बुधवार, 11 नोव्हेंबर 2026
फोटो सौजन्य - Social Media
ब्रिटनमध्ये शिक्षण घेण्याचा विचार करत आहात तर तुमच्यासाठी आनंदाची बातमी आहे. ब्रिटनच्या सरकारने यूके-इंडिया यंग प्रोफेशनल्स स्कीम 2025 जाहीर केली आहे. भारतीय उमेदवारांना या स्कीमसाठी अर्ज करता येणार आहे. या योजनेच्या अंतर्गत उमेदवार भारतीय नागरिक ब्रिटनला जाऊन दोन वर्षांसाठी नोकरी तसेच शिक्षण घेऊ शकतात. जर तुम्ही अर्ज करण्यासाठी इच्छुक आहात तर gov.uk या अधिकृत संकेतस्थळाला भेट द्या.
ब्रिटिश सरकारच्या माध्यमातून ३००० विजा जाहीर केले जाईल. अर्ज कर्त्या उमेदवारांना बॅलेटच्या माध्यमातून नियुक्त केले जाईल. सगळ्यात महत्वाची बाब म्हणजे बॅलेटसाठी कोणत्याही प्रकारचे अर्ज शुल्क आकारण्यात येणार नाही. तसेच अर्ज करण्यासाठी कोणत्याही प्रकारचे अर्ज शुल्क भरावे लागणार नाही आहे. हा बॅलेट १८ फेब्रुवारीपासून सुरु करण्यात येणार आहे तर २० फेब्रुवारीपर्यंत खुला राहणार आहे.
ब्रिटनमध्ये नोकरी आणि शिक्षणासाठी यूके-इंडिया यंग प्रोफेशनल्स स्कीमअंतर्गत अर्ज करण्याची परवानगी फक्त त्याच व्यक्तींना मिळेल ज्यांची वयोमर्यादा 18 वर्ष किंवा त्यापेक्षा जास्त आहे. अर्ज करणाऱ्यांकडे सेव्हिंग म्हणून 2,530 पाउंड (सुमारे 2.70 लाख रुपये) असावे लागतील, ज्यामुळे ते ब्रिटनमध्ये आपले खर्च भागवू शकतील. याशिवाय, अर्ज करणाऱ्याचा 18 वर्षाखालील कोणताही मुलगा किंवा मुलगी असू नये, ज्याची जबाबदारी त्याच्याकडे असेल. हे सुनिश्चित करण्यासाठी कि त्यांनी आपले आर्थिक आणि कौटुंबिक कर्तव्य पाळले आहे, ही अट ठेवण्यात आली आहे. जर तुम्ही या सर्व अटी पूर्ण करत असाल, तर तुम्ही यूके-इंडिया यंग प्रोफेशनल्स स्कीमसाठी अर्ज करण्यास पात्र असाल.
अर्ज करताना, आवेदकांना त्यांचे पूर्ण नाव, जन्मतारीख, पासपोर्ट तपशील आणि स्कॅन केलेली छायाचित्रे संबंधित यंत्रणेकडे जमा करावीत. यासोबतच त्यांना आपल्या फोन नंबर आणि ईमेल-आयडी देखील द्यावी लागेल, जेणेकरून त्यांच्या अर्जाच्या प्रक्रियेतील प्रत्येक टप्प्याची माहिती त्यांना मिळू शकेल. ज्यांना बैलट पद्धतीने निवडले जाईल, त्यांना ईमेलद्वारे दोन आठवड्यांच्या आत निवडीची माहिती दिली जाईल. निवडीच्या प्रक्रियेनंतर, अर्जदारांना व्हीसा साठी अर्ज करावा लागेल आणि निवडीची माहिती मिळाल्यानंतर 90 दिवसांच्या आत व्हीसा अर्ज प्रक्रिया पूर्ण करणे अनिवार्य आहे. अर्जदारांना सर्व आवश्यक शुल्क भरणे आणि त्यांचे बायोमेट्रिक्स देखील द्यावे लागतील. यूके-इंडिया यंग प्रोफेशनल्स स्कीमअंतर्गत निवडलेले व्यक्ती दोन वर्ष ब्रिटनमध्ये कार्यरत राहून नंतर भारतात परत येतील, त्यामुळे त्यांना या कालावधीत एक चांगला अनुभव मिळेल जो त्यांच्या भविष्याच्या कारकिर्दीसाठी महत्त्वपूर्ण ठरू शकतो.
