Cyclone Senyar: सावधान! पुढील आठवडाभर ‘या’ राज्यात पावसाचा ‘भीषण’ प्रकोप, अनुभवणार अतिवृष्टी आणि विजांचा कडकडाट!

IMD Alert: भारतीय हवामानशास्त्र विभाग (IMD) नुसार, येत्या काही दिवसांत दक्षिणेकडील आणि किनारी राज्यांमध्ये मुसळधार ते अतिमुसळधार पाऊस पडण्याची शक्यता आहे.

 

• चक्रीवादळाचा धोका!
• बंगालच्या उपसागरात ‘कमी दाबाचे क्षेत्र’ तयार
• या राज्यांमध्ये मुसळधार ते अति मुसळधार पावसाची शक्यता

Heavy Rain Alert: दक्षिण अंदमान समुद्र आणि मलक्का सामुद्रधुनीजवळ तयार झालेले खोल दाबाचे क्षेत्र (Deep Depression) पुढील ४८ तासांत दक्षिण-पूर्व बंगालच्या उपसागरावर चक्रीवादळात (Cyclonic Storm) रूपांतरित होण्याची शक्यता आहे. ही प्रणाली पश्चिमेकडे सरकत असल्याने समुद्रामध्ये तीव्र वारे, उंच लाटा आणि अनेक किनारी राज्यांमध्ये मुसळधार पावसाची शक्यता भारतीय हवामानशास्त्र विभागाने (IMD) वर्तवली आहे.See more

🌊 Cyclone Senyar Formation Ruled Out; Depression to Bring Heavy Rain to North Tamil Nadu (Nov 28-30) 🌧️ ​Primary System: Depression Threat Over North Tamil Nadu. ​A Low Pressure Area (LPA) formed today morning over the Comorin Sea and adjoining Southwest Bay of Bengal.… pic.twitter.com/4cPqcmtiqw — Parthan IN Weather (@PIW44) November 25, 2025

या राज्यांमध्ये अतिवृष्टीचा इशारा

IMD नुसार, आगामी दिवसांत दक्षिण आणि किनारी राज्यांमध्ये मुसळधार ते अति मुसळधार पाऊस पडण्याची शक्यता आहे. तामिळनाडूमध्ये २५ ते २७ नोव्हेंबर दरम्यान जोरदार पाऊस आणि त्यानंतर २८ ते ३० नोव्हेंबर दरम्यान पावसाचा दुसरा तीव्र टप्पा दिसू शकतो. केरळ आणि माहेमध्ये २६ नोव्हेंबरपर्यंत या भागांत मुसळधार पाऊस सुरू राहण्याचा अंदाज आहे. तर अंदमान आणि निकोबार बेटे येथे २५ आणि २९ नोव्हेंबर रोजी जोरदार पाऊस, तर २६ ते २८ नोव्हेंबर दरम्यान अति मुसळधार पावसाची गंभीर चेतावणी (Warning) देण्यात आली आहे. आंध्र प्रदेश आणि यानम येथे पूर्व किनारपट्टीवर २९ नोव्हेंबर रोजी जोरदार पाऊस पडेल आणि ३० नोव्हेंबर रोजी तो अधिक तीव्र होण्याची शक्यता आहे.

हे देखील वाचा: Senyar Cyclone: 50-60 तासाने होणार विनाश? बंगालच्या उपसागरात चक्रीवादळ, ताजे अपडेट जाणून घ्या

वादळाला ‘सेन्यार’ नाव

जर ही प्रणाली चक्रीवादळात विकसित झाली, तर त्याचे नाव ‘सेन्यार’ (Senyar) ठेवले जाईल, ज्याचा अर्थ “सिंह” असा आहे. हे नाव संयुक्त अरब अमिरातीने (UAE) सुचवले आहे.

प्रशासनाचे सतर्कतेचे आवाहन

IMD ने इशारा दिला आहे की, ४० ते ५० किमी प्रतितास वेगाने जोरदार वारे वाहू शकतात. मेघगर्जनेसह पाऊस आणि समुद्रातील उधाण (उंच लाटा) यामुळे अनेक किनारी भागांत पाणी साचणे (Waterlogging), स्थानिक पूर आणि वाहतूक कोंडी निर्माण होण्याची शक्यता आहे.  प्रशासनाने किनारी आणि प्रभावित भागात राहणाऱ्या लोकांना सतर्क राहण्याचे आणि हवामान विभागाच्या ताज्या अपडेट्सवर सतत लक्ष ठेवण्याचे आवाहन केले आहे.

हे देखील वाचा: Maharashtra Rain Alert: राज्यावर भीषण संकट; स्वेटर काढा अन् रेनकोट घाला, वादळी वारे, विजांसह…