आता Measles चा भयानक कहर, 124 लोकांना बाधा; काय आहे मिसिल्स आजार, कसा करावा उपाय

गोवर हा आजार सध्या वेगाने पसरताना दिसतोय. याची गंभीर चिन्हं वा संकेत नक्की काय आहेत आणि गोवर कसा पसरतो हे सर्वांनीच जाणून घेण्याची गरज आहे. सध्या हा आजार अमेरिकेतील टेक्सासमध्ये पसरतोय

गोवरचा वाढतोय कहर (फोटो सौजन्य - istock)

Follow Us:

Follow Us:

जगातील महासत्ता असलेल्या देशात गोवरने कहर माजवला आहे. अमेरिकेतील पश्चिम टेक्सासच्या ग्रामीण भागात गोवरच्या रुग्णांची संख्या १२४ वर पोहोचली आहे आणि १८ जणांना रुग्णालयात दाखल करण्यात आले आहे. राज्य आरोग्य विभागाने गेल्या मंगळवारी ही माहिती दिली. गोवर हा एक अत्यंत संसर्गजन्य रोग आहे. त्याचा प्रादुर्भाव प्रामुख्याने एका भागातील मेनोनाइट समुदायात दिसून येत आहे. हे नऊ काउंटींमध्ये पसरलेले आहे, ज्यात न्यू मेक्सिको, डॉसन, गॅसन, योआकम, एक्टर, लुबॉक, लिन, मार्टिन आणि डेलॅम्स काउंटी समाविष्ट आहेत.

लहान मुलांचा मोठा शत्रू 

गोवर हा एक संसर्गजन्य विषाणूजन्य आजार आहे जो विशेषतः लहान मुलांना प्रभावित करतो. हा आजार अत्यंत संसर्गजन्य आहे आणि एका व्यक्तीकडून दुसऱ्या व्यक्तीमध्ये वेगाने पसरतो. जर वेळेवर उपचार केले नाहीत तर गंभीर समस्या निर्माण होऊ शकतात. गोवर म्हणजे काय, तो कसा पसरतो, त्याची लक्षणे आणि प्रतिबंध करण्याच्या पद्धती जाणून घेणं अत्यंत गरजेचे आहे. WHO ने गोवर म्हणजे नक्की काय आणि याबाबत संपूर्ण माहिती त्यांच्या संकेतस्थळावर दिली आहे आणि हे प्रत्येकालाच माहीत असायला हवे. 

गोवर हा आजार नक्की काय आहे 

गोवर हा मॉर्बिलीव्हायरसमुळे होणारा विषाणूजन्य संसर्ग आहे. शरीरात प्रवेश केल्यानंतर तीव्र ताप, शरीरावर लाल पुरळ आणि श्वास घेण्यास त्रास निर्माण करते. सहसा याचा परिणाम लहान मुलांना होतो, परंतु जर लसीकरण नसेल तर प्रौढ देखील याला बळी पडू शकतात. गोवर सहसा १ ते १० वर्षांच्या मुलांमध्ये अधिक प्रमाणात होत असल्याचे दिसून येते. बाळ जन्माला आल्यानंतर त्याला योग्य वयात गोवरची लसही दिली जाते. मात्र सध्या याचा कहर टेक्सासमध्ये झाल्याचे दिसून येत आहे. 

1 महिना खाल्लीच नाही साखर वा गोड? किती होईल वजन कमी; शरीरावर कसा होईल परिणाम

कसा पसरतो गोवर

• हा हवेतून पसरणारा संसर्ग आहे जो संक्रमित व्यक्तीच्या शिंक, खोकला किंवा श्वासाच्या संपर्कात आल्याने इतरांना संक्रमित करू शकतो 
• संक्रमित व्यक्तीच्या जवळच्या संपर्कात आल्याने किंवा त्यांनी वापरलेल्या वस्तूंना स्पर्श केल्याने देखील हा विषाणू पसरू शकतो
• हा विषाणू हवेत अनेक तास टिकून राहू शकतो आणि एका व्यक्तीकडून दुसऱ्या व्यक्तीमध्ये सहजपणे पसरू शकतो

गोवर किती धोकादायक आहे?

• गोवर झालेल्या मुलांना न्यूमोनिया, डिहायड्रेशन, मेंदूचा संसर्ग (एन्सेफलायटीस) आणि अंधत्व यासारख्या समस्यांना सामोरे जावे लागू शकते
• कुपोषित मुलांसाठी आणि कमकुवत प्रतिकारशक्ती असलेल्या लोकांसाठी हे घातक ठरू शकते
• विशेषतः जर योग्य वेळी उपचार दिले गेले नाहीत तर, यामुळे मृत्यू देखील होऊ शकतो

सद्गुरूंच्या अफलातून 2 टिप्स, 90% आजारांपासून राहाल दूर; वेळीच लावा सवय रहा निरोगी

गोवरची लक्षणे

• जास्त ताप (१०४°F पर्यंत)
• खोकला आणि नाक वाहणे
• डोळ्यांतून लालसरपणा आणि पाणी येणे
• शरीरावर लहान लाल पुरळ येणे
• भूक न लागणे आणि थकवा येणे
• घसा खवखवणे आणि अशक्तपणा

गोवरवरील प्रतिबंधक उपाय

• लसीकरण: गोवर-रुबेला (एमआर) किंवा एमएमआर लस घ्या
• स्वच्छता: संक्रमित व्यक्तीपासून अंतर ठेवा आणि हात धुण्याची सवय लावा
• रोगप्रतिकारक शक्ती वाढवा: पोषक तत्वांनी युक्त आणि व्हिटॅमिन ए समृद्ध असलेले पदार्थ खाण्यावर लक्ष केंद्रित करा
• संसर्ग झाल्यास वेगळे राहा: संक्रमित व्यक्तीला इतरांपासून दूर ठेवा आणि डॉक्टरांशी संपर्क साधा.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: What is measles disease warning in usa texas america symptoms of govar prevention

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com