डोळ्यांच्या पेशींवर वाढलेला ताण कमी करण्यासाठी नियमित डोळ्यांभोवती लावा ‘हा’ पिवळा पदार्थ, डोळे होतील चमकदार

वारंवार मोबाईल किंवा लॅपटॉप पाहून डोळ्यांच्या पेशींवर आलेला ताण कमी करण्यासाठी डोळ्यांच्याभोवती तूप लावावे. तूप लावल्यामुळे डोळे अतिशय सुंदर आणि चमकदार होतात.

डोळ्यांच्या पेशींवर वाढलेला ताण कमी करण्यासाठी नियमित डोळ्यांभोवती लावा 'हा' पिवळा पदार्थ

Follow Us:

Follow Us:

बदलत्या काळात सर्वच गोष्टी डिजिटल झाल्यामुळे मोबाईल, लॅपटॉप आणि कम्प्युटरचा वापर मोठ्या प्रमाणावर केला जात आहे. सतत मोबाईल, लॅपटॉपवर काम करत राहिल्यामुळे मानसिक आरोग्यासोबतच शरीरालासुद्धा हानी पोहचू लागली आहे. तासनतास एका जागेवर बसून राहिल्यामुळे कंबर दुखणे, पाठीमध्ये वाढलेल्या वेदना आणि शरीरसंबंधित अनेक समस्या उद्भवू लागतात. त्यामुळे डोळ्यांना विश्रांती देणे आवश्यक आहे. हल्ली लहान मुलांपासून अगदी मोठ्यांपर्यंत सगळ्यांचं मोबाईलचे खूप जास्त वेड आहे. यामुळे डोळे कोरडे होणे, डोळ्यांमध्ये सतत वेदना होणे, डोळे लाल होणे इत्यादी अनेक समस्या उद्भवू लागतात. झोपेच्या कमतरतेमुळे डोळ्यांखाली काळी वर्तुळ येऊ लागतात.(फोटो सौजन्य – istock)

घामामुळे शरीराची वाढलेली दुर्गंधी कमी करण्यासाठी अंघोळीच्या पाण्यात टाका ‘ही’ आयुर्वेदिक हिरवी पाने, त्वचा होईल स्वच्छ

डोळ्यांखाली आलेली काळी वर्तुळ घालवण्यासाठी महिला सतत काहींना काही उपाय करत असतात. कधी डोळ्यांखाली क्रीम लावली जाते तर कधी डोळ्यांवर काकडी ठेवली जाते. यामुळे डोळ्यांना काहीवेळा पुरता थंडावा मिळतो. मात्र पुन्हा एकदा डोळे लाल होण्यास सुरुवात होते. म्हणूनच आज आम्ही तुम्हाला डोळ्यांभोवती वाढलेला काळेपणा कमी करण्यासाठी आणि डोळे चमकदार करण्यासाठी काही घरगुती उपाय सांगणार आहोत.हे घरगुती उपाय केल्यास डोळ्यांसंबंधित समस्या दूर होतील.

डोळ्यांवर तूप लावणे:

डोळ्यांसंबंधित वाढलेल्या वेदना कमी करण्यासाठी आणि डोळ्यांखालील त्वचा सुधारण्यासाठी डोळ्यांना तूप लावावे. तूप लावल्यामुळे डोळ्यांनाखाली त्वचा अतिशय चमकदार आणि सुंदर दिसेल. आयुर्वेदामध्ये तुपाला विशेष महत्व आहे. रात्री झोपण्याआधी डोळ्यांच्या कडांना काजळाप्रमाणे तूप लावावे. यामुळे डोळे थंड राहतात. हा उपाय नियमित केल्यास डोळ्यांभोवती वाढलेला काळेपणा कमी होतो. डोळे चमकदार होतात, डोळ्यांची गुणवत्ता सुधारण्यास मदत होते. डोळ्यांभोवती नियमित तूप लावल्यामुळे डोळ्यांच्या मसल्स रिलॅक्स होतात. तासनतास मोबाईल किंवा लॅपटॉपच्या स्क्रीनकडे पाहून कमी झालेली दृष्टी सुधारण्यासाठी तुपाचा वापर करावा.

डोळ्यांच्या स्नायूंना आराम मिळतो:

तुपामध्ये असलेले गुणधर्म डोळ्यांच्या आरोग्यासाठी अतिशय प्रभावी आहेत.यामुळे डोळ्यांचे स्नायू रिलॅक्स होतात. याशिवाय शरीरात वाढलेला तणाव आणि थकवा कमी होतो. यासाठी हातांच्या बोटांवर तूप घेऊन हलक्या हाताने डोळ्यांखाली मसाज केल्यास डोळ्यांना विश्रांती मिळते. डोळ्यांवरील ताण कमी करण्यासाठी तुपाने मसाज करणे अतिशय प्रभावी ठरेल. हा उपाय दिवसभरातून दोन किंवा तीन वेळा केल्यास लगेच फायदे दिसून येतील.

सतत चहा कॉफी पिऊन शरीरात वाढलेली जळजळ कमी करण्यासाठी फॉलो करा ‘या’ सोप्या टिप्स, कधीच होणार नाही ॲसिडिटी

कोवळ्या सूर्यप्रकाशाकडे काही क्षण बघत राहणे:

सकाळी झोपेतून उठल्यानंतर काही वेळ सकाळच्या कोवळ्या सूर्यप्रकाशाकडे पाहत राहणे आवश्यक आहे. यामुळे डोळ्यांची दृष्टी सुधारण्यास मदत होते. यामुळे व्हिज्युअल मोटर कोऑर्डिनेशन सुधारते आणि डोळ्यांच्या पेशींवर आलेले ताण कमी होण्यास मदत होते. पण दुपारच्या प्रखर उन्हात अजिबात पाहू नये. यामुळे डोळ्यांचे आरोग्य बिघडण्याची शक्यता असते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Web Title: Apply this yellow substance around the eyes regularly to reduce the increased stress on the eye cells

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com