Sunday Special : घरी बनवा आगरी स्टाईल ओल्या करदीची झणझणीत भाजी, फिश लव्हर्सना नक्कीच आवडेल रेसिपी

Small Prawns Recipe : अनेक आगरी घरांमध्ये ओल्या करदीची भाजी आणि तांदळाची भाकरी हे काॅम्बीनेशन फार फेमस आहे. पारंपारिक मसाल्यात परतून या भाजीला खरपूस शिजेपर्यंत तयार केले जाते ज्यामुळे याची चव काही वेगळीच लागते. तुम्हाला मासे खायला आवडत असतील तर ही रेसिपी एकदा जरुर करुन पाहा.

(फोटो सौजन्य: Youtube)

Follow Us:

Follow Us:

• ओली करदी जिला स्माॅल प्राॅन्स असंही म्हटलं जातं.
• याची सुक्की भाजी चवाला फार अप्रतिम लागते.
•  आगरी संस्कृतीत ही भाजी आवडीने खाल्ली जाते.

१५ मिनिटांमध्ये सकाळच्या नाश्त्यासाठी बनवा कॅफे स्टाईल मसाला मॅक्रोनी पास्ता, लहान मुलांसह मोठेसुद्धा खातील आवडीने

साहित्य :

• ओली करंदी: २५० ग्रॅमबारीक
• चिरलेला कांदा: २ मोठे
• आलं-लसूण-अद्रक पेस्ट : १ चमचा
• हळद: १/२ चमचा
• गरम मसाला : १/२ चमचा
• लाल तिखट/आगरी मसाला  : १ चमचा
• चिरलेली कोथिंबीर
• तेल
• चवीनुसार मीठ

कृती 

• यासाठी सर्वप्रथम ओली करदी पाण्यातून २-३ वेळा स्वच्छ धुऊन घ्या. त्यातील बारीक सडलेले भाग आणि कचरा काढून टाका. पाणी निथळण्यासाठी ती एका चाळणीत ठेवा.
• कढईत तेल गरम करा आणि आलं-लसूण-अद्रक पेस्ट घालून १ मिनिट परतून घ्या
• आता यामध्ये बारीक चिरलेला कांदा घाला आणि कांदा मऊ होईपर्यंत (गुलाबी रंगावर) परता.
• कांदा परतल्यावर त्यात हळद, गरम मसाला आणि लाल तिखट घालून चांगले मिक्स करा.
• यामध्ये साफ केलेली ओली करदी घाला. चवीनुसार मीठ टाका. सर्व मिश्रण व्यवस्थित एकत्र करून घ्या.
• कढईवर झाकण ठेवून मंद आचेवर १० ते १५ मिनिटे भाजी शिजू द्या. (करदी खूप लवकर शिजते, त्यामुळे जास्त वेळ शिजवू नये).
•  शेवटी झाकण काढून बारीक चिरलेली कोथिंबीर भुरभुरा आणि भाजी कोरडी (सुक्की) होईपर्यंत आणखी १ मिनिट
• परतून गॅस बंद करा.
• गरमागरम ओल्या करदीची सुक्की भाजी तांदळाची भाकरीसोबत चवीला अप्रतिम लागते. तुम्ही चपातीसोबतही याचा आस्वाद घेऊ शकता.

Web Title: Sunday special agri koli style kardi small prawn recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com