30 मिनिटात साफ होईल पोट, बद्धकोष्ठतेवर घरगुती उपाय ठरले रामबाण

Constipation Relief Home Remedies: बद्धकोष्ठता ही एक सामान्य समस्या आहे जी प्रत्येकाला कधीकधी ना कधीतरी त्रासदायक ठरते. बद्धकोष्ठतेमुळे बरेच लोक त्वरीत आराम मिळविण्यासाठी औषधांचा वापर करतात. पण तुम्हाला माहीत आहे का की असे काही घरगुती उपाय आहेत जे तुम्हाला अर्ध्या तासात बद्धकोष्ठतेपासून आराम मिळवून देऊ शकतात, जाणून घेऊया.

बद्धकोष्ठतेवर रामबाण घरगुती उपाय (फोटो सौजन्य - iStock)

Follow Us:

Follow Us:

बद्धकोष्ठता ही सध्या सामान्य समस्या मानली जाते, त्यामुळे पोट फुगणे, पोटदुखी आणि शौचास त्रास होणे यासारख्या समस्या उद्भवू शकतात. बद्धकोष्ठतेपासून आराम मिळवण्यासाठी अनेक औषधांचा वापर केला जातो. साधारणतः बाजारातून अधिक औषधे आणली जातात. पण, तुम्हाला माहीत आहे का की असे काही घरगुती उपाय आहेत जे बद्धकोष्ठतेपासून लवकर आणि सहज आराम मिळवून देऊ शकतात?

आज आम्ही तुम्हाला अशाच एका घरगुती उपायाबद्दल सांगणार आहोत, ज्याचा वापर करून तुम्ही अवघ्या 30 मिनिटांत बद्धकोष्ठतेपासून मुक्ती मिळवू शकता. आयुर्वेदिक अशा अनेक वनस्पती आहेत, ज्याचा तुम्हाला वापर करून घेता येतो आणि त्यापैकी एक आहे ती म्हणजे त्रिफळा. आयुर्वेदिक डॉक्टर माधव भागवत यांनी याबाबत अधिक माहिती दिली असून कसा वापर करावा जाणून घ्या. (फोटो सौजन्य – iStock)

त्रिफळाचे म्हणजे काय?

बद्धकोष्ठतेसाठी त्रिफळाचा वापर

तीन औषधी वनस्पतींपासून त्रिफळा बनवतात. याचा अर्थ नेमका काय आहे तर, संस्कृतमध्ये, “त्रि” म्हणजे “तीन” आणि “फळा” म्हणजे “फळे” म्हणून त्याला त्रिफळा म्हटले जाते. ही एक अँटिऑक्सिडेंट-समृद्ध हर्बल वनस्पती आहे. 

त्रिफळाचे बद्धकोष्ठतेसाठी फायदे 

त्रिफळा एक आयुर्वेदिक औषध आहे ज्यामध्ये आवळा, हरड आणि बहेडा ही तीन फळे असतात. ही सर्व फळे पचनसंस्थेसाठी खूप फायदेशीर आहेत. त्रिफळामध्ये असलेले फायबर मल मऊ करण्यास आणि आतड्यांसंबंधी हालचाल वाढविण्यास मदत करते. याशिवाय त्रिफळामध्ये अँटिऑक्सिडेंट आणि अँटी-इंफ्लेमेटरी गुणधर्म असतात, जे पचनसंस्था निरोगी ठेवण्यास मदत करतात. 

कसे वापरावे त्रिफळा

बद्धकोष्ठतेवर घरगुती उपाय करण्यासाठी तुम्हाला एक चमचा त्रिफळा आणि एक ग्लास गरम पाणी लागेल. सर्व प्रथम, त्रिफळा गरम पाण्यात चांगले मिसळा आणि रात्रभर भिजत ठेवा. हे पाणी गाळून सकाळी रिकाम्या पोटी प्या. असे नियमित केल्याने तुमचा बद्धकोष्ठतेचा त्रास निघून जाण्यास मदत मिळते. 

बद्धकोष्ठतेसाठी काही इतर घरगुती उपाय

बद्धकोष्ठतेसाठी घरगुती उपाय

पाणी: बद्धकोष्ठता टाळण्यासाठी आणि आराम करण्यासाठी भरपूर पाणी पिणे सर्वात महत्वाचे आहे

इसबगोल: इसबगोल हे एक नैसर्गिक फायबर आहे जे मल मऊ करण्यास आणि आतड्यांसंबंधी हालचाल वाढविण्यास मदत करते

दही: दह्यामध्ये प्रोबायोटिक्स असतात, जे पचनसंस्थेसाठी फायदेशीर असतात

केळी: केळी पोटॅशियमचा एक चांगला स्रोत आहे, ज्यामुळे आतड्याची हालचाल सुलभ होते

आले: आल्यामध्ये पचनसंस्थेला चालना देणारे गुणधर्म असतात. त्यामुळे पोटात दुखायला लागल्यावर आलं खाण्याचा सल्ला देण्यात येतो

संदर्भ 

https://www.medicalnewstoday.com/articles/318694

https://www.webmd.com/digestive-disorders/constipation-remedies

https://pharmeasy.in/blog/home-remedies-for-constipation-by-dr-siddharth-gupta/

Web Title: Constipation home remedies will help you to get relief in 30 minutes use triphala

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com