शुक्रवार, 16 ऑक्टोबर 2026
फोटो सौजन्य - BCCI Women
ICC Women’s Cricket World Cup Updated Points Table – भारताच्या महिला संघाने काल झालेल्या दक्षिण आफ्रिकेच्या संघाला पराभवाचा सामना करावा लागला होता. त्यामुळे आता भारताच्या सेमीफायनलच्या अडचणी देखील वाढल्या होत्या. नॅडिन डी क्लार्कच्या स्फोटक खेळीच्या जोरावर, दक्षिण आफ्रिकेने गुरुवारी रात्री ९ ऑक्टोबर रोजी आयसीसी महिला क्रिकेट विश्वचषक २०२५ च्या १० व्या सामन्यात भारताचा ३ गडी राखून पराभव केला. या विजयासह, दक्षिण आफ्रिकेने महिला विश्वचषक पॉइंट्स टेबलच्या टॉप-४ मध्ये आपले स्थान निश्चित केले आहे.
दुसरीकडे, भारताला स्पर्धेतील पहिला पराभव चाखावा लागला आहे आणि या पराभवासह, टीम इंडियाने नंबर-१ स्थान गमावले आहे. भारत दक्षिण आफ्रिकेसह पॉइंट्स टेबलमध्ये तिसऱ्या स्थानावर आहे. गतविजेता ऑस्ट्रेलिया पहिल्या स्थानावर आहे, तर इंग्लंड दुसऱ्या स्थानावर आहे. महिला क्रिकेट विश्वचषक २०२५ मध्ये दक्षिण आफ्रिकेची सुरुवात निराशाजनक झाली. इंग्लंडने पहिल्या सामन्यात त्यांना ६९ धावांत गुंडाळले आणि १० विकेट्सने पराभूत केले. तथापि, आफ्रिकन संघाने जोरदार पुनरागमन केले, न्यूझीलंड आणि नंतर भारताला हरवून अव्वल चारमध्ये स्थान मिळवले.
तथापि, त्यांचा नेट रन रेट डोकेदुखी राहिला आहे. दक्षिण आफ्रिकेचा नेट रन रेट -०.८८८ आहे, जो भविष्यात त्यांच्यासाठी समस्या निर्माण करू शकतो. दरम्यान, हरमनप्रीत कौरच्या नेतृत्वाखालील टीम इंडिया विजयांची हॅटट्रिक हुकली. जर भारत दक्षिण आफ्रिकेला हरवू शकला असता, तर ऑस्ट्रेलियाला मागे टाकून ते पुन्हा अव्वल स्थान मिळवू शकले असते. तथापि, तसे झाले नाही. भारताने यापूर्वी श्रीलंका आणि पाकिस्तानविरुद्ध दोन सामने जिंकले होते.
| संघ | सामना | विजय | पराभव | टाय | निकाल नाही | गुण | रन रेट |
|---|---|---|---|---|---|---|---|
| ऑस्ट्रेलिया | 3 | 2 | 0 | 0 | 1 | 5 | +1.960 |
| इंग्लड | 2 | 2 | 0 | 0 | 0 | 4 | +1.757 |
| भारत | 3 | 2 | 1 | 0 | 0 | 4 | +0.959 |
| दक्षिण आफ्रिका | 3 | 2 | 1 | 0 | 0 | 4 | -0.888 |
| बांग्लादेश | 2 | 1 | 1 | 0 | 0 | 1 | +0.573 |
| श्रीलंका | 2 | 0 | 1 | 0 | 1 | 2 | -1.255 |
| न्यूजीलैंड | 2 | 1 | 1 | 0 | 0 | 0 | -1.485 |
| पाकिस्तान | 3 | 0 | 3 | 0 | 0 | 0 | -1.887 |
