारमाध्यमांनी पीसीबीचे अध्यक्ष मोहसीन नक्वी यांच्या विधानाचा विपर्यास केला आहे हे निराशाजनक आहे. या मीडिया रिपोर्ट्सचा हवाला देत असे सांगण्यात आले की सुरक्षेच्या कारणास्तव आयसीसी चॅम्पियन्स ट्रॉफी 2025 च्या तारखांमध्ये बदल शक्य आहे. त्यानंतर लोकांमध्ये चुकीच्या बातम्या पसरल्या. त्यात पुढे असेही म्हटले आहे की पीसीबी अध्यक्षांनी स्पष्टपणे सांगितले की तीन नियुक्त स्टेडियमचा पुनर्विकास आणि पुनर्रचना वेळापत्रकानुसार पूर्ण केली जाईल, ज्यामुळे आयसीसी चॅम्पियन्स ट्रॉफी 2025 चे आयोजन करण्याची तयारी सुनिश्चित होईल. मात्र ही विधाने चुकीच्या पद्धतीने मांडण्यात आली.

कोणत्याही सामन्यात बदल होणार नाही

प्रेस रिलीजमध्ये पुढे म्हटले आहे की बांधकाम कार्य सुलभ करण्यासाठी काही देशांतर्गत सामने हलवावे लागतील, परंतु याचा कोणत्याही प्रकारे ICC चॅम्पियन्स ट्रॉफीशी काहीही संबंध नाही. निवेदनात म्हटले आहे की, पाकिस्तानमधील तीन प्रतिष्ठित ठिकाणी जागतिक दर्जाची ICC चॅम्पियन्स ट्रॉफी 2025 चे आयोजन करण्यासाठी PCB पूर्णपणे वचनबद्ध आहे, जो आमच्या उत्कट क्रिकेट चाहत्यांसाठी एक खास क्षण असणार आहे. तुम्हाला सांगतो की ICC चॅम्पियन्स ट्रॉफी पुढील वर्षी 19 फेब्रुवारी ते 9 मार्च या कालावधीत आयोजित केली जाणार आहे.

सर्व सामने पाकिस्तानमध्येच

भारत चॅम्पियन्स ट्रॉफी खेळण्यासाठी पाकिस्तानात जाणार की नाही याबाबत अद्याप स्पष्टता नाही. आयसीसी भारतीय संघासाठी हायब्रीड मॉडेलला मान्यता देऊ शकते अशीही अटकळ बांधली जात आहे. मात्र चॅम्पियन्स ट्रॉफीचे सर्व सामने पाकिस्तानमध्येच खेळवले जातील, अशी भूमिका पीसीबीने आधीच स्पष्ट केली आहे. आता पुन्हा एकदा तारखा बदलण्यावर पीसीबीचे धारदार विधान चॅम्पियन्स ट्रॉफीमध्ये भारताच्या सहभागासाठी चांगली बातमी नाही.

Web Title: Big blow to india pcb not ready to bow down on champions trophy 2024 issued a very big statement

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com