मानसिक तणाव दूर करण्यासाठी नियमित करा ‘ही’ मुद्रा, जीवनशैलीत होईल बदल

मानसिक आणि शारीरिक आरोग्य सुधारण्यासाठी अनेक प्रयत्न केले जातात. पण तुम्ही अशांत मनाला शांत करण्यासाठी मुद्रा करू शकता. मानसिक आरोग्य चांगले ठेवण्यासाठी चिन्मय मुद्रा करावी. जी केल्याने मानसिक आरोग्य सुधारते. ही मुद्रा केल्याने शरीराला सुद्धा अनेक फायदे होतात. धावपळीच्या जीवनात थोडासा वेळ काढून आरोग्याला दिला पाहिजे अन्यथा आरोग्य पूर्णपणे बिघडून जाते. चिन्मय मुद्रा केल्यामुळे मानसिक आरोग्यला नेमके काय फायदे होतात, जाणून घेऊया सविस्तर.

मानसिक आरोग्य सुधारण्यासाठी नियमित करा 'ही' मुद्रा

Follow Us:

Follow Us:

दैनंदिन जीवन जगताना मानसिक ताणतणाव वाढल्यामुळे आरोग्य पूर्णपणे बिघडून जाते. मानसिक आरोग्य बिघडल्यानंतर शरीरसंबंधित अनेक समस्या उद्भवतात. सतत डोकं दुखणे, कामामध्ये लक्ष न लागणे, चक्कर येणे, खाण्यापिण्याच्या इच्छा न होणे इत्यादी अनेक समस्या उद्भवतात. अशांत मनाला शांत करण्यासाठी अनेक उपाय केले जातात. जगभरात सर्वच लोक मानसिक तणावाखाली जगत आहे. प्रत्येक व्यक्ती कोणत्या ना कोणत्या समस्येने त्रस्त आहे. मानसिक आरोग्य बिघडल्यानंतर त्याचे गंभीर परिणाम आरोग्यावर दिसून येतात. दैनंदिन जीवनातील कामावर त्याचा लगेच परिणाम दिसून येतो.

निरोगी जीवनशैली जगण्यासाठी संतुलित आहार, झोप, व्यायाम, मुद्रा, पुस्तक वाचणे इत्यादी अनेक गोष्टींचा उपयोग होतो. मानसिक तणाव निर्माण झाल्यानंतर शरीरात हार्मोनल असंतुलित होतात. हार्मोनल असंतुलित झाल्यामुळे आरोग्यावर त्याचे परिणाम दिसून येतात. त्यामुळेच आज आम्ही तुम्हाला निरोगी जीवनशैली जगण्यासाठी मुद्रा किती फायदेशीर आहेत, याबद्दल सांगणार आहोत.तसेच कोणती मुद्रा केल्यामुळे मानसिक आरोग्य सुधारते? चला तर जाणून घेऊया.(फोटो सौजन्य-istock)

मानसिक आरोग्य सुधारण्यासाठी नियमित करा ‘ही’ मुद्रा

चिन्मय मुद्रा:

सकाळी उठल्यानंतर मोबाईल किंवा इतर गोष्टींकडे लक्ष केंद्रित करण्याऐवजी व्यायाम आणि मुद्रा कराव्यात. याचा फायदा मानसिक आणि शारीरिक आरोग्य सुधारण्यासाठी होतो. मानसिक आरोग्य चांगले असेल तरच शारीरिक आरोग्य चांगले राहते. मानसिक आरोग्य सुधारण्यासाठी सकाळी उठल्यावर चिन्मय मुद्रा करावी. यासाठी सर्वप्रथम सुखासनात बसावे. तसेच तुम्ही वज्रासनात सुद्धा बसू शकता. त्यानंतर अंगठ्याच्या टोकाने तर्जनीच्या टोकाला स्पर्श करा. हे सर्व करून झाल्यानंतर वर्तुळ तयार करा. नंतर उरलेली तीन बोट हाताच्या तळव्यावर वलयाकार बंद करून हात मांडीवर ठेवा. हे सर्व केल्यानंतर दीर्घ श्वास घेऊन श्वास सोडा. असे पाच वेळा नियमित करा.

मानसिक आरोग्य सुधारण्यासाठी नियमित करा ‘ही’ मुद्रा

चिन्मय मुद्रा केल्याने मानसिक आरोग्याला होणारे फायदे:

• चिन्मय मुद्रा नियमित केल्यामुळे मानसिक आरोग्य सुधारते. यामुळे तुमचे लक्ष कामावर व्यवस्थित राहते.
• मन शांत होऊन मनातील चिंता आणि तणाव कमी होतात.
• मानसिक आरोग्य बिघडल्यामुळे शरीरात जाणवत असलेला अशक्तपणा कमी होऊन शरीरात ऊर्जा निर्माण होते.
• मन शांत करण्यासाठी नियमित योग किंवा ध्यान आणि मुद्रा कराव्यात.
• चिन्मय मुद्रा नियमित केल्यामुळे पचनक्रिया सुधारते आणि आतड्यांचे आरोग्य निरोगी राहते.
• चिन्मय मुद्रा केल्यामुळे शरीरातील पाच घटकांचे एकमेकांशी व्यवस्थित संतुलन राहते, असे डॉक्टरांचे म्हणणे आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Chinmay mudra will help you to remove mental stress

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com