शुक्रवार, 14 ऑगस्ट 2026
स्टार खेळाडू जेमिमा खेळू शकणार नाही आशिया कप आणि एशियन गेम्स (फोटो सौजन्य - X.com)
🚨 𝗡𝗘𝗪𝗦 🚨 Jemimah Rodrigues ruled out of Asia Cup and Asian Games; Pratika Rawal named replacement for the Asia Cup. Details 🔽 #TeamIndia | #ACC | #WomensAsiaCup2026https://t.co/gxlBv04Fpj — BCCI Women (@BCCIWomen) August 14, 2026
भारतीय क्रिकेट नियामक मंडळाने (बीसीसीआय) ‘एक्स’ या सोशल मीडिया प्लॅटफॉर्मवर सांगितले, ‘बीसीसीआयच्या वैद्यकीय पथकाने बंगळूरु येथील सेंटर ऑफ एक्सलन्समध्ये जेमिमाची तपासणी केली आणि तिला गंभीर दुखापत झाल्याची पुष्टी केली. परिणामी, ती युएईमधील एसीसी महिला आशिया कप आणि जपानमधील आशियाई खेळांमधून बाहेर झाली आहे.’
वाघिणी भिडण्यासाठी सज्ज! Women’s Asia Cup 2026 साठी भारतीय संघाची घोषणा; मात्र ‘ही’ खेळाडू बाहेर
बीसीसीआयने जाहीर केले की जेमिमा रॉड्रिग्सच्या जागी प्रतिका रावलचा भारतीय संघात समावेश करण्यात आला आहे. प्रतिकाने अद्याप टी२० आंतरराष्ट्रीय पदार्पण केलेले नाही, परंतु तिने २७ एकदिवसीय सामने खेळून १,१८९ धावा केल्या आहेत. २०२५ चा महिला एकदिवसीय विश्वचषक जिंकणाऱ्या संघाचाही ती एक भाग होती.
या वर्षाच्या सुरुवातीला पर्थ येथे ऑस्ट्रेलियाविरुद्ध तिच्या कसोटी पदार्पणात तिने अर्धशतक झळकावले. टॉन्टन येथे इंग्लंड ‘अ’ संघाविरुद्ध भारत ‘अ’ संघाच्या दुसऱ्या एकदिवसीय सामन्यादरम्यान क्षेत्ररक्षण करताना गुडघ्याला झालेल्या दुखापतीमुळे प्रतिका जुलैमध्ये इंग्लंडविरुद्ध भारताच्या लॉर्ड्सवरील ऐतिहासिक कसोटी विजयाला मुकली होती. प्रतिका १९ ऑगस्टपासून वॉरविकशायरकडून एकदिवसीय चषकात खेळणार होती, परंतु महिला आशिया चषकासाठी निवड झाल्यामुळे तिला ती संधी सोडावी लागेल.
सात वेळचा चॅम्पियन भारतीय संघ ३० ऑगस्ट रोजी थायलंडविरुद्ध आपल्या मोहिमेला सुरुवात करेल, त्यानंतर ३ सप्टेंबर रोजी हाँगकाँग-चीनविरुद्ध सामना होईल. भारतीय संघाचा कट्टर प्रतिस्पर्धी पाकिस्तानविरुद्धचा महत्त्वाचा सामना ५ सप्टेंबर रोजी खेळला जाईल. स्पर्धेतील सर्व सामने दुबई आंतरराष्ट्रीय स्टेडियमवर खेळले जातील. उपांत्य फेरीचे सामने 10 आणि 11 सप्टेंबरला होणार असून अंतिम सामना 13 सप्टेंबरला होणार आहे.
Women’s T20 World Cup: टीम इंडियावर ओढवणार नामुष्की? एक पराभवामुळे बदलले समीकरण, जाणून घ्या
आशिया कपसाठी भारताचा संघ : हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, भारती फुलमाली, दीप्ती शर्मा, ऋचा घोष (यष्टीरक्षक), जी. कमलिनी (यष्टीरक्षक), अरुंधती रेड्डी, प्रेमा रावत, राधा यादव, श्री चरणी, रेणुका ठाकूर, नंदिनी शर्मा, क्रांती गौड आणि प्रितिका रावल
