नव्या रूपात येणार Kawasaki Z900, भारतात सुरु आहे लाँचिंगची तयारी

भारतात अनेक उत्तम स्पोर्ट बाईक ऑफर केल्या जातात. यातही कावासाकी कंपनीच्या बाईक्सला मार्केटमध्ये चांगली मागणी मिळताना दिसते.

फोटो सौजन्य: Social Media

Follow Us:

Follow Us:

भारतीय मार्केटमध्ये बाईक्सची विक्री मोठ्या प्रमाणात होताना दिसते. यातही पूर्वीचे ग्राहक बाईक खरेदी करताना फक्त त्याच्या मायलेज आणि किमतीवर लक्ष केंद्रित करायचे. पण आता ही स्थिती पूर्णपणे बदलली आहे. आजच्या ग्राहकाला आपल्या बाईकचा लूक जबरदस्त असावा असे नेहमीच वाटते. म्हणूनच तर आज अनेक ग्राहक दमदार लूक असणाऱ्या स्पोर्ट बाईकला प्राधान्य देत असतात.

भारतात अनेक स्पोर्ट बाईक उत्पादक कंपन्या आहेत. यात खासकरून ग्राहकांना Kawasaki च्या बाईक विशेष आवडत असतात. आता कंपनी नवीन रूपात आपली एक बाईक लाँच करणार आहे. कंपनीची कावासाकी Z900 देखील खूप लोकप्रिय आहे.

नवीन मॉडेल येताच ‘या’ SUV ने गुंडाळला आपला संसार ! कंपनीने वेबसाइटवरून हटवली कार

कावासाकीने ऑक्टोबर 2024 च्या अखेरीस त्यांची नवीन 2025 Z900 सादर केली. आता कंपनी ही बाईक भारतात लाँच करण्याची योजना आखत आहे. कंपनीने भारतात 2025 Z900 च्या डिझाइनचे पेटंट घेतले आहे. याला बाईकचे डिझाइन कसे असणार आहे त्याबद्दल जाणून घेऊया.

2025 Kawasaki Z900 डिझाइन

भारतात Kawasaki Z900 बाईक त्याच्या उत्कृष्ट परफॉर्मन्स आणि डिझाइनसाठी खूप लोकप्रिय आहे. त्याच वेळी, ही भारतातील सर्वाधिक विक्री होणाऱ्या स्पोर्ट्स बाईक्सपैकी एक आहे. या बाईकचे नवीन मॉडेल अपडेटेड डिझाइन आणि अतिरिक्त फीचर्स देऊन आणखी आकर्षक बनवण्यात येईल, ज्यामुळे याची लोकप्रियता आणखी वाढू शकते.

कावासाकीने २०२५ Z900 च्या डिझाइनचे पेटंट घेतले आहे, जे सूचित करते की कंपनी लवकरच ही बाईक भारतात लाँच करू शकते. भारतात ही बाईक किती लोकप्रिय आहे हे लक्षात घेता, या वर्षाच्या अखेरीस ही बाईक लाँच केली जाऊ शकते. या बाईकची किंमत सध्याच्या मॉडेलपेक्षा जास्त असण्याची शक्यता आहे.

आखं मार्केट आता आपलंय ! पटकावला देशातील नंबर 1 इलेक्ट्रिक कार होण्याचा मान, प्रत्येक दिवशी होतेय 200 युनिट्सची विक्री

डिझाइनमध्ये किती बदल होणे अपेक्षित?

2025 Z900 मध्ये काही किरकोळ बदल केले जाऊ शकतात. त्यात एक नवीन एलईडी हेडलाइट क्लस्टर आणि नवीन एलईडी टेल लाईट्स दिसू शकतात. या बाईकच्या बॉडी पॅनल्समध्ये थोडे बदल केले जाऊ शकतात. या बाईकला अधिक मस्कुलर आणि आकर्षक लूक देण्यासाठी नवीन टँक श्राउड जोडले जाऊ शकतात. पुढच्या यूएसडी फोर्क्सवर गोल्डन फिनिशसह ही बाईक अधिक स्टायलिश बनवता येते.

याशिवाय, नवीन Z900 मध्ये 5-इंचाचा TFT इन्स्ट्रुमेंट क्लस्टर दिला जाऊ शकतो, जो ब्लूटूथ कनेक्टिव्हिटीला सपोर्ट करेल. याद्वारे, रायडरला सूचना अलर्ट आणि टर्न-बाय-टर्न नेव्हिगेशन माहिती मिळेल. इतर फीचर्समध्ये क्रूझ कंट्रोल, ट्रॅक्शन कंट्रोल आणि राइड मोड्सचा समावेश असू शकतो.

किती असू शकते किंमत?

भारतीय बाजारात नुकतीच विक्री झालेल्या कावासाकी Z900 ची एक्स-शोरूम किंमत 9.38 लाख रुपये आहे. ही बाईक मेटॅलिक मॅट ग्राफीन स्टील ग्रे आणि मेटॅलिक स्पार्क ब्लॅक या दोन रंगांमध्ये उपलब्ध आहे. नवीन 2025 कावासाकी Z900 ची किंमत सध्याच्यापेक्षा थोडी जास्त असू शकते.

Web Title: Kawasaki z900 will be launched in new look

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com