सकाळच्या वेळेत भरतील शाळा! राज्य मंत्रिमंडळाने शालेय वेळापत्रकात केला बदल

वाढत्या उन्हामुळे विद्यार्थ्यांच्या आरोग्यावर परिणाम होऊ नये म्हणून राज्य सरकारने शाळांचे वेळापत्रक बदलून सकाळच्या सत्रात वर्ग घेण्याचा निर्णय घेतला आहे.

फोटो सौजन्य - Social Media

Follow Us:

Follow Us:

राज्यात उन्हाचा तडाखा दिवसेंदिवस वाढत आहे. वाढत्या तापमानाचा विद्यार्थ्यांच्या आरोग्यावर परिणाम होऊ नये म्हणून राज्य मंत्रिमंडळाने महत्त्वाचा निर्णय घेतला आहे. राज्यातील सर्व शाळांचे वेळापत्रक बदलून आता सकाळच्या सत्रात वर्ग भरवण्याचा निर्णय घेण्यात आला आहे. काही जिल्ह्यांनी आधीच सकाळच्या सत्रातील शाळांसाठी आदेश जारी केले होते, मात्र आता हा निर्णय संपूर्ण राज्यभर लागू करण्यात आला आहे.

पदभरती महाराष्ट्राची, परीक्षा गुजरातमध्ये! विद्यार्थ्यांची मुख्यमंत्र्यांकडे धाव

वाढत्या उष्णतेमुळे मुलांचे आरोग्य धोक्यात येण्याची शक्यता असल्याने हा निर्णय घेण्यात आला आहे. सकाळच्या वेळेत तापमान तुलनेने कमी असल्याने विद्यार्थी उन्हाच्या त्रासातून वाचू शकतील. यामुळे प्राथमिक शाळा सकाळी ७ वाजता सुरू होणार असून, दुपारी ११:१५ वाजेपर्यंत शाळेचा वेळ असेल. माध्यमिक शाळांसाठीही शाळेचा प्रारंभ सकाळी ७ वाजता होईल आणि शाळा दुपारी ११:४५ वाजता सुटेल.

राज्यात उन्हाची तीव्रता दिवसेंदिवस वाढत आहे. अशा परिस्थितीत विद्यार्थ्यांचे आरोग्य सुरक्षित राहावे यासाठी शाळा प्रशासनाने काही महत्त्वाचे उपाय करावेत, असे निर्देश देण्यात आले आहेत. उन्हाळ्यात शाळांमध्ये खेळाच्या तासांसाठी मैदानाचा वापर टाळावा तसेच उष्णतेपासून बचावासाठी मुलांना योग्य मार्गदर्शन करावे. शाळेतील सर्व पंखे सुरळीत कार्यरत आहेत की नाही याची तपासणी करावी, तसेच विद्यार्थ्यांसाठी शाळेत थंड पाण्याची सुविधा उपलब्ध असावी.

विद्यार्थ्यांना उष्णतेच्या दुष्परिणामांपासून वाचवण्यासाठी योग्य कपडे घालण्याचे आणि टोपी परिधान करण्याचे मार्गदर्शन करावे. शाळेच्या डब्यात हंगामी फळे व पाणीदार भाज्यांचा समावेश करण्यासाठी पालकांना प्रोत्साहित करावे. उन्हाच्या तीव्रतेमुळे विद्यार्थ्यांमध्ये उष्माघात, डिहायड्रेशन आणि अन्य आरोग्य समस्या होण्याची शक्यता असते. त्यामुळे हा निर्णय त्वरित लागू करण्यात येणार आहे.

दहावीनंतर लगेच नोकरी मिळवण्यासाठी उत्तम कोर्सेस; नक्की वाचा

शाळांच्या वेळेत बदल केल्याने विद्यार्थ्यांना उन्हाचा त्रास कमी होईल तसेच त्यांच्या आरोग्यावर कोणताही विपरीत परिणाम होणार नाही, अशी शासनाची अपेक्षा आहे. उन्हाळ्यात होणाऱ्या संभाव्य आरोग्य समस्यांना टाळण्यासाठी शाळा प्रशासनासोबतच पालकांनीही काळजी घेणे आवश्यक आहे. राज्यातील हा बदल लवकरच अंमलात आणला जाईल आणि विद्यार्थ्यांच्या सुरक्षेसाठी हा निर्णय महत्त्वाचा ठरेल.

Web Title: Schools will be held in the morning

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com