बंगळुरू: बंगळुरूच्या पब मधून एक धक्कादायक माहिती समोर आली आहे. पबच्या बाथरूममध्ये एका ३१ वर्षीय तरुणाचा मृतदेह आढळून आल्याचे समोर आले आहे. मृत तरुण हा बँक मॅनेजर म्हणून कार्यरत होता. ही घटना गुरुवारी (9 ऑक्टोबर) बंगळुरूच्या राजराजेश्वरी नगर परिसरात घडली आहे.
नेमकं काय घडलं?
गुरुवारी रात्री जवळपास साडे दहा वाजताच्या सुमारास मेघराज नावाचा तरुण आपल्या तीन मित्रांसोबत पबमध्ये डिनर आणि ड्रिंकसाठी गेला होता. पबमध्ये गेल्यानंतर सुरूवातीला सर्व काही ठिक होतं. अगदी मजा मस्करी करत चौघा मित्रांनी जेवण केलं आणि बिल भरून बाहेर निघण्याच्या तयारीत होते. तेव्हा अचानक मेघराज म्हणाला, “मला थोडी चक्कर येतेय, मी वॉशरूममध्ये जातो.” त्यानंतर, मेघराज बाथरूममध्ये गेला आणि त्याचे मित्र त्याची वाट बघत बाहेर थांबले होते. मात्र, बराच काळ मेघराज पबमधून बाहेर आलाच नाही.
दरवाजा तोडला आणि…
वाट पहिल्यांनंतर त्याचे मित्र पुन्हा पबमध्ये गेले आणि सगळीकडे शोध घेण्याचा प्रयत्न केला. शेवटी, बाथरूमचा दरवाजा आतून बंद आढळल्याने सर्वानाच
संशय आला. त्यावेळी, पेबच्या मॅनेजरला बोलावण्यात आलं. त्यांनी बराच काळ दरवाजा ठोठावला परंतु आतून काही प्रतिसाद मिळाला नाही. शेवटी दरवाजा तोडण्यात आला आणि तिथे मेघराज फरशीवर पडला होता. हे बघून सगळ्यांना धक्का बसला.
पोलिसांनी काय दिली माहिती?
पोलिसांनी सांगितले की बँक मॅनेजर मेघराज बाथरूममध्ये खाली फरशीवर पडला होता. त्याच्या बाजूला त्याचा मोबाईल होता आणि सिंकच्या खाली फुटलेला ग्लास आढळला. या घटनेची माहिती लगेच पोलिसांना देण्यात आली. पोलिस अधिकाऱ्यांनी दिलेल्या माहितीनुसार, मेघराज स्वत: बाथरूममध्ये गेला आणि त्याने आतून दरवाजा बंद करून घेतला. दरवाजा तोडल्यानंतर आत मॅनेजरचा मृतदेह सापडला. पोलिसांनी क्राईम ब्रांच बोलवून सर्व पुरावे गोळा करण्यात आले. आता पोस्टमार्टम रिपोर्ट्सची प्रतिक्षा आहे. रिपोर्ट्सवरून मृत्यूमागचं नेमकं कारण लवकरच समोर येईल.
केमिकलने खोट्या 500 रुपयांच्या नोटा बनवायचे, ATS ला माहिती मिळताच लावला ट्रॅप आणि…
