Christmas 2025 : ख्रिसमसची मजा होईल द्विगुणित, यंदा घरीच बनवा सर्वांच्या आवडीचा ‘प्लम केक’; रेसिपी नोट करा

Plum Cake Recipe : ख्रिसमस आणि प्लम केकच नातं जरा आगळचं... भरपूर ड्रायफ्रूट्स, संत्र्याचा ज्यूस आणि मैदा घालून बनवलेला हा केक चवीला फार अप्रतिम लागतो. तुम्ही घरीदेखील बेकरीसारखा टेस्टी प्लम केक तयार करू शकता.

(फोटो सौजन्य – Pinterest)

Follow Us:

Follow Us:

• दरवर्षीप्रमाणे यंदाही २५ डिसेंबर रोजी ख्रिसमस हा सण साजरा केला जाणार आहे
• या सणानिमित्त प्लम केक बनवण्याची आणि खाण्याची जुनी पद्धत आहे
• बाजरात कशाला तुम्ही घरीही सोप्या पद्धतीमध्ये हा केक तयार करू शकता

हिवाळ्यात शरीराला गरम ठेवतील प्रथिनेयुक्त मूगडाळीचे लाडू; पारंपरीक रेसिपीने शरीर होईल बळकट, आजच बनवा रेसिपी

साहित्य :

• मनुका – ½ कप
• काळा मनुका– ¼ कप
• ड्राय क्रॅनबेरी – ¼ कप
• चिरलेली अंजीर – ¼ कप
• चिरलेले खजूर – ¼ कप
• मैदा – 1½ कप
• साखर – ¾ कप (कॅरामेल बनवण्यासाठी)
• बटर – ½ कप
• अंडी – 3
• बेकिंग पावडर – 1 टीस्पून
• बेकिंग सोडा – ¼ टीस्पून
• दालचिनी पावडर – ½ टीस्पून
• जायफळ पावडर – ¼ टीस्पून
• लवंग पावडर – ¼ टीस्पून
• व्हॅनिला इसेन्स – 1 टीस्पून
• संत्र्याचा ज्यूस – 1 कप
• लिंबाचा रस – 1 टेबलस्पून
• बदाम/काजू – ¼ कप चिरलेले
• पाणी – 2-3 टेबलस्पून

कृती :

• यासाठी सर्वप्रथम सर्व ड्रायफ्रूट्स एका बाउलमध्ये घ्या. त्यावर संत्र्याचा ज्यूस आणि लिंबाचा रस टाकून रात्रीभर भिजू द्या. याने केकचा स्वाद जबरदस्त वाढतो.
• कढईत साखर टाका आणि हलक्या आचेवर वितळू द्या. ते गडद तपकिरी झाल्यावर त्यात 2-3 टेबलस्पून पाणी टाका. छान सिरप बनवा आणि थंड होऊ द्या.
• एका बाउलमध्ये मैदा, बेकिंग पावडर, बेकिंग सोडा, दालचिनी पावडर , लवंग पावडर आणि जायफळ पावडर चाळून घ्या.
• बटर मऊ करून त्यात तयार केलेला कॅरामेल सिरप आणि अंडी घालून छान फेटून घ्या. त्यात व्हॅनिला इसेन्स घाला.
• ओलसर मिश्रणात हळूहळू मैद्याचे मिश्रण मिसळा. नंतर भिजवलेले ड्रायफ्रूट्स (ज्यूससह) आणि चिरलेले बदाम/काजू घालून एकसारखे मिसळा.
• केक टिनला बटर लावून मैदा भुरा लावा. मिश्रण त्यात ओता आणि 160°C वर 45–55 मिनिटे बेक करा. मध्ये
• टूथपिक घालून तपासा, ती स्वच्छ बाहेर आली तर केक तयार.
• केक पूर्ण थंड होऊ द्या. तो जितका वेळ तो ठेवला जाईल तितका अधिक चविष्ट होतो.
• ख्रिसमस पार्टीमध्ये तुम्ही या केकला गरमा गरम चहा किंवा कॉफीसोबत खाण्यासाठी सर्व्ह करू शकता

Web Title: Christmas 2025 know how to make plum cake at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com