मकरसंक्रांतीनिमित्त घरच्या घरी सोप्या पद्धतीत बनवा रसाळ आणि स्वादिष्ट मालपुआ, नोट करून घ्या रेसिपी

मकरसंक्रांतीच्या दिवशी गोड पदार्थामध्ये तुम्ही मालपुआ बनवू शकता. हा पदार्थ कमीत कमी साहित्यात त्यात होतो. याशिवाय मैद्याच्या पिठाऐवजी तुम्ही गव्हाच्या पिठाचा सुद्धा वापर करू शकता.

मकरसंक्रांतीनिमित्त घरच्या घरी सोप्या पद्धतीत बनवा रसाळ आणि स्वादिष्ट मालपुआ

Follow Us:

Follow Us:

संपूर्ण देशभरात वेगवेगळ्या पद्धतीने मकर संक्रांत सण साजरा केला जातो. यादिवशी सुगड पूजनाला महत्व असते. शेतकऱ्याच्या शेतात पिकलेल्या धान्यांची पूजा करून हळदीकुंकू देतात. यादिवशी काळ्या रंगाचे कपडे परिधान केले जातात. काळ्या रंगला विशेष महत्व आहे. मकर संक्रातीला सूर्य मकर राशीमध्ये प्रवेश करतो. हिंदू संस्कृतीला मकर संक्रात हा एकमेव सण आहे, ज्याच्या तारखा कधीच बदलत नाहीत. संक्रांतीनंतर रात्र लहान आणि दिवस मोठा असतो. संक्रांतीच्या दिवशी अनेक महिला उपवास करतात. सणावाराच्या दिवसांमध्ये मिठाई, गोड पदार्थ आणि तिळगुळाचे लाडू कायमच बनवले जातात. पण आज आम्ही तुम्हाला सोप्या पद्धतीमध्ये मालपुआ बनवण्याची रेसिपी सांगणार आहोत. रसाळ आणि चविष्ट मालपुआ घरातील प्रत्येकाला खूप जास्त आवडेल. मालपुवा हा पदार्थ बनवणे अतिशय सोपे आहे. कमीत कमी साहित्यात झटपट तुम्ही मालपुआ बनवू शकता. चला तर जाणून घेऊया रसाळ आणि चविष्ट मालपुआ बनवण्याची सोपी रेसिपी.(फोटो सौजन्य – istock)

रात्रीच्या जेवणाला बनवा आगरी कोळी स्टाईल ‘कोळंबी पुलाव’, सुगंधित-झणझणीत चव जी सर्वांनाच करेल खुश

साहित्य:

• मैदा पीठ
• साखर
• वेलची पावडर
• तूप
• सुका मेवा

कृती:

• मालपुआ बनवण्यासाठी सर्वप्रथम, टोपात पाणी गरम करण्यासाठी ठेवा. पाण्यात वाटीभर साखर टाकून पाक तयार करण्यासाठी ठेवा. साखरेच्या पाकात एक वेलची आणि केशर काड्या टाकाव्यात.
• वाटीमध्ये मैद्याचे पीठ घेऊन त्यात चवीनुसार मीठ घालून मिक्स करावे. त्यानंतर हळूहळू पाणी घालून मालपुआचे मिश्रण तयार करून घ्या.
• मालपुआचे मिश्रण तयार करताना त्यात गुठळ्या अजिबात ठेवू नये. यामुळे पदार्थाची चव बिघडू शकते. तयार केलेले पीठ काहीवेळ बाजूला ठेवून द्यावे.
• गॅसवर पॅन गरम करण्यासाठी ठेवा. पॅनवर एकसमान तूप लावून नंतर तयार केलेले बॅटर टाकून एकसमान मालपुआ बनवा.
• दोन्ही बाजूने मालपुआ व्यवस्थित भाजून घ्या. मालपुआ भाजताना बाजूने थोडेसे तूप सोडा. यामुळे मालपुआ चिकटणार नाही.
• त्यानंतर मालपुआ साखरेच्या पाकात घोळवून खाण्यासाठी सर्व्ह करा. वरून काजू बदाम टाकावेत.
• तयार आहे सोप्या पद्धतीमध्ये बनवलेला रसाळ चविष्ट मालपुआ.

Web Title: On the occasion of makar sankranti make juicy and delicious malpua at home using a simple method

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com