मंगळवार, 20 ऑक्टोबर 2026
Share Market Today: अशी होणार शेअर बाजाराची सुरुवात, तज्ज्ञांनी केली हे शेअर्स खरेदी करण्याची शिफारस
जागतिक बाजारपेठेतील कमकुवतपणा आणि भारतावर अमेरिकेच्या कर आकारणीपूर्वी, मंगळवारी २६ ऑगस्ट रोजी भारतीय शेअर बाजार सपाट पातळीवर उघडण्याची अपेक्षा आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी नकारात्मक सुरुवात दर्शवितात. गिफ्ट निफ्टी २४,९०५ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ ८५ अंकांनी कमी होता.
सोमवारी २५ ऑगस्ट रोजी शेअर बाजाराने उच्चांक गाठला, बेंचमार्क निफ्टी ५० २४,९०० च्या वर राहिला. सेन्सेक्स ३२ ९ .०६ अंकांनी म्हणजेच ०.४०% ने वाढून ८१,६३५.९१ वर बंद झाला, तर निफ्टी ५० ९७.६५ अंकांनी म्हणजेच ०.३९% ने घसरून २४,९६७.७५ वर बंद झाला. सोमवारी बँक निफ्टी १०.१० अंकांनी किंवा ०.०२% ने घसरून ५५,१३९.३० वर बंद झाला. (फोटो सौजन्य – Pinterest)
One97 कम्युनिकेशन्स लिमिटेड (पेटीएम) च्या शेअर्सची किंमत आज फोकसमध्ये राहील कारण कंपनीने सोमवारी जाहीर केले होते की त्यांच्या बोर्डाने पेटीएम मनीमध्ये 300 कोटी रुपये आणि पेटीएम सर्व्हिसेसमध्ये 155 कोटी रुपयांच्या राइट्स इश्यू गुंतवणुकीला मान्यता दिली आहे जेणेकरून त्यांचे मुख्य कामकाज बळकट होईल. मोतीलाल ओसवाल फायनान्शियल सर्व्हिसेसच्या वेल्थ मॅनेजमेंटमधील डेरिव्हेटिव्ह्ज अँड टेक्निकल्स हेड चंदन टपारिया यांनी आज गुंतवणूकरदारांना खरेदी करण्यासाठी तीन स्टॉकची शिफारस केली आहे. ज्यामध्ये FSN ई-कॉमर्स व्हेंचर्स (Nykaa), एक्साइड इंडस्ट्रीज आणि झायडस लाईफसायन्सेसचे यांचा समावेश आहे.
प्रभुदास लिल्लाधर येथील टेक्निकल रिसर्चच्या उपाध्यक्षा वैशाली पारेख, एसएस वेल्थस्ट्रीटच्या संस्थापक सुगंधा सचदेवा आणि लक्ष्मीश्री इन्व्हेस्टमेंटचे संशोधन प्रमुख अंशुल जैन यांनी १०० रुपयांपेक्षा कमी किंमतीत खरेदी करण्यासाठी तीन इंट्राडे स्टॉकची शिफारस केली आहे. ज्यामध्ये आयआरबी इन्फ्रास्ट्रक्चर, पोलो क्वीन इंडस्ट्रियल अँड फिनटेक आणि धनी सर्व्हिसेस यांचा समावेश आहे. आजच्या व्यवहारात गुंतवणूकदार व्होडाफोन आयडिया, बीपीसीएल, पेटीएम, आयआरईडीए, टाटा मोटर्स, साई लाईफ सायन्सेस, इंडसइंड बँक, एलआयसी, रेलटेल कॉर्प, मुथूट फायनान्स या स्टॉक्सवर लक्ष केंद्रीत करू शकतात.
विचार तुम्ही करा आणि लिहिणार AI! ऑस्ट्रेलियातील शास्त्रज्ञांनी तयार केले अनोखी टोपी, अशी करणार काम
प्रभुदास लिल्लाधर येथील तांत्रिक संशोधन विभागाच्या उपाध्यक्षा वैशाली पारेख यांनी आज गुंतवणूकरांना खरेदी करण्यासाठी तीन स्टॉकची शिफारस केली आहे. ज्यामध्ये गुफिक बायोसायन्सेस, आयआरबी इन्फ्रास्ट्रक्चर आणि अ‍ॅडव्हान्स्ड एन्झाइम टेक्नॉलॉजीज यांचा समावेश आहे. मास्टर कॅपिटल सर्व्हिसेसचे विष्णुकांत उपाध्याय आणि चॉईस ब्रोकिंगच्या अमृता शिंदे पुढील २-३ आठवड्यांसाठी खरेदी करण्यासाठी सहा स्टॉकची शिफारस केली आहे. ज्यामध्ये झायडस लाईफसायन्सेस, शारदा क्रॉपकेम, गोदरेज प्रॉपर्टीज, पूनावाला फिनकॉर्प, हबटाऊन, उषा मार्टिन, यांचा समावेश आहे.
