फोटो सौजन्य: iStock
दिवाळीचा सण संपूर्ण देशात धुमधडाक्यात साजरा होत आहे. या सणात कित्येक जण फटाके फोडताना दिसतात. यामुळे वातावरण तर प्रदूषित होतेच पण आपल्या आरोग्यावर सुद्धा त्याचा वाईट परिणाम होतो. पण या बदलत्या वातावरणामुळे आपली कारसुद्ध जुनी वाटू लागते. तिच्यावर धूळ साचू लागते. अशावेळी जर तिची वेळेवर स्वच्छता केली नाही तर कारचा लूक खराब होतो.
ज्याप्रमाणे आपण कारचे नियमित सर्व्हिसिंग करतो, अगदी त्याचप्रमाणे कारला स्वच्छ आणि चांगले ठेवणे फार महत्वाचे आहे. चला आज आपण अशा काही सोप्या स्टेप्सबद्दल जाणून घेऊया, ज्यामुळे तुमची कार नक्कीच एखाद्या नवीन कारसारखी चमकेल.
हे देखील वाचा: गेली अनेक दशके गाजवलेल्या ‘या’ बाईक्स आजही तरुणांना प्रेमात पाडतात
जर तुम्हाला तुमची कार स्वस्तात चमकवायची असेल तर शॅम्पूचा वापर हा सर्वोत्तम घरगुती उपाय आहे. एका बादली पाण्यात दोन चमचे शॅम्पू घालून ते नीट मिक्स करा. यानंतर, स्पंजच्या मदतीने तुम्ही तुमची संपूर्ण कार या पाण्याने स्वच्छ करू शकता. शॅम्पूने कार साफ करण्यापूर्वी, कोरड्या कापडाने हलके स्वच्छ करा. यानंतरच शॅम्पू वापरा. कार साफ केल्यानंतर, एकदा साध्या पाण्याने आणि स्पंजने कार स्वच्छ करा आणि नंतर कोरड्या कापडाने पुसून टाका.
कारमध्ये अशी अनेक जागा आहेत जिथे तुम्ही हाताने किंवा कापडाने साफ करू शकत नाही. यासाठी तुम्ही तुमचा जुना टूथब्रश वापरू शकता. टूथब्रशच्या मदतीने तुम्ही एसी व्हेंट्स, नॉब्स, डोअर हँडल, कारचे लोगो इत्यादी साफ करू शकता. एवढेच नाही तर कारच्या बॉडीवरील काळे डाग काढण्यासाठी तुम्ही टूथब्रशचाही वापर करू शकता.
टूथब्रशप्रमाणेच तुम्ही तुमची कार स्वच्छ करण्यासाठी टूथपेस्ट वापरू शकता. चमकणारे आणि डाग नसलेले हेडलाइट्स कारची प्रतिष्ठा वाढवतात, तर दुसरीकडे ती रस्त्यावरील व्हिसिबलिटी देखील सुधारते. टूथपेस्टच्या मदतीने तुम्ही तुमच्या कारमधील लहान स्क्रॅच देखील साफ करू शकता.
कोविडमुळे, सॅनिटायझर जवळजवळ प्रत्येकाच्या घरात सहज उपलब्ध झाले आहेत. सॅनिटायझरच्या मदतीने तुम्ही तुमच्या कारची विंडस्क्रीन उजळ करू शकता. सॅनिटायझरमध्ये काच चांगल्या प्रकारे स्वच्छ करण्याचे गुणधर्म आहेत. विंडस्क्रीन साफ केल्यानंतर वायपर अतिशय सहजतेने चालते.
कारला क्रोम फिनिशमधून सर्वात प्रीमियम टच आणि लूक मिळतो. घरी रेफ्रिजरेटरमध्ये पडलेले व्हिनेगर कारचे क्रोम भाग चमकदार बनवू शकतात. फक्त पाण्यात थोडे व्हिनेगर मिसळा आणि क्रोम किंवा इतर धातूच्या भागांवर फवारणी करा. यानंतर सुती कापडाने ते पुसून टाका. यानंतर तुमची कार चमकू लागेल.
