UIDAI लाँच करणार आधारचे नवे मोबाईल अॅप (Photo Credit- Freepik)
E Aadhaar App Launched: भारत सरकार आधार कार्ड धारकांसाठी एक नवीन मोबाइल अॅप्लिकेशन विकसित करत आहे. युनिक आयडेंटिफिकेशन अथॉरिटी ऑफ इंडिया (UIDAI) हे अॅप विकसित करत असून, त्याचा मुख्य उद्देश वापरकर्त्यांना आधार सेवा केंद्रांना भेट न देता त्यांचे वैयक्तिक तपशील अपडेट करण्याची सुविधा देणे आहे. या अ‍ॅपद्वारे नाव, पत्ता आणि जन्मतारीख यांसारख्या माहितीमध्ये बदल करणे सोपे आणि सुरक्षित होईल.
सरकारी अधिकाऱ्यांनी दिलेल्या माहितीनुसार, हे नवे अॅप या वर्षाच्या अखेरीस लाँच होण्याची अपेक्षा आहे. आधार कार्ड धारकांना वारंवार केंद्रांना भेट देण्याच्या त्रासातून मुक्त करण्यासाठी हे अॅप एक सोपे आणि सुरक्षित व्यासपीठ म्हणून विकसित केले जात आहे.
🚨 Govt is Expected To Launch eAadhaar App Users Can Update Important Details • Name
• Date of Birth
• Address
• Mobile Number No Need To Visit Aadhaar Service Centres New App Will Be AI and Face ID Integrated — Ravisutanjani (@Ravisutanjani) September 18, 2025
नवीन आधार मोबाईल अ‍ॅपद्वारे वापरकर्ते थेट त्यांच्या स्मार्टफोनवरून खालील महत्त्वाचे तपशील अपडेट करू शकतील:
या डिजिटल सुविधेमुळे नोंदणी केंद्रांवर बायोमेट्रिक प्रमाणीकरणाची (फिंगरप्रिंट आणि आयरीस स्कॅन) आवश्यकता कमी होईल. तसेच, हे अॅप आर्टिफिशियल इंटेलिजेंस (AI) आणि फेस आयडी तंत्रज्ञानाचा वापर करून आधार अपडेटची प्रक्रिया अधिक सुरक्षित आणि अखंडित करेल.
आधार अपडेटसाठी लागणाऱ्या कागदपत्रांची पडताळणी सोपी करण्यासाठी, UIDAI अनेक सरकारी डेटाबेसमध्ये स्वयंचलित दस्तऐवज उपलब्ध करेल. यात खालील कागदपत्रांचा समावेश असेल:
इलेक्ट्रॉनिक्स आणि माहिती तंत्रज्ञान मंत्रालयाने (MeitY) अलीकडेच आधार सुशासन पोर्टल देखील सुरू केले आहे. आधार प्रमाणीकरण विनंत्यांसाठी मंजुरी प्रक्रिया अधिक सुलभ करणे हा त्याचा उद्देश आहे. या उपक्रमांमुळे संपूर्ण प्रणाली अधिक पारदर्शक, जलद आणि सोपी होईल.
