मासिक पाळीतील ‘या’ त्रासांकडे चुकूनही करू नका दुर्लक्ष, डॉक्टरांच्या सल्ल्याने उपचार करून आरोग्याची घ्या काळजी

मासिक पाळी आल्यानंतर काहींना पोटात आणि कंबरेमध्ये असह्य वेदना होऊ लागतात. या वेदनांकडे महिला दुर्लक्ष करतात. असे न करता डॉक्टरांच्या सल्ल्याने योग्य ते औषध उपचार घेऊन आरोग्याची काळजी घ्यावी.

मासिक पाळीतील 'या' त्रासांकडे चुकूनही करू नका दुर्लक्ष

Follow Us:

Follow Us:

प्रत्येक महिन्यातील चार ते पाच दिवस सर्वच महिलांना मासिक पाळी येते. मासिक पाळीच्या या पाच दिवसांमध्ये महिलांना आरोग्यासंबंधित अनेक समस्यांना तोंड द्यावे लागते. शरीरात होणारे वेदना, कंबर दुखणे, ओटीपोटात वाढलेल्या वेदना, अति रक्तस्त्राव इत्यादी अनेक समस्या उद्भवू लागतात. याशिवाय मासिक पाळी येण्याची काही दिवस आधी ब्रेस्टमध्ये वेदना होऊ लागतात. मासिक पाळी आल्यानंतर काहींना पोटात आणि कंबरेमध्ये असह्य वेदना होऊ लागतात. या वेदनांकडे महिला दुर्लक्ष करतात. पण सतत दुर्लक्ष करणे आरोग्यासाठी घातक ठरते. पोटात दुखण्यास सुरुवात झाल्यानंतर सामान्यपणे अन्नपचन किंवा गॅस्ट्रिकची समस्या उद्भवली असेल, असे अनेकांना वाटते. पण काही गंभीर समस्यांची ही लक्षणे असू शकतात.(फोटो सौजन्य – istock)

वयाच्या ९० व्या वर्षी हृदय राहील कायम हेल्दी! घरबसल्या नियमित करा ‘ही’ योगासने, हृदयाच्या रक्तवाहिन्या होतील मोकळ्या

पाळीच्या दिवसांमध्ये होणाऱ्या वेदनांकडे दुर्लक्ष न करता डॉक्टरांच्या सल्ल्याने योग्य ते औषध उपचार करावे. अनेक महिला पोटात दुखण्यास सुरुवात झाल्यानंतर घरगुती उपाय किंवा ओव्हर-द-काउंटर औषधं घेऊन काहीवेळापुरता आराम मिळवतात. मात्र पुन्हा एकदा पोटात आणि कंबरेमध्ये वेदना होऊ लागतात. वयाच्या २५ ते ३० वर्षांमध्ये महिलांना मासिक पाळी, गर्भधारणेची तयारी, हार्मोनल बदल, यूटेरस किंवा अंडाशयाशी संबंधित समस्या उद्भवू लागतात. त्यामुळे आज आम्ही तुम्हाला मासिक पाळी दरम्यान कोणत्या समस्या उद्भवतात, याबद्दल सविस्तर माहिती सांगणार आहोत.

हार्मोनल बदल किंवा मासिक पाळीतील वेदना:

महिलांच्या शरीरात सतत काहींना काही हार्मोनल बदल होत असतात. शरीरात होणाऱ्या हार्मोनल बदलांमुळे शरीराला बऱ्याचदा हानी पोहचते. मासिक पाळी आल्यानंतर पोटाच्या खालच्या भागात वेदना होत असल्यास डीस्मेनोरिया किंवा सामान्य पाळीतील वेदनाची लक्षणे असतात. मात्र पाळीआधी पोटाच्या खालील भागात वेदना होत असतील तर त्यांना एंडोमेट्रायोसिस किंवा पॉलिसिस्टिक ओव्हेरियन सिंड्रोम या आजाराचे संकेत आहेत. त्यामुळे पाळीच्या वेदनांपासून आराम मिळवण्यासाठी गरम पाण्याच्या पिशवीचा शेक घ्यावा.

पचनासंबंधित समस्या:

पाळीच्या दिवसांमध्ये महिलांना ​गॅस, अपचन, अ‍ॅसिडिटी किंवा पोटात जळजळ इत्यादी समस्या उद्भवतात. त्यामुळे आहारात सतत तेलकट किंवा मसालेदार पदार्थाचे सेवन करू नये. या पदार्थांच्या अतिसेवनामुळे शरीराला हानी पोहचते. या वेदना वात किंवा मलावष्टंभामुळे होण्याची शक्यता असते. त्यामुळे या वेदना सतत होत असल्यास तातडीने डॉक्टरांच्या सल्ल्याने औषध उपचार करावे.

आतड्यांमध्ये साचून राहिलेली घाण सरकन पडून जाईल बाहेर! पोट स्वच्छ होण्यासाठी नियमित खा ‘ही’ फळे, शरीराला होतील फायदे

लघवीच्या मार्गातील संसर्ग:

मासिक पाळी आल्यानंतर लघवी करताना जळजळ किंवा वेदना होण्याची जास्त शक्यता असते. पोटाच्या खालच्या भागात होणारी वेदना लघवीच्या संक्रमणामुळे उद्भवते. जळजळ, वारंवार लघवी लागणं, तीव्र वास किंवा लघवी करताना अस्वस्थता जाणवणे इत्यादी अनेक समस्या उद्भवतात. त्यामुळे मासिक पाळी आल्यानंतर अंतर्गत स्वचतेकडे जास्त लक्ष देणे, भरपूर पाणी पिणे आवश्यक आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Web Title: Dont ignore these menstrual problems by mistake health care tips periods news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com