अखेर बृजभूषण सिंह अध्यक्षपदावरून पायउतार; कुस्ती महासंघाचे सदस्य अपात्र घोषित

भारतीय ऑलिम्पिक संघटनेने (आयओए) भारतीय कुस्ती महासंघाच्या सर्व पदाधिकाऱ्यांना अपात्र ठरवले आहे. या निर्णयानंतर कुस्ती महासंघाचे अध्यक्ष बृजभूषण सिंह (Brij Bhushan Sharan Singh) यांनी अध्यक्षपदाचा राजीनामा दिला.

Follow Us:

Follow Us:

नवी दिल्ली : भारतीय ऑलिम्पिक संघटनेने (आयओए) भारतीय कुस्ती महासंघाच्या सर्व पदाधिकाऱ्यांना अपात्र ठरवले आहे. या निर्णयानंतर कुस्ती महासंघाचे अध्यक्ष बृजभूषण सिंह (Brij Bhushan Sharan Singh) यांनी अध्यक्षपदाचा राजीनामा दिला. एक दिवस अगोदर 12 मे रोजी बृजभूषण शरण सिंह यांनी दिल्ली पोलिसांकडे त्यांचे बयाण नोंदवले होते, ज्यामध्ये त्यांनी स्वतःला निर्दोष म्हटले आहे.

बृजभूषण शरण सिंह यांच्यावर एका अल्पवयीनासह सात महिला कुस्तीपटूंनी लैंगिक छळाचा आरोप केला आहे. आयओएचे सहसचिव कल्याण चौबे यांनी कुस्ती संघटनेला आदेश जारी करून सर्व पदाधिकाऱ्यांच्या प्रशासकीय, आर्थिक कामांवर बंदी घातली आहे. संघटनेने कुस्ती असोसिएशनला खाती आणि परदेशी टूर्नामेंट, वेबसाइट ऑपरेशन्ससाठी प्रवेशासाठी लॉगिन त्वरित सुपूर्द करण्यास सांगितले आहे.

क्रीडा मंत्रालयाने भारतीय कुस्ती महासंघाच्या निवडणुका रद्द करून आयओएच्या तदर्थ समितीकडे निवडणुकांचे आयोजन करण्याचे काम सोपवल्यानंतर आयओएने हे पाऊल उचलले आहे.

45 दिवसांत निवडणुका

भारतीय ऑलिम्पिक संघटनेने कुस्ती संघटना चालवण्यासाठी आणि 45 दिवसांच्या आत निवडणुका घेण्यासाठी वुशू फेडरेशनचे भूपेंद्र सिंग बाजवा, ऑलिम्पियन नेमबाज सुमा शिरूर आणि निवृत्त न्यायाधीश याचा समावेश असलेली तीन सदस्यीय समिती स्थापन केली होती. समितीनेही आपले कर्तव्य बजावलें आहे. त्याच्या नेतृत्वाखाली 17 वर्षाखालील आणि 23 वर्षांखालील आशियाई चॅम्पियनशिप संघ निवड आणि निवड समितीची घोषणा करण्यात आली होती. परंतु आयओएने कुस्ती संघटनेच्या कामावर स्थगिती आदेश जारी केला नाही.

Web Title: Brij bhushan sharan singh resign from ioa nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com