IPL 2026 वर निवडणुकीचे सावट! पाच राज्यांतील मतदानामुळे BCCI वेळापत्रक बदलणार? (Photo Credit-AI)
निवडणूक आयोगाच्या घोषणेनुसार, आसाममधील 126 विधानसभा जागांसाठी 9 एप्रिल 2026 रोजी एकाच टप्प्यात मतदान होणार आहे. दुसरीकडे, आयपीएलच्या वेळापत्रकानुसार आसामची राजधानी गुवाहाटी येथे 7 एप्रिल रोजी महत्त्वाचा सामना नियोजित आहे. मतदानासाठी लागणारी सुरक्षा व्यवस्था आणि आयपीएलची सुरक्षा या दोन्ही गोष्टी एकाच वेळी सांभाळणे प्रशासनासमोर मोठे आव्हान ठरणार आहे.
आसाममधील गुवाहाटी येथील बारासपारा क्रिकेट स्टेडियम हे राजस्थान रॉयल्सचे दुसरे ‘होम ग्राऊंड’ आहे. बीसीसीआयने जाहीर केलेल्या सुरुवातीच्या वेळापत्रकात येथे तीन सामने होणार आहेत:
9 एप्रिलला मतदान असल्याने दोन दिवस आधी म्हणजेच 7 एप्रिलपासूनच निवडणूक प्रचार थांबवला जातो आणि सुरक्षा व्यवस्था कडक केली जाते. संपूर्ण पोलीस दल आणि प्रशासन मतदानाची तयारी आणि बुथ व्यवस्थापनात व्यस्त असते. अशातच 7 एप्रिलच्या संध्याकाळी सामना आयोजित करणे आणि पुन्हा मतदान संपल्यानंतर लगेच 10 एप्रिलला दुसरा सामना खेळवणे, ही पोलिसांसाठी मोठी डोकेदुखी ठरू शकते.
निवडणुकीच्या काळात सुरक्षा दलांवर अनेक जबाबदाऱ्या असतात, जसे की:
असे मानले जात आहे की, बीसीसीआयने वेळापत्रक जाहीर करण्यापूर्वी सरकार आणि स्थानिक प्रशासनाशी प्राथमिक चर्चा केली असेल. मात्र, प्रत्यक्ष निवडणुकीच्या रणधुमाळीत पोलीस दलाची उपलब्धता हा कळीचा मुद्दा ठरतो. जर आसाम सरकारने असमर्थता दर्शवली, तर गुवाहाटीतील सामन्यांच्या तारखा बदलल्या जाऊ शकतात किंवा हे सामने दुसऱ्या शहरात हलवले जाऊ शकतात. बीसीसीआय लवकरच आयपीएल 2026 चे संपूर्ण वेळापत्रक जाहीर करणार असून, त्यात गुवाहाटी आणि इतर निवडणूक राज्यांतील सामन्यांबाबत अधिक स्पष्टता मिळेल.
जय शहाने सूर्या आणि गंभीरला दिले मोठे लक्ष्य, कर्णधार आणि प्रशिक्षक अपेक्षा पूर्ण करतील का?
