Live Budget 2026: Finance Minister Nirmala Sitharaman on Union Budget 2026-27
01 Feb 2026 10:30 AM (IST)
आज सकाळी ११ वाजता अर्थमंत्री निर्मला सीतारमण जेव्हा अर्थसंकल्पीय भाषण सुरू करतील तेव्हा मध्यमवर्गीय वर्ग सर्वात जास्त उत्सुक असेल. गेल्या वर्षीप्रमाणेच सरकार सर्वसामान्यांसाठी महत्त्वपूर्ण प्रोत्साहने जाहीर करू शकते असे तज्ज्ञांचे मत आहे. ज्याप्रमाणे गेल्या वर्षी अर्थमंत्र्यांनी १२ लाख रुपयांपर्यंत थेट आयकरात सूट देऊन सर्वांना आश्चर्यचकित केले होते, तसेच यावेळीही असेच आश्चर्य होण्याची शक्यता आहे. असे पाच निर्णय तज्ज्ञांना अपेक्षित आहेत, जे जाहीर झाल्यास मध्यमवर्गीयांचे भविष्य उंचावेल. वाचा सविस्तर
01 Feb 2026 10:29 AM (IST)
पंतप्रधान नरेंद्र मोदी संसद भवनात दाखल झाले असून कॅबिनेट बैठकीला सुरुवात झाली आहे. या बैठकीत गृहमंत्री अमित शहा, संरक्षणमंत्री राजनाथ सिंह आणि अर्थमंत्री निर्मला सीतारमण उपस्थित आहेत. थोड्याच वेळात बजेट सादर केले जाणार आहे.
01 Feb 2026 10:20 AM (IST)
सकाळी ११ वाजता संसद टीव्ही आणि डीडी न्यूजवर अर्थमंत्री निर्मला सीतारामन यांच्या भाषणाचे थेट प्रक्षेपण केले जाणार आहे. तसेच डिजीटल प्लॅटफॉर्मवर देखील हे भाषण पाहू शकता. अधिकृत वेबसाईट indiabudget.gov.in वर अर्थमंत्री निर्मला सीतारामन यांच्या भाषणाचे लाईव्ह स्ट्रीम केले जाणार आहे. याव्यतिरिक्त, संसद टीव्ही आणि प्रेस इन्फॉर्मेशन ब्युरो त्यांच्या युट्यूब चॅनेलवर भाषणाचे लाईव्ह स्ट्रीम करणार आहेत. जवळजवळ सर्व प्रमुख वृत्तवाहिन्या आणि त्यांच्या वेबसाइट्स देखील लाईव्ह अपडेट्स आणि कव्हरेज प्रदान करतील, जेणेकरून तुम्हाला प्रत्येक मोठ्या घोषणेबद्दल माहिती मिळू शकेल. तसेच तुम्ही www.navarashtra.com वर देखील बजेट संबंधित सर्व अपडेट्स मिळवू शकता.
01 Feb 2026 10:10 AM (IST)
२०२६ चा केंद्रीय अर्थसंकल्प अनेक प्रकारे वेगळा आणि विशेष असणार आहे. रविवार, १ फेब्रुवारी २०२६ रोजी सादर होणारा हा अर्थसंकल्प स्वातंत्र्यापासून अस्तित्वात असलेली जवळजवळ ७५ वर्षांची परंपरा मोडू शकतो. सरकारी सूत्रांनुसार, अर्थमंत्री निर्मला सीतारमण यांच्या भाषणाचे स्वरूप बदलणार आहे. यावेळी, त्या भाग अ ऐवजी भाग ब वर अधिक लक्ष केंद्रित करतील. पूर्वी, अर्थसंकल्पीय भाषणाच्या भाग अ मध्ये देशाची आर्थिक परिस्थिती, राजकोषीय तूट, कर आणि प्रमुख धोरणात्मक घोषणांचे तपशीलवार वर्णन समाविष्ट होते, तर भाग ब तुलनेने लहान आणि मर्यादित व्याप्तीमध्ये राहिला. तथापि, २०२६ च्या अर्थसंकल्पात हे स्वरूप बदलण्याची शक्यता आहे.
01 Feb 2026 09:59 AM (IST)
३० जानेवारी रोजी, भारतीय रेल्वेने आपली स्वदेशी स्वयंचलित ट्रेन कवच व्हर्जन ४.० तीन विभागांमध्ये ४७२.३ किलोमीटरवर कार्यान्वित करण्याचे सुरु केले होते. हे रेल्वे सुरक्षा मजबूत करण्याच्या दिशेने एक मोठे पाऊल आहे. २०२६ च्या रेल्वे अर्थसंकल्पात कवच निधीमध्ये मोठी वाढ होण्याची अपेक्षा आहे. मंत्रालय कवच ४.० चे कव्हरेज १८,००० किलोमीटर ट्रॅकपर्यंत वाढवण्यासाठी निविदा अंतिम टप्प्याजवळ पोहोचण्याची शक्यता आहे. ही प्रणाली अशा प्रकारे तयार केली आहे की, जर लोको पायलट ब्रेक लावण्यात अयशस्वी ठरला, तर ती आपोआप ब्रेक लावते, ज्यामुळे समोरासमोर होणारी धडक टाळण्यास मदत होईल.
01 Feb 2026 09:50 AM (IST)
२०२६ चा सादर होणारा अर्थसंकल्प अनेकांच्या अपेक्षांना पूर्ण करेल अशी अंदाज आहे. यात ज्येष्ठ नागरिकांसाठी तिकिट सवलती परत मिळणे, ज्या कोविड-१९ साथीच्या काळात रद्द करण्यात आल्या होत्या आणि त्यानंतर त्या पुन्हा सुरू करण्यात आलेल्या नाहीत यावर भर दिला जाईल. यापूर्वी, ६० आणि त्यावरील पुरुषांना ४०% सवलतीसाठी पात्र होते, तर ५८ आणि त्यावरील महिलांना ५०% सवलत मिळत होती. हे बेनेफिट्स मेल, एक्सप्रेस, राजधानी, शताब्दी दुरांतो सेवांमध्ये लागू होते. कोविडच्या काळात ही सवलत तात्पुरती रद्द करण्यात आल्याचे सांगितले गेले असले तरी अद्याप तिला परत सुरु करण्यात आलेले नाही.
01 Feb 2026 09:40 AM (IST)
गेल्या वर्षी सादर करण्यात आलेल्या बजेटमध्ये सरकारने नोकदार वर्गाला मोठी सूट दिली होती. दरमहा 1 लाख रुपयांपर्यंत उत्पन्न असलेल्यांना कर स्लॅबमधून सूट देण्यात आली, ज्याचा थेट फायदा मध्यमवर्गीयांना झाला. आज सादर केल्या जाणाऱ्या बजेटमध्ये कर स्लॅबमध्ये कोणते बदल केले जाणार याकडे सर्वांचे लक्ष लागले आहे.
01 Feb 2026 09:38 AM (IST)
अर्थसंकल्प सादर होण्यापूर्वी केंद्र सरकारने सर्वसामान्यांना धक्का दिला आहे. सरकारने एलपीजी सिलिंडरच्या किमतीत ५० रुपयांनी वाढ केली आहे. सरकारने १९ किलो एलपीजी सिलिंडरच्या किमतीत वाढ केली आहे. १४ किलो घरगुती एलपीजी सिलिंडरची किंमत कमी केलेली नाही किंवा वाढलेली नाही. ८ एप्रिल २०२५ रोजीच्या शेवटच्या सुधारित दराने ते अजूनही उपलब्ध आहे.
एलपीजीच्या किमतीत वाढ झाल्यानंतर, दिल्लीत १९ किलो एलपीजी सिलिंडरची किंमत आता १७४०.५० झाली आहे. त्याचप्रमाणे, कोलकातामध्ये त्याची किंमत १८४४.५० झाली आहे. मुंबईत, आता ते १६९२.०० मध्ये उपलब्ध होईल, तर पूर्वी ते १६४२.५० मध्ये उपलब्ध होते. चेन्नईमध्ये, किंमत १८९९.५० झाली आहे. सरकारने व्यावसायिक सिलिंडरच्या किमतीत ५० रुपयांनी वाढ केली आहे. व्यावसायिक एलपीजी सिलिंडर हॉटेल, रेस्टॉरंट्स, ढाब्यांमध्ये आणि व्यावसायिक कारणांसाठी वापरले जातात.
01 Feb 2026 09:30 AM (IST)
गेल्या वर्षी सादर करण्यात आलेल्या बजेटमध्ये सरकारने खाजगी क्षेत्राच्या सहकार्याने संशोधन, विकास आणि इनोवेशनसंबंधित उपक्रमांना प्रोत्साहन देण्यासाठी २०,००० कोटी रुपयांची तरतूद जाहीर केली होती. त्यामुळे आता अशी आशा आहे की, यावेळी बजेटमध्ये सरकार या क्षेत्रावर अधिक लक्ष देऊ शकते. आशा आहे की, रिसर्च, डेवलपमेंट आणि इनोवेशनला प्रोत्साहन देण्यासाठी सरकार एक मोठा निर्णय घेऊ शकते.
01 Feb 2026 09:20 AM (IST)
अर्थमंत्री निर्मला सीतारमण यांनी बजेट 2025 मध्ये चामड्यापासून बनवलेल्या उत्पादन क्षेत्राला प्रोत्साहन दिले होते. गेल्या वर्षी सादर करण्यात आलेल्या बजेटमध्ये वेट ब्लू लेदरवर मूलभूत सीमाशुल्कातून पूर्ण सूट देण्यात आली होती. त्यामुळे अशी आशा व्यक्त केली जात आहे की, यावेळी बजेटमध्ये या क्षेत्रात आणखी प्रोत्साहन मिळण्याची शक्यता आहे.
01 Feb 2026 09:10 AM (IST)
अर्थमंत्री निर्मला सीतारमण नवीन दिल्लीमधील कर्तव्य भवनात असलेल्या अर्थ मंत्रालयात पोहोचल्या आहेत. थोड्याच वेळात अर्थमंत्री निर्मला सीतारमण या राष्ट्रपती द्रौपदी मुर्मू यांना अर्थसंकल्पाची प्रत सादर करणार आहेत. त्यानंतर अर्थसंकल्पाला मंत्रिमंडळाची मंजुरी मिळेल आणि सकाळी ११ वाजता संसदेत सादर केला जाईल.
01 Feb 2026 09:00 AM (IST)
गेल्यावर्षी सादर करण्यात आलेल्या बजेटमध्ये हस्तकला निर्यातीवर फोकस करण्यात आला होता. निर्यातीचा कालावधी 6 महिन्यांवरून वाढवून 1 वर्ष करण्याची घोषणा करण्यात आली होती. तसेच, शुल्कमुक्त वस्तूंच्या यादीत आणखी 9 उत्पादनांचा समावेश करण्यात आला. तर बजेट 2026 मध्ये देखील या क्षेत्रासाठी अनेक मोठ्या घोषणा केल्या जाण्याची शक्यता आहे.
01 Feb 2026 08:53 AM (IST)
अर्थमंत्री निर्मला सीतारमण यांनी गेल्यावर्षी सादर केलेल्या बजेटमध्ये इंटरेक्टिव फ्लॅट पॅनल डिस्प्लेवर मूळ सीमाशुल्क १० टक्क्यांवरून २० टक्के करण्यात आले. याव्यतिरिक्त, ओपन सेल्स आणि इतर घटकांवरील मूलभूत सीमाशुल्क ५ टक्क्यांनी कमी करण्याचा प्रस्ताव ठेवण्यात आला होता. तर यावेळी इलेक्ट्रॉनिक वस्तूंना प्रोत्साहन देण्यासाठी काही महत्त्वाच्या घोषणा केल्या जाण्याची शक्यता आहे.
01 Feb 2026 08:43 AM (IST)
गेल्यावर्षी सादर करण्यात आलेल्या बजेटमध्ये घरगुती कापडांना चालना देण्यासाठी काही महत्त्वाचे निर्णय घेण्यात आले होते. सरकारने शटललेस लूमसह कापड यंत्रसामग्रीला सीमाशुल्कातून सूट दिली होती. तसेच विणलेल्या कापडांवरील मूळ सीमाशुल्क २० टक्के करण्याचा प्रस्ताव होता. यावेळी देखील असाच एखादा निर्णय घेतला जाण्याची शक्यता आहे.
01 Feb 2026 08:33 AM (IST)
अर्थसंकल्प 2026 आज 1 फेब्रुवारी रोजी सादर होणार आहे. अर्थमंत्री निर्मला सीतारमण आज लोकसभेत २०२६-२०२७ चा केंद्रीय अर्थसंकल्प सादर करणार आहेत. याच पार्श्वभूमीवर आज शेअर बाजारातील व्यवहार देखील सुरु राहणार आहेत. २०२६ च्या अर्थसंकल्पाच्या घोषणेपूर्वी रविवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, अस्थिर राहण्याची शक्यता आहे. केंद्रीय अर्थसंकल्प सादरीकरणाच्या निमित्ताने भारतीय शेअर बाजार आज, १ फेब्रुवारी रोजी एका विशेष व्यापार सत्रासाठी खुला आहे. गेल्या वर्षी, अर्थमंत्री निर्मला सीतारमण यांनी शनिवारी अर्थसंकल्प सादर केला होता, ज्या दिवशी शेअर बाजार व्यवहारासाठी खुले होते.
01 Feb 2026 08:17 AM (IST)
अर्थसंकल्प 2026 चा परिणाम सोन्या - चांदीच्या किमतींवर होत असल्याचे पाहायला मिळत आहे. गेल्या काही दिवसांपासून सतत सोन्याच्या आणि चांदीच्या किंमती वाढत होत्या. मात्र आता 2 दिवसापासून सोन्याच्या आणि चांदीच्या किंमतीत मोठी घसरण होत असल्याचे पाहायला मिळत आहे. गेल्या 24 तासांत सोन्याच्या दरात 9 हजार रुपयांची घसरण झाली आहे. तर चांदीच्या किमतीत तब्बल 44 हजार रुपयांची घसरण झाली असल्याचे समोर आले आहे.
01 Feb 2026 08:10 AM (IST)
आजन २०२६-२७ चा अर्थसंकल्प सादर केला जात आहे. १ फेब्रुवारी रोजी, आठवड्याच्या शेवटी, अर्थसंकल्प सादर केला जातो तेव्हाही बाजार खुले राहतात ही एक जुनी परंपरा आहे. नॅशनल स्टॉक एक्सचेंज (NSE) ने एक परिपत्रक जारी केले आहे की, रविवार, १ फेब्रुवारी २०२६ रोजी, अर्थसंकल्पाच्या दिवशी, शेअर बाजार सकाळी ९:१५ ते दुपारी ३:३० पर्यंत खुले राहतील.
01 Feb 2026 08:00 AM (IST)
सरकारने आर्थिक वर्ष २०२५ मध्ये राजकोषीय तूट ४.८ टक्के राहण्याचा अंदाज वर्तवला होता, जो आर्थिक वर्ष २०२६ मध्ये ४.४ टक्क्यांपर्यंत कमी करण्याचे लक्ष्य आहे. याव्यतिरिक्त, एमएसएमई क्षेत्राला बळकटी देण्यासाठी, हमी कर्जाची मर्यादा ₹५ कोटींवरून ₹१० कोटी करण्यात आली.
01 Feb 2026 07:50 AM (IST)
मागील अर्थसंकल्पात, सरकारने पगारदार व्यक्तींना मोठी सवलत दिली होती. दरमहा अंदाजे १ लाख रुपयांपर्यंत उत्पन्न असलेल्यांना कर स्लॅबमधून सूट देण्यात आली होती, ज्यामुळे मध्यमवर्गाला थेट फायदा झाला. यावेळी देखील, पगारदार वर्ग कर स्लॅबमध्ये काही नवीन बदल किंवा अतिरिक्त सवलत दिली जाते का हे पाहण्यासाठी उत्सुकता आहे.
01 Feb 2026 07:40 AM (IST)
केंद्रीय अर्थमंत्री निर्मला सीतारमण आज, रविवारी २०२६-२७ चा अर्थसंकल्प सादर करतील. त्यांचे अर्थसंकल्पीय भाषण सकाळी ११ वाजता सुरू होईल. महत्त्वाचे म्हणजे, केंद्रीय अर्थसंकल्प सादर करण्याची ही त्यांची सलग नववी वेळ आहे.
01 Feb 2026 07:36 AM (IST)
केंद्रीय अर्थमंत्री निर्मला सीतारामन आज संसदेत अर्थसंकल्प सादर करणार आहेत. या अर्थसंकल्पाकडे संपूर्ण देशातील जनतेचे लक्ष लागले आहे. या अर्थसंकल्पात अनेक मोठ्या घोषणा होण्याची शक्यता व्यक्त केली जात आहे.
Union Budget 2026 Live : केंद्र सरकारचा 2026-27 या वर्षाचा अर्थसंकल्प केंद्रीय अर्थमंत्री निर्मला सीतारामन आज संसदेत सादर करणार आहेत. रविवार असूनही निर्मला सीतारामन संसदेत अर्थसंकल्पीय भाषण देतील. यासोबतच देशाच्या संसदीय इतिहासात एक नवा विक्रम नोंदवला जाणार आहे. सीतारामन सलग नव्यांदा अर्थसंकल्प सादर करतील. असे कामकाज करणाऱ्या त्या देशातील पहिल्याच अर्थमंत्री ठरतील. या अर्थसंकल्पाकडे संपूर्ण देशातील जनतेचे लक्ष लागले आहे.
मोदी सरकारने गुरुवारी संसदेत आर्थिक सर्वेक्षण २०२५-२६ सादर केले. या सर्वेक्षणातून स्पष्टपणे दिसून येते की सरकार देशाची कर प्रणाली हळूहळू सुलभ, सोपी आणि सुधारित करण्याच्या दिशेने वाटचाल करत आहे. मध्यमवर्गासाठी मोठी आयकर सवलत असो किंवा जीएसटी प्रणालीत बदल असो, या सर्वेक्षणातून असे सूचित होते की, भविष्यात कर भरणे सोपे होणार नाही तर ते कमी कर-केंद्रित देखील होईल.
