700 शूटर्स अन् अनेक राज्यांमध्ये पसरलेले नेटवर्क; लॉरेन्स बिश्नोई टाकतोय दाऊद इब्राहिमच्या पावलावर पाऊल?

दोन दशकांपूर्वी अंडरवर्ल्ड डॉन दाऊद इब्राहिमने जशी दहशत पसरवली होती तशीच लॉरेन्स बिश्नोई आणि त्याची दहशत पसरवत आहे.

सौजन्य - नवराष्ट्र टीम

Follow Us:

Follow Us:

नवी दिल्ली : राष्ट्रवादी काँग्रेसचे (अजित पवार गट) नेते आणि दिग्गज बाबा सिद्दीकी यांची सार्वजनिक ठिकाणी गोळ्या झाडून हत्या करण्यात आल्यानंतर खळबळ उडाली आहे. या हत्येमागे लॉरेन्स बिश्नोई टोळीतील सदस्यांची नावे पुन्हा एकदा समोर आली आहेत. जो कोणी सलमान खानला मदत करेल त्याला त्याचे परिणाम भोगावे लागतील, असा संदेश फेसबुक पोस्टच्या माध्यमातून देण्याचा प्रयत्न करण्यात आला आहे. आधी सिद्धू मूसवाला आणि आता बाबा सिद्दीकी, लॉरेन्स बिश्नोई आणि त्याची टोळी आता राजा बनण्याच्या मार्गावर आहे. दोन दशकांपूर्वी अंडरवर्ल्ड डॉन दाऊद इब्राहिमने जशी दहशत पसरवली होती तशीच लॉरेन्स बिश्नोई आणि त्याची दहशत पसरत आहे. दाऊदच्या नावाने लोक हादरायचे. लॉरेन्स बिश्नोई याची कामाची पद्धत थोडी वेगळी असली तरी ती त्याच दिशेने वाटचाल करत आहे.

एनआयएच्या आरोपपत्रात ही माहिती उघड

एनआयएने लॉरेन्स बिश्नोई आणि गोल्डी ब्रार यांच्यासह 16 गुंडांविरुद्ध कठोर UAPA कायद्यांतर्गत आरोपपत्र दाखल केले आहे. एनआयएने आपल्या आरोपपत्रात लॉरेन्स बिश्नोई टोळीची तुलना दाऊद इब्राहिमच्या डी-कंपनीशी केली आहे. दाऊद इब्राहिमने 90 च्या दशकात ज्या प्रकारे छोट्या गुन्ह्यांपासून सुरुवात करून आपले नेटवर्क तयार केले होते त्याच पद्धतीने लॉरेन्स बिश्नोई आणि त्याचे दहशतवादी सिंडिकेट काम करत असल्याचे एनआयएच्या आरोपपत्रात उघड झाले आहे.

दाऊद इब्राहिमने अंमली पदार्थांची तस्करी, लक्ष करुन हत्या, खंडणी रॅकेटद्वारे आपले नेटवर्क वाढवले ​​आणि नंतर पाकिस्तानी दहशतवाद्यांशी हातमिळवणी करून डी-कंपनी स्थापन केली. त्याचप्रमाणे बिश्नोई टोळीने किरकोळ गुन्ह्यांपासून सुरुवात केली, स्वतःची टोळी तयार केली आणि आता उत्तर भारतात वर्चस्व गाजवले आहे.

बिश्नोई टोळीत 700 हून अधिक शूटर

लॉरेन्स बिश्नोई टोळीचा प्रमुख सतविंदर सिंग उर्फ ​​गोल्डी ब्रार आहे, जो कॅनेडियन पोलीस आणि भारतीय एजन्सींच्या दृष्टीने वॉन्टेड गुन्हेगार आहे. एनआयएच्या आरोपपत्रात बिश्नोई टोळीत 700 हून अधिक शूटर होते, त्यापैकी 300 पंजाबशी संबंधित होते. बिश्नोई आणि गोल्डी ब्रार यांची छायाचित्रे फेसबुक, इन्स्टाग्राम आणि यूट्यूबसारख्या सोशल मीडिया प्लॅटफॉर्मवर पोस्ट करण्यात आली आहेत. कोर्टात जाताना आणि बाहेर पडताना बिष्णोई यांची छायाचित्रे सोशल मीडियावर शेअर करण्यात आली, ज्यामुळे तरुणांमध्ये टोळ्यांना प्रोत्साहन मिळाले. 2020-21 पर्यंत, बिश्नोई टोळीने खंडणीच्या माध्यमातून कोट्यवधी रुपये कमावले होते आणि ते पैसे परदेशात पाठवले गेले होते.

टोळी कोणत्या राज्यात पसरली आहे?

एनआयएच्या म्हणण्यानुसार, लॉरेन्स बिश्नोई टोळी एकेकाळी पंजाबपर्यंत मर्यादीत होती, पण त्याचा जवळचा सहकारी गोल्डी ब्रारच्या मदतीने लॉरेन्स बिश्नोईने हरियाणा, दिल्ली आणि राजस्थानमधील टोळ्यांशी हातमिळवणी करून मोठे नेटवर्क तयार केले. आता लॉरेन्स बिश्नोई टोळी पंजाब, उत्तर प्रदेश, हरियाणा, महाराष्ट्र, दिल्ली, राजस्थान आणि झारखंडसह उत्तर भारतात पसरली आहे. तरुणांना टोळ्यांमध्ये सामील करण्यासाठी सोशल मीडिया आणि इतर विविध माध्यमांचा वापर केला जातो.

Web Title: The lawrence bishnoi gang has a network spread across several states nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com