काही गोड खणायची इच्छा आहे मग झटपट बनवा पुरणाची करंजी! नोट करा रेसिपी

तुम्ही करंजी हा पदार्थ अनेकदा खाल्ला असेल मात्र तुम्ही कधी पुरणाची करंजी खाल्ली आहे का? अनेकांनी या प्रकारची करंजी आजवर करून पाहिली नाही. ही चवीला स्वादिष्ट तर लागतेच मात्र आरोग्यासाठीही फायदेशीर आहे. एकदा तरी ही पुरणाची करंजी नक्की करून पहा. (फोटो सौजन्य: Pinterest)

Follow Us:

Follow Us:

अनेकदा जेवण केल्यांनतर आपल्याला काही तरी गोड खाण्याची इच्छा होत असते. मात्र अशावेळी आपल्या घरात काहीच गोडाचे उपलब्ध नसते. तुम्हालाही सारखे काहीतरी गोड खाण्याची इच्छा होत असेल तर आजची ही हटके आणि लज्जतदार रेसिपी तुम्ही नक्कीच करायला हवी. तुम्ही दिवाळीत करंजी हा प्रकार अनेकदा खाल्ला असेल. करंजी ही सामान्यतः मैदा आणि नारळाच्या सरणाने बनवली जाते.

मात्र आज आम्ही तुम्हाला पुरणाचे सारण असलेल्या एका हटके पण टेस्टी करंजीची रेसिपी सांगत आहोत. ही करंजी तुम्ही एकदा बनवून अनेक दिवस साठवून ठेवू शकता आणि तुम्हाला हवा तेव्हा याचा आस्वाद घेऊ शकता आणि मुख्य म्हणजे या रेसिपीला अधिक साहित्याची आवश्यकता लागत नाही. अगदी झटपट काही मिनिटांतच ही रेसिपी बनून तयार होते. चला तर मग जाणून घेऊयात यासाठी लागणारे साहित्य आणि कृती.

हेदेखील वाचा – गटारी स्पेशल: घरी बनवा हॉटेल स्टाइल ड्रॅगन चिकन

साहित्य:

• 2 कप गव्हाचे पीठ
• 2 चमचे रवा
• 2 कप चण्याची डाळ
• 2 कप किसलेला गूळ
• 1 चमचा वेलेची पूड
• 1 चमचा जायफळ पावडर
• तेल आवश्यकतेनुसार
• हळद चिमूटभर
• मीठ चवीनुसार

कृती:

• पुरणाची करंजी तयार करण्यासाठी सर्वप्रथम चण्याची डाळ 4-5 वेळा स्वछ पाण्याने धुवून घ्या
• त्यानंतर यात दोन कप पाणी आणि चिमुटभर हळद घालून शिजवून घ्या
• डाळ शिजेपर्यंत दुसरीकडे गव्हाचे पीठ मळून घ्या
• यासाठी एका परातीत किंवा भांड्यात व्हाच्या पीठ घेऊन त्यात तेल, रवा आणि मीठ मिक्स करा आणि याची कणिक मळून घ्या
• गव्हाचे पीठ मळल्यानंतर 15-20 मिनिटांसाठी बाजूला ठेवून द्या
• यानंतर शिजलेल्या डाळीचे पाणी एका भांड्यात काढून घ्या
• आता पुरण शिजवण्यासाठी गॅसवर कढई ठेवा आणि कढईत शिजलेली डाळ आणि गूळ घालून हे मिश्रण परतत राहा
• हे मिश्रण शिजल्यानंतर गॅस बंद करा आणि हे मिश्रण छान पुरणाच्या साच्यात बारीक करून घ्या ( तुम्ही मिसरमध्येही बारीक करू शकता )
• आता या बारीक केलेल्या मिश्रणात वेलची पूड, जायफळ पावडर आणि चवीनुसार मीठ घालून नीट एकजीव करून घ्या
• यानंतर आता मळलेल्या गव्हाच्या पिठाचे लहान गोळे तयार करा
• यातील एक गोळा पुरीसारखा लाटा आणि मग यात पुरणाचे मिश्रण घालून याला करंजीचा आकार द्या
• अशाप्रकारे सर्व करंज्या तयार करून घ्या
• आता गॅसवर कढई ठेवून यात तेल टाका
• तेल गरम झाले की यात एक एक तयार करंजी टाका आणि मध्यम आचेवर छान सोनेरी रंग येईपर्यंत तळून घ्या
• अशाप्रकारे तुम्ही पुरणाची करंजी तयार होईल, साजूक तुपासोबत हिला खाण्यासाठी सर्व्ह करा

Web Title: If you want to eat something sweet then quickly make puran stuffed karanji

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com