WTC Final: भविष्यातील सर्वात मोठा अष्टपैलू खेळाडू माहिती आहे का? रिकी पॉन्टिंगने लावला ‘या’ खेळाडूवर डाव.. 

वर्ल्ड टेस्ट चॅम्पियनशिपचा फायनल सामना ऑस्ट्रेलिया आणि दक्षिण आफ्रिका या दोन संघात खेळला जात आहे. या दरम्यान रिकी पॉन्टिंगने दक्षिण आफ्रिकेचा वेगवान गोलंदाज मार्को जॅन्सनला भविष्यातील मोठा अष्टपैलू खेळाडू म्हटले आहे.

रिकी पोंटिंग(फोटो-सोशल मिडिया)

Follow Us:

Follow Us:

SA vs AUS : ऑस्ट्रेलिया आणि दक्षिण आफ्रिका यांच्यात वर्ल्ड टेस्ट चॅम्पियनशिप २०२५ चा फायनल सामना खेळवण्यात येत आहे. हा सामना इंग्लंडच्या ऐतिहासिक लॉर्ड्स मैदानावर खेळला जात आहे.  या सामन्यात ऑस्ट्रेलियाने आता २८१ धावांची आघाडी घेतली होती. प्रत्युउत्तरात साऊथ आफ्रिकेच्या दुसऱ्या डावाला सुरवात झाली आहे. साऊथ आफ्रिकेने १ विकेट गमावून ६९ धावा केल्या आहेत. एडेन मार्कराम आणि  वियान मुल्डर ही खेळत आहेत. तसेच ऑस्ट्रेलियाल दुसऱ्यांदा वर्ल्ड टेस्ट चॅम्पियनशिपच्या अंतिम सामना जिंकण्यासाठी ९ विकेट्सची गरज आहे तर आता साऊथ आफ्रिकेला २१३ धावांची गरज आहे. या दरम्यान ऑस्ट्रेलियाचा माजी दिग्गज रिकी पॉन्टिंगने एक मोठा दावा केला आहे. त्याने दक्षिण आफ्रिकेचा वेगवान गोलंदाज मार्को जॅन्सनचे खूप कौतुक केले आहे.

हेही वाचा : SA vs AUS : WTC Final सामन्यात Ahmedabad plane crash मधील मृतांना वाहिली श्रद्धांजली; खेळाडूंनी बांधल्या काळ्या पट्ट्या..

वर्ल्ड टेस्ट चॅम्पियनशिप २०२५ च्या अंतिम सामन्यात मार्को जॅन्सनने ऑस्ट्रेलियन खेळाडूंना चांगलेच जेरीस आणले आहे.  कांगारू संघाला २१२ धावांवर गुंडाळण्यात त्याने महत्त्वाची भूमिका वठवली आहे. या सामन्यात जान्सेनच्या खात्यात एकूण ३ विकेट्स जमा आहेत. ऑस्ट्रेलियाचा माजी महान खेळाडू रिकी पॉन्टिंगने  साऊथ आफ्रिकेच्या मार्को जान्सेनला भविष्यातील सर्वोत्तम अष्टपैलू खेळाडू म्हणून संबोधले आहे.

नेमकं काय म्हणाला रिकी पॉन्टिंग?

रिकी पॉन्टिंगने आयसीसीला दिलेल्या एका निवेदनात म्हटले आहे की, “कोणत्या देखील परिस्थितीचा त्याच्यावर (मार्को जॅनसेन) फारसा परिणाम होत नाही. त्याचा दिवस चांगला असो वा वाईट, जॅनसेन नेहमीच एक सारखाच दिसतो. वर्ल्ड टेस्ट चॅम्पियनशिप फायनलच्या दुसऱ्या दिवशी क्षेत्ररक्षण करतेवेळी जॅनसेनला बोटाला दुखापत झाली होती, तरी देखील तो जलद गोलंदाजीकडे परतला आणि मार्श लाबुशेनची महत्त्वाची विकेट त्याने काढली. यावरून हे स्पष्ट होते की दुखापत असूनही, जॅनसेनने हार पत्करली नाही आणि या सामन्यावर आपले पूर्ण लक्ष केंद्रित केले. ” असे रिकी पॉन्टिंगने म्हटले आहे.

हेही वाचा : SA vs AUS : WTC Final ठरणार अखेरची कसोटी? ऑस्ट्रेलियाचे ‘हे’ दोन दिग्गज घेणार मोठा निर्णय..

जॅनसन भविष्यात सर्वोत्तम अष्टपैलू खेळाडू..

पॉन्टिंग पुढे म्हणाला की, “जॅनसन मानसिकदृष्ट्या खूप मजबूत खेळाडू असून तो मैदानावर येताना सतत त्याचे शंभर टक्के देण्याचा तो  प्रयत्न करत असतो. तो अजूनही खूप तरुण खेळाडू आहे आणि मला विश्वास आहे की येणाऱ्या काळात मार्को कसोटी स्वरूपातील सर्वोत्तम अष्टपैलू खेळाडूंपैकी एक असणार आहे.”

Web Title: Wtc final ricky ponting believes marco jansson will be the greatest all rounder of the future

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com