राणा-रावत जोडीचा DPL 2025 मध्ये धुमाकूळ! अर्धशतके झळकवत दिल्ली रायडर्सचा विजय, अव्वल स्थानी झेप 

दिल्ली प्रीमियर लीग २०२५ च्या २७ व्या सामन्यात ईस्ट दिल्ली रायडर्सने ओल्ड दिल्ली ६ ला २१ धावांनी पराभूत केले. या विजयात अर्पित राणा आणि अनुज रावत यांची महत्वपूर्ण कामगिरी केली. 

अनुज रावत आणि अर्पित राणा(फोटो-सोशल मीडिया)

Follow Us:

Follow Us:

DPL 2025 : दिल्ली प्रीमियर लीग २०२५ च्या २७ वा सामना थरारक झाला.  या  सामन्यात ईस्ट दिल्ली रायडर्सने ओल्ड दिल्ली ६ ला २१ धावांनी पराभूत केले. या विजयासह, ईस्ट दिल्ली रायडर्सने आठ पैकी सहा सामने जिंकून पॉइंट टेबलमध्ये अव्वल स्थान पटकावले आहे.  त्याच वेळी, ओल्ड दिल्लीचा संघ सात पैकी पाच सामने गमावले आहे. तो संघ सातव्या स्थानावर आहे.

हेही वाचा : Asia cup 2025 : निवडकर्त्यांवर वाढतोय रोष! ‘हिटमॅन’ शर्माच्या मित्राची श्रेयस अय्यरच्या बाजूने मैदानात उडी..

सामन्यात नाणेफेक गमावल्यानंतर, ईस्ट दिल्ली रायडर्स प्रथम फलंदाजी करण्यासाठी मैदानात उतरले  होते. त्यांनी  निर्धारित षटकांत सहा गडी गमावून १७२ धावा  उभारल्या होत्या.  सुजल सिंग (५) च्या रूपात संघाला २१ धावांवर मोठा धक्का बसला. यानंतर अर्पित राणाने जबाबदारी सांभाळली, परंतु हार्दिक शर्मा फक्त ८ धावा जोडून माघारी परतला.

रावत आणि राणा जोडीची अर्धशतके

अर्पित राणा यांनी कर्णधार अनुज रावतसोबत तिसऱ्या विकेटसाठी ५२ धावांची महत्वपूर्ण भागीदारी रचली. राणाने ४७ चेंडूत एक षटकार आणि १० चौकारांसह ६४ धावा काढल्या. त्यांतर तो बाद झाला. त्याच वेळी, अनुज ३६ चेंडूत ५९ धावा काढून नाबाद राहिला. या खेळीत त्याने   दोन षटकार आणि सहा चौकार मारले. याशिवाय, मयंक रावतने १२ धावा, तर रोहन राठीने १८ धावांचे योगदान दिले.

विरोधी संघाकडून देव लाक्रा आणि आयुष सिंगने प्रत्येकी दोन विकेट्स घेतल्या, तर रजनीश दादर आणि उद्धव मोहन यांनी प्रत्येकी एक बळी टिपला. प्रत्युत्तरात, जुनी दिल्ली ६ निर्धारित षटकांत आठ विकेट गमावल्यानंतर केवळ १५१ धावाच करू शकली. परिणामी संघाला पराभव स्वीकारावा लगाला.

संघाला मनजीत सिंग (०) च्या रूपात पहिला धक्का बसला.  तेव्हा जुनी दिल्लीचे खातेही उघडले नव्हते.  त्यानंतर कुश नागपाल (१) देखील बाद झाला होता. संघाने १५ धावांच्या अंतराने दोन विकेट गेल्या. येथून समर्थ सेठने प्रणव पंतसह ४७ धावा करून जुनी दिल्ली सांभाळण्याचा प्रयत्न केला पण अपुरा पडला.

हेही वाचा : Asia cup 2025 : ‘त्यांच्यावर अन्याय झाला…’, भारतीय संघ निवडीवर आकाश चोप्राचा संताप

समर्थने  ४१ धावा करून बाद झाला. त्यानंतर कर्णधार वंश बेदीने २६ चेंडूत एक षटकार आणि सहा चौकारांसह सर्वाधिक ४८ धावा केल्या. विरोधी संघाकडून नवदीप सैनीने सर्वाधिक तीन विकेट मिळवल्या, तर आशिष मीणाला दोन विकेट मिळाल्या.

Web Title: Rana rawat duo leads delhi riders to victory over old delhi 6 in dpl 2025

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com