स्वतःच्या मेहनतीवर उभारलेला ब्रँड! मनीष कुमार यांची प्रेरणादायी कहाणी

स्वतःच्या मेहनतीवर आणि कष्टाने झारखंडचे मनीष कुमार यांनी त्यांचा व्यवसाय कसा वाढवला? कसा उभारला? सगळं जाणून घेण्यासाठी ही संघर्ष कथा नक्की वाचा.

फोटो सौजन्य - Social Media

Follow Us:

Follow Us:

मनीष कुमार हे झारखंडमधील पालकोटचे रहिवासी असून आज ते स्वतःचा डेअरी व्यवसाय आणि दोन लोकप्रिय हॉटेल्स चालवत आहेत. परंतु, त्यांचा हा यशाचा प्रवास अगदी सामान्य सुरुवातीतून झाला आहे. 2003 साली गोस्नर कॉलेज, रांचीमध्ये ते पदवीच्या दुसऱ्या वर्षात शिकत होते. याच काळात त्यांच्या मनात काहीतरी वेगळं करण्याची इच्छा निर्माण झाली.

पुढील आठवड्यात शेअर बाजारात पडेल पैशांचा पाऊस! ‘या’ कंपन्या देतील गुंतवणूकदारांना लाभांश

त्या काळात पालकोटमध्ये दूध सहज मिळायचं नाही. गावात एखाददुसरा शेतकरीच गाय पाळायचा आणि दूध स्वतःपुरतंच वापरायचा. मनीष कुमार यांच्या घरी एक शेतकरी दूध द्यायला यायचा. एके दिवशी मनीष यांनी त्याच्याकडून विचारले, “मलाही गाय पाळायची आहे.” त्यांनी त्या शेतकऱ्याच्या मदतीने १८ हजार रुपयांना एक चांगल्या जातीची गाय विकत घेतली आणि त्यानंतर शिक्षण सोडून दूध विक्रीला सुरुवात केली.

सुरुवातीला ते पालकोटमध्ये सायकलवर दूध विकत होते. तेव्हा दूधाचा दर फक्त ८ रुपये लिटर होता. नंतर गुमला येथे जास्त मागणी पाहता त्यांनी प्रवासी बसमधून दूध नेणे सुरू केले आणि मोठा बाजार मिळवला. हळूहळू त्यांच्या घरी गाईंची संख्या वाढू लागली आणि दूध उत्पादनही वाढले. दूध विक्रीतून आलेल्या उत्पन्नातून मनीष यांनी ‘हिंदुस्तान डेअरी आणि मिष्ठान’ नावाने एक छोटा हॉटेल सुरू केला. स्वतःच्या गाईंपासून मिळणाऱ्या दुधातून ते विविध मिठाया बनवून विकू लागले. या व्यवसायाने उभारी घेतली आणि त्यांनी गुमलाच्या टॉवर चौकाजवळ २०१२ साली मोठं हॉटेल उघडलं. हळूहळू त्यांच्या मिठायांना आणि दुधाला चांगली मागणी येऊ लागली. त्यानंतर त्यांनी सिमडेगा जिल्ह्यातही दुसरं हॉटेल सुरू केलं.

गुंतवणूकदारांसाठी सुवर्णसंधी! पुढील आठवड्यात शेअर बाजारात लाभांश, बोनस आणि स्टॉक स्प्लिट्सची बहार

आज मनीष कुमार यांच्याकडे सुमारे १५० गाई आहेत. त्यांच्या डेअरी व्यवसायात त्यांच्या दोन लहान भावांचाही सहभाग आहे. फक्त कुटुंबापुरतंच नाही तर त्यांनी अनेक स्थानिक बेरोजगार तरुणांना गाय पालन, दूध प्रक्रिया आणि हॉटेलमध्ये नोकरी देऊन रोजगार दिला आहे.

Web Title: A brand built on his own hard work the inspiring story of manish kumar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com