हॉटेलसारखी तडका खिचडी बनवा घरी, बोटं चाटत खाल इतकी होईल चविष्ट सोपी रेसिपी

Tadka Khichdi Recipe: घरी बनलेल्या दालखिचडी किंवा तडका खिचडीचा स्वाद रेस्टॉरंटसारखा येत नाही अशी अनेकांची तक्रार असते. अनेकांना हॉटेलमधील तडका खिचडी खूपच आवडते. तुम्ही आता अवघ्या काही मिनिट्समध्ये हा स्वाद घरच्या घरी आणू शकता, कसा ते जाणून घ्या.

Follow Us:

Follow Us:

हॉटेलमध्ये जेवताना प्रत्येकाने अनेकदा तडका खिचडीचा आस्वाद घेतला असेल. त्याची चव खूप स्वादिष्ट असते, त्यामुळे त्याची मागणीही जास्त आहे. रेस्टॉरंट स्टाईल तडका खिचडी तुम्ही घरीही सहज तयार करू शकता. चवदार तडका खिचडी खमंगपणे बनली तर ती खाण्यातही तितकीच मजा आहे. 

दिवसा पोटाला जड असणारे अन्न खाल्ले तर रात्री हलके आणि चविष्ट अन्न खायचे झाले तर ते म्हणजे तडका खिचडी. जर तुम्हाला हॉटेलसारखी तडका खिचडी घरी बनवायची असेल, तर तुम्ही या लेखात दिलेली रेसिपी नक्की फॉलो करा. सहजसोप्या पद्धतीने तुम्हीही करू शकता तडका खिचडी (फोटो सौजन्य – iStock) 

[read_also content=”बेसन हलवा रेसिपी https://www.navarashtra.com/lifestyle/everyone-will-be-happy-by-eating-besan-halwa-in-sweets-542741.html”]

तडका खिचडीसाठी साहित्य 

• तांदूळ – 2/3 कप
• मूगडाळ अथवा तुरीची डाळ – 1/3 कप
• हळद पावडर – 1/4 टी स्पून
• लसणाच्या 5 पाकळ्या
• मोहरी – 1/4 टी स्पून
• जिरे – 1/2 टी स्पून
• हींग – 1 चिमूटभर
• लाल मिरची पावडर – 1/2 टी स्पून
• कडिपत्ता – 1 टेबलस्पून
• तेल – 1 टेबलस्पून
• चवीनुसार मीठ 

तडका खिचडी बनविण्याची कृती 

• सगळ्यात आधी तांदूळ आणि डाळ स्वच्छ धुवा आणि त्यातील पाणी चाळणीत घालून काढून टाका 
• त्यानंतर प्रेशर कुकरमध्ये डाळ आणि तांदूळ ३-४ कप पाणी घालून ठेवा 
• त्यात हळद, मीठ मिक्स करा आणि साधारण ३-४ शिट्या काढा आणि काही वेळ झाकण उघडेपर्यंत तसंच राहू द्या
• त्यानंतर थंड झाल्यावर खिचडी एका भांड्यात काढा 
• त्यानंतर नॉनस्टिक पॅनमध्ये तेल घालून गरम करा
• त्यात मोहरी, लसूण आणि कडिपत्ता घालून मिक्स करा 
• त्यानंतर लाल मिरची पावडर, हिंग आणि अन्य मसाले घालून मिक्स करा 
• हा तडका खिचडीवर घाला आणि व्यवस्थित मिक्स करा. तुमची चविष्ट तडका खिचडी तयार आहे. जेवणात पोह्याचे वा उडदाचे पापड, लिंबू, लोणच्यासह खायला सर्व्ह करा

Web Title: How to make restaurant style tadka khichdi recipe at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com