Bengaluru stampede : ‘उत्सवापेक्षा लोकांचे जीवन महत्त्वाचे…’,चेंगराचेंगरीप्रकरणी RCB वर गौतम गंभीरचे ताशेरे..  

आरसीबीच्या विजयोत्सवादरम्यान 4 जून रोजी चेंगराचेंगरीची घटना घडून  ११ जणांना जीव गमवावा लागला होता. या प्रकरणावर भारतीय संघाचा प्रशिक्षक गौतम गंभीरने आरसीबीवर संताप व्यक्त केला आहे.

गौतम गंभीर(फोटो-सोशल मीडिया)

Follow Us:

Follow Us:

Bengaluru stampede : आरसीबीने ३ जून रोजी अहमदाबादमधील नरेंद्र मोदी क्रिकेट स्टेडियमवर इतिहास रचला.  १७ वर्षांनंतर आरसीबी संघाने आयपीएल २०२५ च्या ट्रॉफीवर आपले नाव कोरले आहे. जेतेपदाच्या सामन्यात त्यांनी पंजाब किंग्जचा ६ धावांनी धुव्वा उडवला आहे. पहिल्यांदा आयपीएल २०२५ ट्रॉफी जिंकल्यानंतर आरसीबी चाहत्यांचा उत्साह वाढला होता, त्यानंतर देशभर जल्लोष साजरा करण्यात आला. त्याच वेळी आरसीबीच्या विजयोत्सवादरम्यान 4 जून रोजी चेंगराचेंगरीची घटना घडली होती. या घटनेत  ११ जणांना जीव गमवावा लागला होता. तर अनेक जण जखमी झाले. आता या प्रकरणावर भारताचे मुख्य प्रशिक्षक गौतम गंभीर चांगलाच संतापला आहे.

हेही वाचा : Chinnaswamy Stadium Stampede : कर्नाटक क्रिकेट असोसिएशनची उच्च न्यायालयात धाव! बेंगळुरू चेंगराचेंगरीच्या FIR विरुद्ध केले अपील..

नेमकं काय म्हणाला गंभीर?

बंगळुरू चेंगराचेंगरीप्रकरणी गौतम गंभीर याने आरसीबीला चांगलेच सुनावले आहे.  एम. चिन्नास्वामी चेंगराचेंगरीवर त्याने प्रतिक्रिया दिली आहे.  ६ जून रोजी भारतीय कसोटी संघ इंग्लंडला रवाना होणार आहे. याच्या एक दिवस आधी, टीम इंडियाचे मुख्य प्रशिक्षक गौतम गंभीरची  मुंबईत पत्रकार परिषद पार पडली. ही पत्रकार परिषद इंग्लंड दौऱ्याच्या पार्श्वभूमीवर आयोजित करण्यात आली होती.

रोड शोपेक्षा लोकांचे जीवन महत्त्वाचे

मुंबईतील पत्रकार परिषदेदरम्यान, गौतम गंभीरने बंगळुरूमधील घटनेचे दुःखद वर्णन केले. गौतम गंभीर म्हणाला की, “मी रोड शोवर अजिबात विश्वास ठेवत नाही. जेव्हा मी खेळायचो आणि आम्ही टी-२० विश्वचषक जिंकलो तेव्हाही मी या शोच्या बाजूने नव्हतो. लोकांचे जीवन अधिक महत्त्वाचे आहे. बंगळुरूमध्ये जे घडले ते वेदनादायक आहे.” अशी प्रतिक्रिया गंभीरने दिली आहे.

हेही वाचा : ENG vs IND : ‘आमचा संघ संतुलित, मला संघावर विश्वास..’, भारतीय कसोटी संघाचा कर्णधार शुभमन गिल याचे मत.. 

आमच्याकडे चांगल्या दर्जाचे गोलंदाज : गौतम गंभीर

तसेच गौतम गंभीरने इंग्लंड दौऱ्याबद्दल बोलताना म्हटले आहे की, आमच्याकडे चांगल्या दर्जाचे गोलंदाज आहेत. यापूर्वी, टीम इंडियाने त्याच्याशिवाय चॅम्पियन्स ट्रॉफीमध्ये चांगली कामगिरी करून दाखवली होती. या मालिकेतही याची पुनरावृत्ती करावी लागणार आहे. पुढे गंभीर म्हणाला की, इंग्लंड दौऱ्यात तरुण खेळाडूंना चांगली कामगिरी करण्याची संधी असणारआहे.

भारत-इंग्लंड कसोटी मालिकेचे नाव बदलले

२० जूनपासून भारत आणि इंग्लंड या दोन संघात कसोटी मालिकेला सुरवात होता आहे.  बीबीसी स्पोर्टच्या अहवालानुसार भारत आणि इंग्लंड यांच्यात खेळल्या जाणाऱ्या कसोटी मालिकेचे नाव बदलण्यात आले असून आता दोन्ही देशांच्या दोन महान खेळाडूंच्या नावावर या मालिकेच्या ट्रॉफीचे नाव असणार आहे. या अहवालात म्हटले आहे की इंग्लंड क्रिकेट बोर्डाकडून या कसोटी मालिकेतील विजेत्या संघाला देण्यात येणाऱ्या ट्रॉफीचे नाव माजी महान फलंदाज सचिन तेंडुलकर आणि महान वेगवान गोलंदाज जेम्स अँडरसन यांच्या नावावर ठेवण्याचा निर्णय घेण्यात आला आहे.

Web Title: Peoples lives are more important than celebrations gautam gambhir lashes out at rcb over bengaluru stampede

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com