TATA च्या Safari, Nexon पासून अनेक कारवर जबरदस्त ऑफर! 16 हजार ते 1 लाख 40 हजारापर्यंत सवलत

सध्या टाटाच्या कार्सवर भरघोस सवलत मिळते आहे.  या कारवर तब्बल 16 हजारापासून ते 1.40 लाखांपर्यंत सवलत उपलब्ध आहे. ही सवलत या ऑगस्ट महिन्यामध्ये उपलब्ध असणार आहे त्यामुळे ग्राहकांना टाटाची कार घेण्याची सुवर्णसंधी आहे.

फोटो सौजन्य- iStock

Follow Us:

Follow Us:

कार घेण्यासाठी उत्सुक असात तर टाटा कंपन्यांच्या कारचा विचार जरुर करु शकता, सध्या टाटाच्या कार्सवर भरघोस सवलत मिळते आहे.   टाटाकडून नेक्सॉन (Nexon), हॅरियर (Harrier), सफारी (Safari), पंच (Punch), टिआगो (Tiago), टिगोर (Tigor) आणि अल्ट्रोझ (Altroz) ​​वर मोठ्या सवलती दिल्या ​आहेत. या कारवर तब्बल 16 हजारापासून ते 1.40 लाखांपर्यंत सवलत उपलब्ध आहे. एसयुव्ही श्रेणीतील वाहनांवर अत्यंत चांगल्या सवलती ऑगस्ट महिन्यात टाटाने ग्राहकांसाठी उपलब्ध करुन दिल्या आहेत.

टाटाची लोकप्रिय कार  Tata Safari वर या महिन्यात 70,000-1.40 लाख रुपयांपर्यंतचे फायदे उपलब्ध आहेत. या सवलती वेगवेगळ्या प्रकारांवर अवलंबून असतील. ग्राहकांना SUV च्या मॅन्युअल आणि ऑटोमॅटिक दोन्ही प्रकारांवर ही सूट मिळू शकेल. टाटा सफारीचे वैशिष्ट्य म्हणजे ही कार 2.0-लिटर, चार-सिलेंडर टर्बो डिझेल इंजिनसह येते जे 170hp आणि 350Nm जनरेट करते. हे इंजिन 6-स्पीड मॅन्युअल गिअरबॉक्स किंवा 6-स्पीड टॉर्क कन्व्हर्टरसह उपलब्ध आहे.

Tata Nexon वर या महिन्यात 16 हजार ते 1 लाख रुपयांपर्यंत सवलत मिळत आहे. Nexon ची किंमत 8 लाख ते 15.80 लाख रुपये आहे आणि ती 115hp, 1.5-लीटर डिझेल इंजिन तसेच 120hp, 1.2-लीटर टर्बो-पेट्रोल इंजिनसह उपलब्ध आहे.

हॅरियर कार या महिन्यात 1.20 लाख रुपयांपर्यंतच्या सवलत उपलब्ध आहे. 15.49 लाख ते 26.44 लाख रुपयांच्या दरम्यानची किंमत, हॅरियर सफारी प्रमाणेच FCA-स्रोत केलेले 2.0-लिटर डिझेल इंजिन वापरते. त्याची स्पर्धा महिंद्रा XUV700, MG हेक्टर आणि जीप कंपासशी आहे.

या महिन्यात टाटा Tiago वर 60,000 रुपयांपर्यंत सवलत देत आहे. यामध्ये 35,000 रुपयांची रोख सवलत, 20,000 रुपयांपर्यंतचे एक्सचेंज/स्क्रॅपेज लाभ आणि 5,000 रुपयांची कॉर्पोरेट सूट समाविष्ट आहे. 5.65 लाख ते 8.90 लाख रुपयांच्या दरम्यानची किंमत असलेली, Tiago 1.2-लीटर, तीन-सिलेंडर NA पेट्रोल इंजिनसह उपलब्ध आहे आणि त्याला CNG पर्याय देखील मिळतो.

या कारवर दिलेली सवलत ग्राहकांसाठी लाभदायक आहेच. या सवलतीमुळे या महिन्यातील टाटा कारच्या विक्रीमध्ये किती फरक पडतो हे पाहणे महत्वाचे असेल.

Web Title: Huge offer on many cars from tatas safari nexon 16 thousand to 1 lakh 40 thousand discount

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com