Maruti Fronx वर दोन लाखांचे डाउन पेमेंट केल्यास किती होईल EMI? जाणून घ्या

जर तुम्ही सुद्धा मारुती फ्रॉन्क्स घेण्याचा विचार करत असाल तर ही बातमी तुमच्यासाठीच आहे. आज आपण जाणून घेऊयात की ही कार घेण्यासाठी जर दोन लाखांचे डाउन पेमेंट केले तर किती ईएमआय भरावा लागेल.

फोटो सौजन्य: Social Media

Follow Us:

Follow Us:

हल्ली ईएमआयमुळे अनेक जण आपली आवडती गोष्ट सहज खरेदी करताना दिसतात. फोनपासून ते इलेक्ट्रॉनिक गॅजेट्स पर्यंत अनेक गोष्टींवर सध्या आपल्याला ईएमआयचा ऑप्शन मिळतो. आज कित्येक जण महिन्याला एक ठराविक रक्कम भरत असतात. हि रक्कम सतत काही वर्षांसाठी भरावी लागते.

आपली स्वतःची कार घेणं हे प्रत्येक व्यक्तीचे स्वप्न असते. हेच स्वप्न पुढे काही जण ईएमआयच्या साहाय्याने पूर्ण करतात. मार्केटमध्ये अशा अनेक कंपनीज आहेत ज्या आपल्या उत्तम कार्समुळे ओळखल्या जातात. त्यातीलच एक कंपनी म्हणजे मारुती सुझुकी.

हे देखील वाचा: Maruti Suzuki ची पहिली कार जिला क्रॅश टेस्टमध्ये 5 स्टार सेफ्टी रेटिंग मिळाली, 11 नोव्हेंबर होणार लाँच

मारुती सुझुकीने Fronx ही कॉम्पॅक्ट क्रॉसओवर एसयूव्ही सेगमेंटमध्ये विक्रीसाठी उपलब्ध करून दिली आहे. तुम्ही या SUV चे बेस व्हेरियंट Sigma Petrol घरी आणण्याचा विचार करत असाल, तर 2 लाख रुपयांचे डाउन पेमेंट केल्यानंतर, तुम्हाला दरमहा किती रुपयांचा EMI भरावा लागेल त्याबद्दल आज जाणून घेऊया.

मारुती फ्रॉन्क्स सिग्मा किंमत

मारुती सुझुकी Fronx चे बेस व्हेरियंट म्हणून सिग्मा पेट्रोल ऑफर करते. कंपनी या कॉम्पॅक्ट एसयूव्हीचा बेस व्हेरियंट 7.51 लाख रुपयांच्या एक्स-शोरूम किंमतीत विक्रीसाठी उपलब्ध करून देत आहे. जर ही कार दिल्लीत खरेदी केली तर 7.51 लाख रुपयांच्या एक्स-शोरूम किंमतीसह, तुम्हाला त्यावर रजिस्ट्रेशन टॅक्स आणि आरटीओ देखील भरावा लागेल.

ही SUV खरेदी करण्यासाठी तुम्हाला RTO साठी 53435 रुपये आणि विम्यासाठी 30533 रुपये द्यावे लागतील. यानंतर एमसीडी आणि फास्टॅग चार्जेस म्हणून अतिरिक्त 4800 रुपये भरावे लागतील. त्यानंतर या SUV ची ऑन रोड किंमत 840268 रुपये असेल.

हे देखील वाचा: Nissan कार्सच्या विक्रीला उतरती कळा, कंपनीने एका झटक्यात 9000 लोकांना दिला नारळ

2 लाख डाउन पेमेंट केल्यानंतर किती असेल ईएमआय?

तुम्ही या कारचे बेस व्हेरियंट सिग्मा पेट्रोल खरेदी केल्यास, बँकेकडून केवळ एक्स-शोरूम किंमतीवर फायनान्स केला जाईल. अशा परिस्थितीत, 2 लाख रुपयांचे डाउन पेमेंट केल्यानंतर, तुम्हाला सुमारे 640268 रुपयांची रक्कम बँकेकडून फायनान्स करावी लागेल. जर बँकेने तुम्हाला सात वर्षांसाठी नऊ टक्के व्याजासह 640268 रुपये दिले, तर तुम्हाला पुढील सात वर्षांसाठी दरमहा केवळ 10301 रुपयांचा ईएमआय भरावा लागेल.

ईएमआय घेतल्यास एवढ्या रुपयांनी महाग होईल कार

जर तुम्ही बँकेकडून नऊ टक्के व्याजदराने सात वर्षांसाठी रु. 640268 चे कार लोन घेतले तर तुम्हाला सात वर्षांसाठी दरमहा रु. 10301 चा EMI भरावा लागेल. अशा परिस्थितीत, मारुती फ्रॉन्क्सच्या सिग्मा पेट्रोल व्हेरियंटसाठी सात वर्षांत तुम्हाला सुमारे 2.25 लाख रुपये व्याज द्यावे लागेल. त्यानंतर तुमच्या कारची एक्स-शोरूम, ऑन-रोड आणि व्याजासह एकूण किंमत सुमारे 10.65 लाख रुपये असेल.

Web Title: Maruti fronx down payment of 2 lakhs how much will be the emi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com