आठवडाभर कार एकाच ठिकाणी उभी राहिल्यावर डॅमेज होऊ शकतात ‘हे’ पार्टस, जाणून घ्या

जर एखादी कार आठवडाभर अशीच उभी राहिली आणि ती वापरली जात नसेल तर तिचे काही महत्त्वाचे पार्ट्स खराब होऊ शकतात. चला जाणून घेऊया हे पार्टस नेमके कुठले आहे.

फोटो सौजन्य: Freepik

Follow Us:

Follow Us:

कार घेण्यापेक्षा तिला सांभाळणे खूप कठीण असते. जर तुम्ही सुद्धा एक कार मालक असाल आणि तुम्ही तुमची कार फक्त ठराविक दिवशीच बाहेर काढत असाल तर हे असे करणे तुमच्या कारला चांगलेच महागात पाडू शकते.

काही जण असतात जे आपली कार फक्त मोक्याच्या क्षणीच बाहेर काढत असतात व एरवी त्यांची कर पार्किंगमध्येच पडून असते. आजही जर मोठ्या इमारतींमध्ये गेलो तर कित्येक कार्स आपल्याला अशाच पार्क असेलेल्या दिसतात ज्या कधीतरी बाहेर निघतात. जर तुमची कार सुद्धा एका आठवड्याहून जास्त उभी राहत असेल आणि ती वापरली जात नसेल, तर तिचे काही महत्त्वाचे पार्ट्स खराब होण्याची शक्यता आहे. चला या पार्ट्सबद्दल जाणून घेऊया.

हे देखील वाचा: नितीन गडकरीचे मोठे वक्तव्य, हेल्मेटसंबंधी दुचाकी कंपन्यांना करणार विनंती

बॅटरी

जास्त वेळ कार एकाच ठिकाणी उभी राहिल्यास कारची बॅटरी डिस्चार्ज होऊ शकते. अलार्म, घड्याळे आणि इतर इलेक्ट्रॉनिक सिस्टीम यांसारख्या कारमधील पॉवर-चालित सिस्टीम बॅटरीचा वापर करत राहतात, ज्यामुळे बॅटरी पूर्णपणे डिस्चार्ज होऊ शकते.

टायर

कार आठवडाभर एकाच स्थितीत उभी राहिल्यास टायरमध्ये फ्लॅट स्पॉट्स पडू शकतात, ज्यामुळे कार खराब होऊ शकते. टायरचा दाब देखील कमी होऊ शकतो, जो नंतर ड्रायव्हिंग दरम्यान धोकादायक बनू शकतो.

ब्रेक्स

ब्रेक्स गंजण्याची शक्यता वाढते, विशेषतः जर कार दमट जागी पार्क केली असेल. यामुळे ब्रेक पॅड आणि डिस्क्स गंजू शकतात, ज्यामुळे कारच्या कार्यक्षमतेवर परिणाम होतो.

फ्युएल सिस्टम

कार आठवडाभर अशीच उभी राहिल्यास, फ्युएल सिस्टममध्ये असलेले पेट्रोल किंवा डिझेल खराब होऊ शकते, ज्यामुळे इंजिनमध्ये समस्या निर्माण होऊ शकतात. याव्यतिरिक्त, फ्युएल टॅंकच्या आत कंडेन्सेशन (ओलावा) देखील फ्युएल सिस्टिमला हानी पोहोचवू शकते.

फ्लूइड्स

कारमधील विविध फ्लूइड्स (जसे की इंजिन ऑइल, कूलंट, ब्रेक फ्लुइड) दीर्घकाळ पार्क केल्यावर त्यांची कार्यक्षमता कमी होते. हे इंजिन आणि इतर महत्वाच्या सिस्टमसाठी हानिकारक असू शकते.

रबर सील आणि गॅस्केट

जेव्हा कार बराच वेळ पार्क केली जाते, तेव्हा रबर सील आणि गॅस्केट कोरडे होऊ शकतात किंवा क्रॅक होऊ शकतात, ज्यामुळे ऑइल किंवा फ्लूइड्स गळती होऊ शकते.

एक्झॉस्ट सिस्टम

कार एकाच ठिकाणी अनेक दिवस असल्यामुळे कारमधील एक्झॉस्ट सिस्टममध्ये ओलावा जमा होऊ शकतो, ज्यामुळे ते गंजण्याचा धोका वाढतो. यामुळे एक्झॉस्ट सिस्टमला गंज येऊ शकतो.

एसी सिस्टीम

एसी सिस्टीम जास्त वेळ वापरली नाही तर बुरशीची वाढ किंवा गंज वाढण्याची शक्यता असते ज्यामुळे एसीची कार्यक्षमता कमी होते.

Web Title: Know which parts can get damaged if the car is parked in one place for a week

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com