मंगळवार, 6 ऑक्टोबर 2026
पुण्याच्या कसबा मंदिरात चोरी (फोटो -सोशल मिडिया)
मंदिराचे ट्रस्टी व पुजारी हेरंब दत्तात्रय ठकार (वय ५४) यांनी दिलेल्या तक्रारीनुसार, त्यांनी सोमवारी रात्री १०:३० वाजता नित्यनियमाप्रमाणे मंदिर बंद केले होते. मंगळवारी पहाटे जेव्हा ते मंदिर उघडण्यासाठी आले, तेव्हा मुख्य गर्भगृहात जाणाऱ्या लाकडी दरवाजाची कडी तुटलेली असल्याचे त्यांच्या निदर्शनास आले. त्यांनी तत्काळ आत जाऊन पाहणी केली असता चोरीचा संपूर्ण प्रकार उघडकीस आला.
चोरट्यांनी मुख्य गर्भगृहापुढील दोन लाकडी दानपेट्यांसह महादेव मंदिर आणि विठ्ठल-रुक्मिणी मंदिरासमोरील दानपेट्यांचे ताले तोडले होते. याशिवाय मारुती मंदिराशेजारी ठेवलेली लोखंडी दानपेटीही फोडण्यात आली. चोरट्यांनी चोरी करण्यासाठी लोखंडी रॉडचा वापर केला असून, तो रॉड घटनास्थळीच आढळून आला आहे.
पोलीस तपासादरम्यान, चोरटे मंदिराच्या उघड्या भिंतीच्या मार्गाने परिसरात घुसल्याचा संशय व्यक्त करण्यात येत आहे. घटनेची माहिती मिळताच सहाय्यक पोलीस आयुक्त संजय दराडे यांच्यासह वरिष्ठ पोलीस अधिकाऱ्यांनी घटनास्थळी धाव घेऊन पाहणी केली. सध्या फरासखाना पोलीस मंदिर परिसर आणि परिसरातील दुकान व आस्थापनांचे सीसीटीव्ही (CCTV) फुटेज तपासत असून चोरट्यांचा माग काढण्यासाठी पथके रवाना करण्यात आली आहेत.
हेही वाचा: Crime News: मालाडमध्ये ड्रग्जच्या ओव्हरडोसमुळे १९ वर्षीय तरुणाचा मृत्यू; चिमुकलीच्या अपहरणाचा प्रयत्न
फुरसुंगीत बोगस डॉक्टरविरुद्ध गुन्हा दाखल
पुण्यातून एक मोठी बातमी समोर आली आहे. कोणतीही मान्यताप्राप्त वैद्यकीय पदवी नसताना तसेच रुग्णांवर उपचार करण्यासाठी आवश्यक प्रशिक्षण घेतलेले नसतानाही डॉक्टर असल्याचे भासवून उपचार करणाऱ्या व्यक्तीविरुद्ध फुरसुंगी पोलिसांनी गुन्हा दाखल केला आहे. भेकराईनगर परिसरात हा प्रकार समोर आला आहे.
