रविवार, 1 नोव्हेंबर 2026
संग्रहित फोटो
लातूर शहरात आर्थिक फायद्यासाठी महिलांना पैशांचे आमिष दाखवून त्यांच्याकडून वेश्या व्यवसाय करून घेतला जात असल्याची गोपनीय माहिती पोलिसांना मिळाली होती. या माहितीच्या आधारे पोलिस अधीक्षक कार्यालयातील अनैतिक मानवी वाहतूक प्रतिबंधक कक्षाच्या पथकाने माऊलीनगर परिसरातील अंबिका निवास येथील एका फ्लॅटवर छापा टाकला. या कारवाईत वेश्या व्यवसायाचे प्रकरण उघडकीस आले.
फ्लॅट भाड्याने देणाऱ्या महिलेचाही सहभाग असल्याचे समोर
या प्रकरणातील आरोपी जावेद सय्यद हा रूपाली माळी हिने भाड्याने घेतलेल्या फ्लॅटमध्ये बाहेरील जिल्ह्यांतील तसेच लातूर शहरातील महिलांना बोलावून घेत असे. त्यांना पैशांचे आमिष दाखवून ग्राहकांकडून वेश्या व्यवसाय करून घेतला जात असल्याची माहिती पोलिसांना मिळाली होती. त्यानुसार वरिष्ठांच्या आदेशाने पोलीस निरीक्षक विठ्ठल शिवाजी दराडे यांच्या नेतृत्वाखाली पथकाने सापळा रचला. शुक्रवारी सायंकाळी ४.५५ वाजता अंबिका निवासमधील पहिल्या मजल्यावरील फ्लॅट क्रमांक २ येथे छापा टाकण्यात आला. यावेळी जावेद युसुफ सय्यद (वय ३३, रा. करीम नगर, लातूर) आणि जयश्री राम तोरडे (वय ४०, रा. प्रकाश नगर, लातूर) हे आढळून आले. तसेच नागपूर येथील २१ वर्षीय महिला एका स्वतंत्र खोलीत आढळून आली. पोलिसांनी बनावट ग्राहकाला दिलेल्या दोन हजार रुपयांची रक्कम जावेद सय्यदकडे मिळून आली. तसेच दोन कंडोम पाकिटेही जप्त करण्यात आली. पोलिसांनी पीडित महिलेची विचारपूस करून तिची सुटका केला. या प्रकरणात विष्णू ऊर्फ वैभव हनुमंत पुरी (रा. कवळी, ता. औसा, जि. लातूर) याचाही सहभाग असल्याचे तपासात समोर आले. मात्र, तो घटनास्थळावरून पळून गेला. तसेच फ्लॅट भाड्याने देणारी रूपाली माळी हिचाही या प्रकरणाशी संबंध असल्याचे समोर आले असून शिवाजीनगर पोलिस करत आहेत.
या पोलिसांनी केली कारवाई
पुढील तपास पोलिस निरीक्षक संतोष पाटील करीत आहेत. ही कारवाई पोलीस अधीक्षक अमोल तांबे, अपर पोलीस अधीक्षक मंगेश चव्हाण आणि पोलिस उपअधीक्षक डॉ. भागीरथी पवार यांच्या मार्गदर्शनाखाली करण्यात आली. पोलीस निरीक्षक विठ्ठल दराडे, सहाय्यक पोलिस निरीक्षक अजिनाथ पाटील, महिला पोलीस अमलदार सुधामती वंगे, सदानंद योगी, लता गिरी आणि सचिन मुंडे यांनी कारवाईत सहभाग घेतला.
Ans: लातूर शहरातील माऊलीनगर परिसरातील अंबिका निवास येथील भाड्याच्या फ्लॅटमध्ये हा प्रकार उघडकीस आला.
Ans: अनैतिक मानवी वाहतूक प्रतिबंधक कक्षाच्या पथकाने छापा टाकून दोघांना अटक केली आणि नागपूर येथील २१ वर्षीय पीडित महिलेची सुटका केली.
Ans: पोलिसांनी बनावट ग्राहकाला दिलेली दोन हजार रुपयांची रोकड आणि दोन कंडोम पाकिटे जप्त केली. तसेच या प्रकरणातील अन्य संशयितांचा शोध सुरू आहे.
