अकृषी विद्यापीठांमध्ये ‘कॅरी ऑन योजना’ होणार लागू? मंत्री चंद्रकांत पाटील यांचे निर्देश

उच्च व तंत्रशिक्षण मंत्री चंद्रकांत पाटील यांनी विद्यार्थ्यांच्या हितासाठी 'कॅरी ऑन योजना' राज्यातील सर्व अकृषी विद्यापीठांमध्ये लागू करण्याचे निर्देश दिले आहेत. विद्यार्थ्यांना याचा फार लाभ होणार आहे.

(फोटो सौजन्य - Social Media)

Follow Us:

Follow Us:

राज्यातील सर्व अकृषी विद्यापीठांमध्ये विद्यार्थ्यांच्या हितासाठी ‘कॅरी ऑन योजना’ लागू करण्यासंदर्भात सकारात्मक निर्णय घेऊन विद्यार्थ्यांना पुन्हा परीक्षेची संधी देण्यासाठी विद्यापीठांच्या पातळीवर समानता राखण्याचे निर्देश उच्च व तंत्रशिक्षण मंत्री चंद्रकांत (दादा) पाटील यांनी दिले. मंत्रालयात आयोजित ई- बैठकीत मंत्री चंद्रकांत पाटील यांच्या अध्यक्षतेखाली ही महत्त्वपूर्ण चर्चा पार पडली. या बैठकीत सर्व अकृषी विद्यापीठांचे कुलगुरू, कुलसचिव (ऑनलाइन), उच्च व तंत्रशिक्षण विभागाचे अपर मुख्य सचिव बी. वेणुगोपाल रेड्डी, उपसचिव अशोक मांडे, उपसचिव प्रताप लुबाळ, तंत्रशिक्षण विभागाचे संचालक डॉ. विनोद मोहितकर, उच्च शिक्षण संचालक डॉ. शैलेंद्र देवळाणकर तसेच विविध विद्यापीठांचे कुलगुरू, कुलसचिव व संबंधित अधिकारी उपस्थित होते.

15 फेब्रुवारीपासून सुरू होणार CBSE बोर्डाची परीक्षा, टॉपर्स लिस्टमध्ये येण्यासाठी कशी कराल तयारी

मंत्री पाटील यांनी सांगितले की, काही वेळा शैक्षणिक कारणांमुळे किंवा अन्य परिस्थितीमुळे विद्यार्थ्यांना परीक्षा देण्यास अडचणी येतात. अशा विद्यार्थ्यांसाठी ‘कॅरी ऑन योजना’ उपयुक्त ठरते. ही योजना विद्यार्थ्यांच्या शिक्षण प्रवासातील अडथळे दूर करत त्यांच्या शैक्षणिक वर्षाची हानी टाळण्यासाठी महत्त्वाची ठरते. मात्र सध्या विविध विद्यापीठांमध्ये या योजनेच्या अंमलबजावणीबाबत एकसमानता नसल्याचे दिसते.

विद्यार्थ्यांच्या हितासाठी सर्व विद्यापीठांनी कालबद्ध नियोजन करून या योजनेची प्रभावी अंमलबजावणी करावी, असे मंत्री पाटील यांनी सुचवले. विद्यार्थ्यांच्या शिक्षणात खंड पडू नये व त्यांचे वर्ष वाया जाऊ नये यासाठी या योजनेच्या माध्यमातून त्यांना परीक्षा देण्यासाठी पुन्हा संधी देणे आवश्यक असल्याचे ते म्हणाले. ‘कॅरी ऑन योजना’ लागू केल्यामुळे विद्यार्थ्यांना अपयशानंतरही आपले शिक्षण सुरू ठेवता येते व पुढील परीक्षेसाठी तयारी करता येते. यामुळे विद्यार्थ्यांमध्ये आत्मविश्वास वाढतो व शैक्षणिक नुकसान कमी होते.

AAI मध्ये २२४ रिक्त पदांसाठी सुवर्ण भरती; ‘या’ तारखेपर्यंत करता येईल अर्ज

राज्यातील सर्व अकृषी विद्यापीठांनी या योजनेला अधिक प्राधान्य देऊन विद्यार्थ्यांना सहकार्य करावे, असे आवाहन मंत्री चंद्रकांत पाटील यांनी केले. त्यांनी विद्यापीठांच्या प्रशासनाला विद्यार्थ्यांच्या समस्या तत्काळ सोडवण्यासाठी तत्पर राहण्याचे निर्देश दिले. मंत्री पाटील म्हणाले की, शैक्षणिक अडचणींमुळे अनेक विद्यार्थ्यांना परीक्षा देता येत नाही किंवा त्यांच्या अभ्यासक्रमाचा प्रवास खंडित होतो. अशा परिस्थितीत ‘कॅरी ऑन योजना’ विद्यार्थ्यांसाठी एक महत्त्वपूर्ण उपाय ठरू शकतो. यामुळे विद्यार्थ्यांना शिक्षणात पुन्हा संधी मिळेल आणि त्यांचे वर्ष वाया जाण्यापासून वाचेल. या बैठकीच्या माध्यमातून ‘कॅरी ऑन योजनेच्या’ अंमलबजावणीला राज्यभर अधिक बळ मिळेल, अशी अपेक्षा आहे. यामुळे विद्यार्थ्यांचा शैक्षणिक प्रवास सुरळीत होण्यास मदत होईल आणि त्यांना भविष्यातील संधींसाठी अधिक सक्षम बनवता येईल.

Web Title: Will the carry on scheme be implemented in non agricultural universities

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com