गुरुवार, 29 ऑक्टोबर 2026
विनेश फोगाटचा कोर्टाचा धक्का (फोटो सौजन्य - इन्स्टाग्राम)
आपल्या आदेशात, न्यायालयाने स्पष्ट केले की, ७ सप्टेंबर, २०२६ च्या परिपत्रकात नमूद केलेले निकष सर्वांना समान रीतीने लागू होतील. जर एखादा खेळाडू नियोजित स्पर्धेत सहभागी झाला नाही, तर तो भारतीय कुस्ती महासंघाने ठरवलेल्या पात्रता श्रेणींमध्ये येत नाही. यामुळे विनेशच्या आंतरराष्ट्रीय कुस्तीमध्ये पुनरागमन करण्याच्या प्रयत्नांना मोठा धक्का बसला आहे.
दिल्ली न्यायालयाचा मोठा निर्णय; लैंगिक छळ प्रकरणात बृजभूषण सिंग निर्दोष, विनेश फोगट संतप्त, म्हणाली…
७ सप्टेंबर रोजी, २०२६ च्या वरिष्ठ जागतिक कुस्ती स्पर्धेच्या चाचण्यांसाठी एक परिपत्रक जारी करण्यात आले होते. नियमांनुसार, निर्धारित स्पर्धांमध्ये पदके जिंकलेले, राष्ट्रीय प्रशिक्षण शिबिरांमध्ये सहभागी झालेले खेळाडू आणि २०२६ च्या U20 विश्वचॅम्पियनशिपसाठी निवड झालेले खेळाडू पात्र आहेत. विनेशने चाचण्यांमध्ये सहभागी होण्याची संधी मिळावी म्हणून न्यायालयात धाव घेतली होती. गर्भधारणा, प्रसूती आणि प्रसूतीनंतरच्या आरोग्यात सुधारणा होत असल्यामुळे आपण काही स्पर्धांमध्ये अनुपस्थित होतो, असा युक्तिवाद तिने केला. WFI ने तिला अपात्र ठरवणारी कारणे दाखवा नोटीस बजावल्यानंतर तिला गोंडा येथील सिनियर ओपन रँकिंग स्पर्धेत सहभागी होण्यापासून रोखण्यात आले, असेही तिने सांगितले.
दिल्ली उच्च न्यायालयाने आपल्या निवेदनात म्हटले आहे, ‘देशाच्या प्रतिनिधींची निवड निष्पक्ष, एकसमान आणि कामगिरीवर आधारित प्रक्रियेद्वारे केली जाईल, हे सुनिश्चित करणे देशासाठी अत्यंत महत्त्वाचे आहे.’
न्यायालयाने हेही नमूद केले की, यापूर्वी मे महिन्यात उच्च न्यायालयाच्या एका खंडपीठाने फोगाटला आशियाई खेळांच्या निवड चाचण्यांमध्ये सहभागी होण्याची परवानगी दिली होती. त्या चाचण्यांदरम्यान झालेल्या कथित गैरवर्तनाबाबतची कारणे दाखवा नोटीस अद्याप प्रलंबित आहे. बार अँड बेंचने न्यायमूर्ती शर्मा यांच्या हवाल्याने म्हटले आहे की, ‘डब्ल्यूएफआयचे नवीन पात्रता निकष सर्व खेळाडूंना समान रीतीने लागू होतात आणि ते विशेषतः फोगाटला लक्ष्य करून तयार केलेले नव्हते.’ आता यानंतर विनेश फोगाट पुढे काय करणार याकडे सर्वांचे लक्ष लागून राहिले आहे.
Asian Games Trials: झुंज दिली, पण यश हुकलं! Vinesh Phogat चं आशियाई खेळांचं तिकीट कटलं
