भारत विरुद्ध पाकिस्तान : आज श्रीलंकेच्या क्रिकेट मैदानावर भारत विरुद्ध पाकिस्तान यांच्यामध्ये हायवोल्टेज सामना सुरु आहे. या सामन्यांमध्ये पाकिस्तानचा कर्णधार बाबर आझमने नाणेफेक जिंकीन प्रथम गोलंदाजी करण्याचा निर्णय घेतला. सध्या सुरु असलेल्या आशिया चषक स्पर्धेमध्ये भारत आणि पाकिस्तान हे दुसऱ्यांदा आमनेसामने आले आहेत. भारत विरुद्ध पाकिस्तान यांच्या पहिल्या सामन्यांमध्ये पावसाने हजेरी लावल्यामुळे सामना रद्द करावा लागला होता. तसे या सामन्यातही पावसाचा अंदाज वर्तवण्यात आला आहे. आज पावसामुळे निकाल लागला नाही तर सामना राखीव दिवशी ११ सप्टेंबर रोजी होणार आहे.
कोलंबो येथे सुरु असलेल्या भारत आणि पाकिस्तान सामन्यात पावसाने हजेरी लावली आहे. कोलंबोमध्ये मुसळधार पावसाने हजेरी लावली आहे. पावसामुळे भारत आणि पाकिस्तान यांच्यातील सामना प्रभावित झाला आहे. भारताच्या फलंदाजीवेळी २४.१ षटकानंतर पावसाने हजेरी लावली. मुसळधार पावसामुळे सामना थांबवावा लागला. भारतीय संघाने प्रथम फलंदाजी करताना दमदार सुरुवात केली होती. पण पावसाने व्यत्यय घातला आहे. मागील अर्धा तासांपासून सामना थांबलाय. खेळपट्टी आणि आजूबाजूचा परिसर कव्हर्सने झाकण्यात आला आहे.
पावसामुळे सामना थांबला तेव्हा भारताने दोन विकेटच्या मोबदल्यात २४.१ षटकात १४७ धावा फलकावर लावल्या होत्या. रोहित शर्मा आणि शुभमन गिल यांनी १०० चेंडूत १२१ धावांची दमदार सलामी दिली. रोहित शर्माने ४९ चेंडूत ५६ धावांची खेळी केली. या खेळीमध्ये चार षटकार आणि सहा चौकारांचा समावेश होता. तर गिल याने ५२ चेंडूत ५८ धावांचे योगदान दिले. यामध्ये त्याने १० चौकार लगावले. सामना थांबला तेव्हा विराट कोहली ८ आणि केएल राहुल १७ धावांवर फलंदाजी करत होते.
.png "Videos"){kind=small}
