हरियाणा नूह हिंसाचाराच्या आगीत होरपळतयं! आतापर्यंत 5 ठार; सीएम खट्टर यांनी उच्चस्तरीय बैठक बोलावली

हरियाणाच्या नूह जिल्ह्यात सोमवारी विश्व हिंदू परिषदेची (VHP) बृजमंडल जलाभिषेक यात्रा थांबवल्यामुळे उसळलेल्या हिंसाचाराच्या आगीमुळे गुरुग्रामच्या सोहना आणि फरिदाबादसह अनेक भागात परिस्थिती आणखीनच बिकट झाली.

Follow Us:

Follow Us:

हरियाणाच्या नूह जिल्ह्यात सोमवारी विश्व हिंदू परिषदेची (VHP) बृजमंडल जलाभिषेक यात्रा थांबवल्यामुळे उसळलेल्या हिंसाचाराच्या आगीमुळे गुरुग्रामच्या सोहना आणि फरिदाबादसह अनेक भागात परिस्थिती आणखीनच बिकट झाली. या हिंसाचारात दोन होमगार्ड जवानांसह 4 जणांचा मृत्यू झाला असून 10 पोलिसांसह 15 जण जखमी झाले आहेत. त्याचवेळी गुरुग्राम मशिदीवर झालेल्या हल्ल्यात एका तरुणाचा मृत्यू झाला. परिस्थिती नियंत्रणात ठेवण्यासाठी अनेक जिल्ह्यांच्या पोलिस अधीक्षकांना नूह येथे पाठवण्यात आले असून, केंद्रीय निमलष्करी दलाच्या 20 कंपन्याही तैनात करण्यात आल्या आहेत. नुहसह गुरुग्राम आणि फरिदाबाद भागात अजूनही तणावपूर्ण परिस्थिती असून खबरदारीचा उपाय म्हणून आज सर्वत्र मोबाईल इंटरनेट बंद करण्यात आले आहे.

नूहमध्ये, 2 ऑगस्टपर्यंत इंटरनेट सेवा निलंबित आणि कलम 144 लागू करण्याबरोबरच जिल्ह्याच्या सीमा सील करण्यात आल्या आहेत. हरियाणा सरकार आणि पोलीस प्रशासनाने सर्व पक्षांना शांतता राखण्याचे आवाहन केले आहे. काल नुह येथे ब्रिज मंडळाच्या यात्रेवर झालेल्या दगडफेकीनंतर जमावाने मिरवणुकीत सामील असलेली अनेक वाहने जाळली. हिंसाचार नियंत्रणात आणण्यासाठी पोलिसांना अश्रुधुराच्या नळकांड्या सोडाव्या लागल्या. हरियाणाचे मुख्यमंत्री मनोहर लाल खट्टर यांनी दुपारी 1 वाजता मुख्यमंत्र्यांच्या निवासस्थानी नूहमधील परिस्थितीबाबत उच्चस्तरीय बैठक बोलावली आहे. या बैठकीत गृहमंत्री अनिल विज यांच्यासह हरियाणाचे मुख्य सचिव आणि डीजीपी उपस्थित राहणार आहेत.

Web Title: Haryana nuh is engulfed in the fire of violence five have been killed so far cm khattar convenes high level meeting nrab

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com