शनिवार, 17 ऑक्टोबर 2026
ब्रेंडन मॅक्युलम आणि बेन स्टोक्स(फोटो-सोशल मीडिया)
IND Vs END : भारत पाच कसोटी सामन्यांच्या मालिकेसाठी येथे चांगली तयारी आणि आत्मविश्वासाने आला असेल, परंतु आमच्या खेळाडूंना आम्हाला कसोटी संघ म्हणून कुठे पोहचायचे आहे हे चांगले समजते असे मत इंग्लंडचे मुख्य प्रशिक्षक ब्रेंडन मॅक्युलम यांनी वर्तविले. भारत २० जूनपासून लीड्मध्ये इंग्लंडविरुद्ध पाच सामन्यांच्या मालिकेने त्यांच्या नवीन जागतिक कसोटी अजिंक्यपद चक्राची सुरुवात करेल. ते एक उत्तम क्रिकेट खेळणारा देश आहे, जो येथे मोठ्या अपेक्षांसह आला असेल आणि आम्ही त्यांच्या आव्हानासाठी तयार आहोत. इंग्लंडने अलीकडेच सहा सामन्यांच्या व्हाईट-बॉल मालिकेत वेस्ट इंडिजचा व्हाईटवॉश केला.
हेही वाचा : MCL 2025 : युनिव्हर्स बॉसचा विक्रम खालसा! टी-२० सामन्यात षटकारांचा आता ‘हा’ आहे नवीन ‘किंग’; पहा Video
आता त्यांचे लक्ष रेड-बॉल फॉरमॅटवर आहे कारण ते या वर्षाच्या अखेरीस भारत आणि अॅशेससाठी तयारी करत आहेत. खेळाडूंनी ताजेतवाने राहणे महत्वाचे आहे. आम्हाला माहित आहे की आम्हाला कसोटी संघ म्हणून कुठे पोहोचायचे आहे. इंग्लंडच्या संघात वेगवान गोलंदाज मार्क वूड नसेल, जो दुखापतीमुळे किमान पहिल्या तीन कसोटी सामन्यांमधून बाहेर आहे. त्याचा सहकारी वेगवान गोलंदाज जोफ्रा आर्चर देखील पहिल्या कसोटी सामन्यातून बाहेर असेल, तर गस अॅटकिन्सन अजूनही स्नायूंच्या दुखापतीतून सावरत आहे.
मॅक्युलमला इंग्लंडच्या गोलंदाजीच्या पर्यायांवर पूर्ण विश्वास आहे. आमचे काही चांगले वेगवान गोलंदाज खेळण्यासाठी उपलब्ध नसतील परंतु आमच्याकडे वेगवान गोलंदाजी विभागात ख्रिस वोक्स, सॅम कुक, ब्रायडन कार्स, जेमी ओव्हरटन, जोश टंगू यांच्या रूपात एक चांगला आणि वैविध्यपूर्ण आक्रमण आहे. फिरकी गोलंदाजी विभागात आमच्याकडे शोएब बशीर आहे, जो कसोटी क्रिकेटमध्ये सतत आपला खेळ सुधारत आहे. आम्हाला माहिती आहे की भारताविरुद्ध आमची परीक्षा होईल आणि ते पूर्ण तयारीसह येतील.
हेही वाचा : WTC Final: भविष्यातील सर्वात मोठा अष्टपैलू खेळाडू माहिती आहे का? रिकी पॉन्टिंगने लावला ‘या’ खेळाडूवर डाव..
इंग्लंडने अष्टपैलू जेकब बेथेलला संघात पुन्हा समाविष्ट केले आहे आणि मॅक्युलमने या खेळाडूचे कौतुक केले आहे. बेथेलसमोर अजूनही एक मोठी कारकीर्द आहे. तो फक्त २१ वर्षांचा आहे आणि त्याला त्याची प्रतिभा दाखवण्याची संधी आहे. त्याने ड्रेसिंग रूममध्ये आधीच आपला ठसा उमटवला आहे. मॅक्युलमने जेमी स्मिथ आणि बेन डकेटचाही विशेष उल्लेख केला. जेमी स्मिथ आणि बेन डकेट मला कसोटी सामन्यातील डकेट आणि जॅक क्रॉलीच्या जोडीची आठवण करून देतात. आम्हाला माहित आहे की डकेट किती चांगला फलंदाज आहे, परंतु स्मिथकडे असलेली शक्ती आश्चर्यकारक आहे.
