काँग्रेस पक्षाची संपूर्ण उमेदवारांची यादी आजच होणार जाहीर; महाराष्ट्र प्रभारी रमेश चेन्निथला यांचे महत्त्वपूर्ण वक्तव्य

विधानसभा निवडणुकीच्या पार्श्वभूमीवर महाविकास आघाडीच्या उमेदवारांची नावं जाहीर केली जात आहे. कॉंग्रेसचे सर्व उमेदवार आजच जाहीर केले जातील अशी माहिती कॉंग्रेस महाराष्ट्र प्रभारी रमेश चेन्निथला यांनी दिली.

पूर्ण उमेदवार यादी आजच होणार जाहीर रमेश चेन्निथला यांनी दिली माहिती (फोटो - सोशल मीडिया)

Follow Us:

Follow Us:

नवी दिल्ली :  महाराष्ट्र विधानसभा निवडणुकीची खलबतं अगदी दिल्लीपर्यंत सुरु आहेत. निवडणुकीला अगदी काही काल शिल्लक असताना महाविकास आघाडीमध्ये मतभेद सुरु होते. मुख्यमंत्रिपदावरुन आणि राज्यातील काही जागांवर रस्सीखेच सुरु होती. आता अखेर महाविकास आघाडीमधील मतभेद समाप्त झाले असून उमेदवारांची नावं घोषित केले जात आहेत. आता कॉंग्रेस उमेदवारांची दुसरी यादी जाहीर करण्यात आली. यावर आता महाराष्ट्र कॉंग्रेस प्रभारी रमेश चेन्निथला यांनी माध्यमांशी संवाद साधला असून आज (दि.26) सर्व उमेदवार जाहीर होतील, असे रमेश चेन्निथला यांनी सांगितले.

रमेश चेन्निथला यांनी दिल्लीमध्ये माध्यमांशी संवाद साधला. यावेळी त्यांनी महाराष्ट्र विधानसभा निवडणुकीबद्दल महत्त्वपूर्ण माहिती दिली आहे. काँग्रेसच्या केंद्रीय निवडणूक समितीच्या बैठकीला उपस्थित राहिल्यानंतर चेन्निथला म्हणाले की, काँग्रेसचे बाळासाहेब थोरात शनिवारी शिवसेना पक्षप्रमुख उद्धव ठाकरे आणि राष्ट्रवादी-सपा प्रमुख शरद पवार यांची भेट घेऊन सर्व प्रश्न सोडवतील. महाविकास आघाडी आगामी विधानसभा निवडणूक एकत्र लढणार असून सर्व उमेदवारांची आज घोषणा केली जाणार आहे, अशी माहिती काँग्रेसचे महाराष्ट्र प्रभारी रमेश चेन्निथला यांनी दिली आहे.

हे देखील वाचा : शिवसेना उद्धव ठाकरे गटाची दुसरी उमेदवार यादी जाहीर; कोणाकोणाला मिळाली संधी?

महाराष्ट्र प्रभारी रमेश चेन्निथला यांनी महाविकास आघाडीत कोणतीही अडचण नसल्याचे सांगितले. ते म्हणाले की, “महाविकास आघाडीमध्ये कोणतेही मतभेद नाहीत किंवा कोणती अडचणी देखील नाहीत. जे काही अडचण ती महायुतीमध्ये असेल. महाविकास आघाडीमध्ये आम्ही सर्व एकत्र आहोत आणि आम्ही एका सूत्रावर काम करत आहोत. महायुतीमध्ये मोठी अडचण आहे. आम्ही काही जागांची मागणी करत असल्याचं महाराष्ट्र काँग्रेसचे अध्यक्ष नाना पटोले यांनी म्हटलं आहे. आम्हाला मिळालेल्या जागांवर आम्ही ओबीसींना (उमेदवार) न्याय देण्याचा प्रयत्न केला आहे,” असे मत त्यांनी मांडले.

हे देखील वाचा : माजी राज्यमंत्री म्हेत्रे विरुद्ध कल्याणशेट्टी यांच्यामध्ये कडवी झुंज; अक्कलकोटमध्ये अस्तित्वाची लढाई

काँग्रेस नेते बाळासाहेब थोरात यांनीही पक्ष आज अंतिम यादी जाहीर करणार असल्याचे सांगितले आहे. महाराष्ट्र विधानसभा निवडणुकीसाठी उमेदवार निवडण्यासाठी काँग्रेसच्या केंद्रीय निवडणूक समितीची (CEC) बैठक शुक्रवारी नवी दिल्लीतील काँग्रेस मुख्यालयात झाली. काँग्रेसचे सरचिटणीस केसी वेणुगोपाल म्हणाले की, “महाविकास आघाडीमध्ये मतभेद आहेत, परंतु ते एमव्हीएद्वारे सोडवले जातील. महाराष्ट्राला जुने वैभव परत आणण्यासाठी विधानसभा निवडणूक एकत्र लढणार आहे,” असा विश्वास कॉंग्रेस पदाधिकाऱ्यांकडून व्यक्त केला जात आहे.

कॉंग्रेसकडून जाहीर करण्यात आलेली दुसरी यादी

• भुसावळ  – राजेश मानवतकर
• जळगाव जामोद – स्वाती वाकेकर
• अकोट- महेश गणगणे
• वर्धा – शेखर शेंडे
• सावनेर – अनुजा केदार
• नागपूर दक्षिण – गिरिश पांडव
• कामठी – सुरेश भोयर
• भंडारा – पुजा तवेकर
• अर्जुनी मोरगाव – दिलीप बनसोड
• आमगाव – राजकुमार पुरम
• राळेगाव – वसंत पुरके
• यवतमाळ – अनिल मांगुलकर
• अर्णी – जितेंद्र मोघे
• उमरखेड  – साहेबराव कांबळे
• जालना – कैलास गोरंट्याल
• औरंगाबाद पूर्व – मधुकर देशमुख
• वसई – विजय पाटील
• कांदिवली पूर्व – कालू भडेलिया
• सायन कोळीवाडा – गणेश कुमार यादव
• श्रीरामपुर – हेमंत ओघले
• निलंगा – अभय कुमार साळुंके
• चारकोप – यशवंत सिंह
• शिरोळ   – गणपतराव पाटील

Web Title: Maharashtra in charge ramesh chennithala announced complete candidate list of the congress party today

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com