Suyash Prabhudessai : रणजी ट्रॉफीमध्ये RCB च्या स्टारचे मिळवले ‘सुयश’; शानदार फटकेबाजीने गाजवले मैदान; मणिपूर गोलंदाजांचा काढला घाम

Suyash Prabhudessai Ranji Trophy Century : रणजी ट्रॉफी 2024 च्या पहिल्या फेरीत, गोवा आणि मणिपूर यांच्यातील सामन्यात, सुयश प्रभुदेसाईने 63 च्या स्ट्राइक रेटने फलंदाजी करत 120 धावा केल्या, ज्यात 17 चौकारांचा समावेश होता. गोव्याने पहिल्या दिवशी 7 बाद 302 धावा केल्या. त्याच्या शतकामुळे गोव्याला 300 धावांचा टप्पा पार करण्यात यश आले.

Follow Us:

Follow Us:

Suyash Prabhudessai Ranji Trophy Century : भारतातील लोकप्रिय देशांतर्गत स्पर्धांपैकी एक असलेल्या रणजी करंडक स्पर्धेला सुरुवात झाली आहे. 2024 च्या पहिल्या फेरीत वेगवेगळे संघ एकमेकांशी भिडणार आहेत. गोवा क्रिकेट असोसिएशनच्या मैदानावर गोव्याचा सामना मणिपूरशी होत आहे. या सामन्यात आयपीएलमध्ये रॉयल चॅलेंजर्स बंगळुरूकडून खेळणाऱ्या खेळाडूने कहर केला. त्याने दमदार शतक झळकावले आहे. यामुळे तो आता प्रसिद्धीच्या झोतात आला आहे.

आरसीबीच्या स्टारचे सुयश

HUNDRED BY SUYASH PRABHUDESSAI.

– A century in 171 balls by Suyash in the Ranji trophy. 👏⭐ pic.twitter.com/frxxfVjvaI

— Mufaddal Vohra (@mufaddal_vohra) October 11, 2024

सुयश प्रभुदेसाईचे दमदार शतक
गोव्याकडून खेळताना २६ वर्षीय युवा फलंदाज सुयश प्रभुदेसाईने मणिपूरविरुद्ध शानदार शतक झळकावले. तो डावाची सुरुवात करायला आला होता. त्याने आपल्या डावात 63 च्या स्ट्राइक रेटने फलंदाजी केली आणि 19 चेंडूत 120 धावा केल्या. या खेळीत सुयशच्या बॅटमधून 17 चौकार दिसले.
सुयश इंडियन प्रीमियर लीगमध्ये आरसीबीकडून खेळतो. सुयशने २०२२ मध्येच आयपीएलमध्ये पदार्पण केले होते. मात्र, आजतागायत तो या लीगमध्ये स्वत:ला सिद्ध करू शकला नाही. प्रभुदेसाईने खेळलेल्या 11 सामन्यात केवळ 126 धावा केल्या आहेत. आयपीएलमध्ये त्याच्या नावावर 11 चौकार आणि 4 षटकार आहेत.
गोवा आणि मणिपूर यांच्यातील सामन्याची अवस्था अशीच सुरू
मणिपूरच्या कर्णधाराने नाणेफेक जिंकून गोव्याला प्रथम फलंदाजी करण्यास सांगितले. सामन्याच्या पहिल्या दिवशी स्टंपपर्यंत एकूण 87 षटके खेळली गेली. अशा स्थितीत गोव्याने 7 बाद 302 धावा केल्या. सुयश प्रभुदेसाईशिवाय कर्णधार दर्शन मिसाळनेही ५१ धावांचे अर्धशतक झळकावले. सध्या समर दुभाषी 39 धावा करून खेळत आहे. स्नेहल कौठणकरनेही 41 धावांची चांगली खेळी केली. मणिपूरसाठी रेक्स राजकुमार आणि प्रियोजित सिंग कंगबम यांनी प्रत्येकी 2 तर रोनाल्ड लाँगजॅमने 1 बळी घेतला.

Web Title: Rcbs star suyash prabhudessai shines in ranji trophy smashes them with a strong century

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com