शुक्रवार, 16 ऑक्टोबर 2026
विद्या प्रतिष्ठानच्या विश्वस्तपदी रेवती सुळे आणि जय पवार यांची नियुक्ती
बारामती, प्रतिनिधी : बारामती येथील विद्या प्रतिष्ठानच्या विश्वस्तपदी खासदार सुप्रिया सुळे यांच्या कन्या रेवती सुळे आणि राष्ट्रवादीचे युवा नेते जय पवार यांची नियुक्ती करण्यात आली आहे. संस्थेच्या ५४ व्या वर्धापनदिनानिमित्त शुक्रवारी (दि. १६ ऑक्टोबर) आयोजित कार्यक्रमात संस्थेचे उपाध्यक्ष ॲड. अशोक प्रभुणे यांनी ही घोषणा केली. या नियुक्तीमुळे विद्या प्रतिष्ठानच्या कामकाजात पवार कुटुंबातील नव्या पिढीचा सहभाग वाढणार आहे. (Baramati News)
विद्या प्रतिष्ठानच्या वर्धापनदिनानिमित्त आयोजित कार्यक्रमाला ज्येष्ठ नेते आणि संस्थेचे अध्यक्ष शरद पवार यांच्यासह विविध क्षेत्रांतील मान्यवर उपस्थित होते. खासदार सुप्रिया सुळे यांच्या कन्या रेवती सुळे आणि दिवंगत उपमुख्यमंत्री अजित पवार यांचे पुत्र जय पवार यांच्यावर विश्वस्तपदाची जबाबदारी सोपविण्यात आली आहे. या घोषणेमुळे बारामतीच्या शैक्षणिक आणि राजकीय वर्तुळात या नियुक्तीची चर्चा सुरू झाली आहे.
विद्या प्रतिष्ठानची स्थापना १६ ऑक्टोबर १९७२ रोजी झाली. ग्रामीण भागातील विद्यार्थ्यांना दर्जेदार शिक्षणाच्या संधी उपलब्ध करून देण्याच्या उद्देशाने सुरू झालेल्या या संस्थेने गेल्या पाच दशकांत शैक्षणिक क्षेत्रात मोठा विस्तार केला आहे. शाळा, महाविद्यालये तसेच विविध व्यावसायिक अभ्यासक्रमांच्या माध्यमातून संस्थेने विद्यार्थ्यांना शिक्षणाच्या विविध संधी उपलब्ध करून दिल्या आहेत.
Shiv Sena: ठाकरेंच्या शिवसेनेला धक्का! राष्ट्रीय प्रवक्ते आनंद दुबे यांचा शिंदेंच्या शिवसेनेत प्रवेश
संस्थेच्या व्यवस्थापनात यापूर्वीपासूनच पवार कुटुंबातील सदस्यांचा सहभाग राहिला आहे. नव्या नियुक्त्यांमुळे संस्थेच्या आगामी वाटचालीत रेवती सुळे आणि जय पवार यांची भूमिका महत्त्वाची ठरणार आहे.
बदलत्या शैक्षणिक गरजा, आधुनिक तंत्रज्ञानाचा वापर आणि ग्रामीण विद्यार्थ्यांना गुणवत्तापूर्ण शिक्षणाच्या अधिक संधी उपलब्ध करून देण्याच्या दृष्टीने संस्थेच्या पुढील वाटचालीकडे आता लक्ष लागले आहे. विद्या प्रतिष्ठानच्या ५४ व्या वर्धापनदिनानिमित्त झालेली ही घोषणा संस्थेच्या व्यवस्थापनातील महत्त्वाची घडामोड मानली जात आहे.
Ans: रेवती सुळे आणि जय पवार यांची विद्या प्रतिष्ठानच्या विश्वस्तपदी नियुक्ती करण्यात आली आहे.
Ans: संस्थेचे उपाध्यक्ष ॲड. अशोक प्रभुणे यांनी १६ ऑक्टोबर रोजी आयोजित ५४ व्या वर्धापनदिन सोहळ्यात नियुक्तीची घोषणा केली.
Ans: विद्या प्रतिष्ठानची स्थापना १६ ऑक्टोबर १९७२ रोजी झाली.
