फोटो सौजन्य - Social Media
जर तुम्हालाही बँकेत नोकरी करण्याचं स्वप्न असेल, तर यूको बँक तुमच्यासाठी एक सुवर्णसंधी घेऊन आली आहे. देशातील नामांकित सरकारी बँकांपैकी एक असलेल्या यूको बँकने एकूण 532 अप्रेंटिस पदांसाठी मोठी भरती जाहीर केली आहे. ही भरती भारतातील विविध राज्ये आणि केंद्रशासित प्रदेशांमध्ये केली जाणार असून, इच्छुक आणि पात्र उमेदवारांनी अर्ज करण्यासाठी बँकेच्या अधिकृत संकेतस्थळाला www.uco.bank.in भेट द्यावी. ऑनलाइन अर्ज प्रक्रिया 21 ऑक्टोबर 2025 पासून सुरू होऊन 30 ऑक्टोबर 2025 पर्यंत चालणार आहे. मात्र अर्ज करण्यापूर्वी उमेदवारांनी nats.education.gov.in या नॅशनल अप्रेंटिसशिप पोर्टलवर आपलं रजिस्ट्रेशन पूर्ण करणे आवश्यक आहे. ज्यांची प्रोफाईल 100 टक्के पूर्ण असेल, तेच उमेदवार अर्जासाठी पात्र मानले जातील.
या भरतीत एकूण 532 पदांपैकी 229 पदे सर्वसाधारण (General), 132 OBC, 98 SC, 45 ST, तर 28 EWS प्रवर्गासाठी राखीव ठेवण्यात आली आहेत. म्हणजेच, सर्व सामाजिक प्रवर्गातील उमेदवारांना समान संधी मिळणार आहे. ही भरती देशभरातील सर्व राज्यांमध्ये करण्यात येणार असल्याने ग्रामीण आणि शहरी भागातील तरुणांनाही या अंतर्गत अर्ज करण्याची संधी आहे.
शैक्षणिक पात्रता आणि वयोमर्यादा:
या भरतीसाठी उमेदवाराचे वय 20 वर्षांपेक्षा कमी आणि 28 वर्षांपेक्षा जास्त नसावे. म्हणजेच, उमेदवाराचा जन्म 2 ऑक्टोबर 1997 पूर्वी किंवा 1 ऑक्टोबर 2005 नंतर झालेला नसावा. आरक्षित प्रवर्गातील उमेदवारांना शासन नियमांनुसार वयोमर्यादेत सूट देण्यात येईल.
शैक्षणिक पात्रतेच्या दृष्टीने उमेदवाराकडे मान्यताप्राप्त विद्यापीठ किंवा संस्थेतून कोणत्याही विषयात पदवी (Graduation) असणे आवश्यक आहे. याशिवाय nats.education.gov.in या पोर्टलवरील उमेदवारांची प्रोफाईल पूर्ण (100%) असणे गरजेचे आहे, अन्यथा अर्ज ग्राह्य धरला जाणार नाही.
अर्ज करण्यापूर्वी काय तपासावं?
यूको बँकेने उमेदवारांना सल्ला दिला आहे की, अर्ज करण्यापूर्वी अधिकृत भरती अधिसूचना (Notification) काळजीपूर्वक वाचावी. त्यात दिलेल्या पात्रता, आवश्यक कागदपत्रे, निवड प्रक्रिया, परीक्षा पद्धत आणि इतर अटींची सविस्तर माहिती मिळेल. चुकीचा अर्ज केल्यास तो नाकारला जाऊ शकतो, त्यामुळे सर्व माहिती तपासूनच अर्ज करावा.
मानधन (Stipend):
अप्रेंटिसशिप कालावधीत निवड झालेल्या उमेदवारांना दरमहा ₹15,000 रुपये स्टायपेंड (मानधन) दिले जाईल. ही रक्कम प्रशिक्षण कालावधीत बँकेकडून थेट उमेदवाराच्या खात्यात जमा केली जाईल.
अर्ज शुल्क (Application Fee):
निवड प्रक्रिया बँकेच्या नियमांनुसार केली जाणार असून, यात उमेदवारांच्या शैक्षणिक पात्रतेसह ऑनलाइन टेस्ट किंवा मुलाखतीचा समावेश असू शकतो. निवड झालेल्या उमेदवारांना देशभरातील विविध शाखांमध्ये अप्रेंटिस म्हणून प्रशिक्षणासाठी नेमण्यात येईल.
जर तुम्हाला बँकिंग क्षेत्रात करिअर करण्याची आवड असेल, तर ही यूको बँकेतील अप्रेंटिस भरती तुमच्यासाठी एक उत्तम संधी ठरू शकते. सरकारी बँकेत काम करण्याची स्थिरता, अनुभव आणि मानधन या तीन गोष्टींचा उत्तम संगम या नोकरीत मिळू शकतो. त्यामुळे इच्छुकांनी विलंब न करता दिलेल्या तारखांमध्ये आपला अर्ज सादर करावा.
