IND vs SA ODI Series: दक्षिण आफ्रिकेविरुद्ध वनडे मालिकेसाठी टीम इंडियाची घोषणा! रोहित शर्मा नाही, तर ‘या’ खेळाडूकडे संघाची कमान

Indian Squad for ODI Series: दक्षिण आफ्रिकेविरुद्धच्या पहिल्या कसोटी सामन्यात त्याला मानेचा त्रास (Neck Spasm) झाल्यामुळे तो कसोटीतून बाहेर पडला होता आणि आता तो वनडे मालिकेतूनही बाहेर झाला आहे.

 

• दक्षिण आफ्रिकेविरुद्ध वनडे मालिकेसाठी टीम इंडियाची घोषणा
• केएल राहुलकडे कर्णधारपद
• ऋतुराज गायकवाडची २३ महिन्यांनी वापसी!

Indian ODI Squad Against South Africa: भारत आणि दक्षिण आफ्रिका (IND vs SA) यांच्यात होणाऱ्या ३ सामन्यांच्या वनडे मालिकेसाठी टीम इंडियाचा (Team India) संघ जाहीर झाला आहे. बीसीसीआयने (BCCI) मोठा निर्णय घेत संघाची धुरा केएल राहुलकडे (KL Rahul) सोपवण्यात आली आहे. दरम्यान, सलामीवीर शुभमन गिल (Shubhman Gill) संघातून बाहेर झाला आहे. दक्षिण आफ्रिकेविरुद्धच्या पहिल्या कसोटी सामन्यात त्याला मानेचा त्रास (Neck Spasm) झाल्यामुळे तो कसोटीतून बाहेर पडला होता आणि आता तो वनडे मालिकेतूनही बाहेर झाला आहे. त्याच्या अनुपस्थितीत केएल राहुलला कर्णधारपदाची जबाबदारी मिळाली आहे.See more

🚨 NEWS 🚨#TeamIndia‘s squad for @IDFCFIRSTBank ODI series against South Africa announced. More details ▶️https://t.co/0ETGclxAdL#INDvSA pic.twitter.com/3cXnesNiQ5 — BCCI (@BCCI) November 23, 2025

हे देखील वाचा: IND vs SA 2nd Test: दुसऱ्या दिवसावर दक्षिण आफ्रिकेचे पूर्ण वर्चस्व! मुथुसामी-जानसेनचा ‘प्रचंड’ हल्ला, भारत ४८० धावांनी पिछाडीवर

राहुलकडे नेतृत्व; रोहित आणि विराटही संघात

केएल राहुल बराच काळानंतर भारतीय संघाचे नेतृत्व सांभाळणार आहे. सर्वात महत्त्वाचे म्हणजे, ऑस्ट्रेलियाविरुद्धच्या वनडे मालिकेत विश्रांती घेतलेले रोहित शर्मा आणि विराट कोहली यांचाही या संघात समावेश करण्यात आला आहे. हे दोन्ही खेळाडू आता भारतीय भूमीवर पुन्हा एकदा मैदानात उतरताना दिसतील.

गायकवाड आणि जडेजाची वापसी

ऋतुराज गायकवाडने भारतासाठी शेवटचा सामना डिसेंबर २०२४ मध्ये खेळला होता. जवळपास २३ महिन्यांनंतर त्याची टीम इंडियामध्ये पुनरागमन झाले आहे. गायकवाडने अलीकडेच ‘इंडिया A’ साठी शानदार कामगिरी केली होती, ज्यात त्याने शतक आणि अर्धशतक झळकावले होते. त्याला याच उत्कृष्ट कामगिरीचे बक्षीस मिळाले आहे. तर ऑस्ट्रेलियाविरुद्धच्या ३ सामन्यांच्या वनडे मालिकेत समाविष्ट नसलेल्या रवींद्र जडेजालाही या संघात संधी मिळाली आहे.

वनडे मालिकेसाठी भारतीय संघ

रोहित शर्मा, यशस्वी जयस्वाल, विराट कोहली, तिलक वर्मा, केएल राहुल (कर्णधार) (यष्टिरक्षक), ऋषभ पंत (यष्टिरक्षक), वॉशिंग्टन सुंदर, रवींद्र जडेजा, कुलदीप यादव, नितीश कुमार रेड्डी, हर्षित राणा, ऋतुराज गायकवाड, प्रसिद्ध कृष्णा, अर्शदीप सिंग, ध्रुव जुरेल.

हे देखील वाचा: Ind vs SA 2nd Test : भारतासाठी 30 वे कसोटी स्थळ निश्चित! पंत आणि बावुमा या दोन कर्णधारांकडून सामन्याचे उद्घाटन