Diwali 2024: तोंडात जाताच विरघळणारी मावा करंजी आता घरीच बनवा, नोट करा रेसिपी

दिवाळीचा सण आता जवळ आला आहे. त्यामुळे आता घराघरात दिवाळीच्या फराळाची लगबग सुरु झाली आहे. यंदाच्या दिवाळी फराळात तुम्ही मावा करंजीचा समावेश करू शकता. मिठाईच्या दुकानात तुम्ही बऱ्याचदा ही करंजी पाहिली असेल.

Follow Us:

Follow Us:

दिवाळीचा सण आता जवळ येत आहे. यंदा 31 ऑटोबरपासून दीपावलीला सुरुवात होणार आहे. त्यामुळे आता सर्वत्र दिवाळीची तयारी सुरु झाली आहे. घराची साफसफाई, शॉपिग यासह आता गृहिणी दिवाळीचा फराळ बनवण्यात व्यस्त झाल्या आहेत. दिवाळीत या फराळाला विशेष मान! दिवाळीचा फराळ हा सर्वांच्याच आवडीचा आहे. यात अनेक चविष्ट पदार्थांचा समावेश असतो.दिवाळीला घराच्या सजावटीबरोबरच भरपूर मिठाई बनवल्या जातात. दिवाळीच्या सणात बनवल्या जाणाऱ्या पारंपारिक खाद्यपदार्थांपैकी एक म्हणजे करंजी. लोक अनेक प्रकारे करंजी बनवतात. काही लोक त्यात रवा वापरतात तर काही लोक मावा वापरतात.

स्टफिंगने भरलेली ही करंजी चवीला अप्रतिम लागते. तुम्ही अनेकदा बाजारात मिठाईच्या दुकानात मावा करंजी पाहिली असेल गोड मधुर चवीची ही करंजी तोंडात जाताच अगदी विरघळायला सुरुवात करते. हिची चव अनेकांना हिच्या प्रेमात पडण्यास भरीस पाडते. आज आम्ही तुम्हाला हीच मावा करंजी घरी कशी तयार करायची याची एक सोपी रेसिपी सांगत आहोत. ही रेसिपी तुमच्या फराळाची रंगत वाढवेल. घरी आलेल्या पाहुण्यांना तुम्ही घरी तयार केलेली ही मावा करंजी खाऊ घालू शकता. चला तर मग जाणून घेऊयात यासाठी लागणारे साहित्य आणि कृती.

हेदेखील वाचा – Diwali 2024: नेहमीची भाजणीची चकली सोडा, यंदा दिवाळीला बनवा झटपट पोह्यांची चकली

साहित्य

• दोन वाट्या मैदा
• एक वाटी खवा
• दोन वाट्या साखर
• एक वाटी तूप
• एक टीस्पून वेलची पूड
• एक टीस्पून बदाम

हेदेखील वाचा – Diwali 2024: फराळाची रंगत वाढवेल लसूण शेव, वाचा परफेक्ट रेसिपी

कृती

• मावा करंजी बनवण्यासाठी सर्वप्रथम एका भांड्यात मेदाचे पीठ घ्या
• त्यानंतर यात तूप आणि पाणी घालून चांगले मळून घ्या
• यानंतर हे पीठ अर्धा तास झाकून बाजूला ठेवून द्या
• आत गॅसवर एक कढई ठेवा आणि यात मावा टाकून मंद आचेवर काहीवेळ शिजवून घ्या
• माव्याचा रंग हलका तपकिरी झाला की गॅस बंद करून थंड करायला ठेवा
• मावा थंड झाल्यावर त्यात बदाम, वेलची पूड आणि एक वाटी साखर घाला
• आता पिठाचे गोळे करून त्याचे गोळे करून लाटून घ्या
• मग यात तयार सारण भरा आणि करंजीप्रमाणे याला आकार द्या
• आता गॅसवर दुसरी एक कढई ठेवा आणि यात तूप टाका
• तूप गरम झाले की तयार करंजी सोनेरी रंग येईपर्यंत छान तळून घ्या
• तयार मला करंजी एका प्लेटीत काढा आणि थंड झाल्यावर एका डब्यात भरून ठेवा
• तुम्हाला हवं तेव्हा तुम्ही याचा आस्वाद घेऊ शकता

Web Title: Diwali 2024 know how to make mawa karanji at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com